ନୂଆଦିଲ୍ଲୀ: ବୁଧବାର ଯୁଦ୍ଧଗ୍ରସ୍ତ ଇସ୍ରାଏଲ୍‌ରେ ପହଞ୍ଚିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ। ଗାଜା ହସ୍‌ପିଟାଲ୍‌ ବ୍ଲାଷ୍ଟ ଘଟଣାରେ ଇସ୍ରାଏଲ୍‌ର ଦୋଷ ନାହିଁ ।  ଅନ୍ୟ କେହି ଏହି ଆକ୍ରମଣ କରିଛି ବୋଲି ଆମେରିକା ରାଷ୍ଟ୍ରପତି କହିଛନ୍ତି। ଇସ୍ରାଏଲ୍‌ର ତେଲ ଅଭିବ୍‌ରେ ପହଞ୍ଚି ବାଇଡେନ୍ ଇସ୍ରାଏଲ୍ ରାଷ୍ଟ୍ରପତି ନେତାନ୍ୟାହୁଙ୍କୁ ଭେଟି ଆମେରିକାର ସମର୍ଥନ ତାଙ୍କ ପଛରେ ଅଛି ବୋଲି କହିଛନ୍ତି। ବାଇଡେନ୍ କହିଛନ୍ତି ଆମେରିକା ସବୁବେଳେ ଇହୁଦୀ ଦେଶକୁ ସମର୍ଥନ କରି ଆସିଛି। ଆତ୍ମରକ୍ଷା ପାଇଁ ଯାହା ଆବଶ୍ୟକ, ଆମେରିକା ଇସ୍ରାଏଲ୍‌କୁ ଯୋଗାଇବ ବୋଲି ବାଇଡେନ୍ କହିଛନ୍ତି। ହସ୍‌ପିଟାଲ୍‌ରେ ବ୍ଲାଷ୍ଟ ଅନ୍ୟ କେହି କରିଛି ଆପଣ କରି ନାହାନ୍ତି ବୋଲି ନେତାନ୍ୟାହୁଙ୍କୁ କହିଛନ୍ତି ବାଇଡେନ୍।

ସୂଚନା ଅନୁସାରେ, ଗାଜାରେ ଥିବା ଏକ ହସ୍‌ପିଟାଲ୍‌ରେ ବିସ୍ଫୋରଣ ଯୋଗୁ ୫୦୦ ଲୋକଙ୍କର ମୃତ୍ୟୁ ହୋଇଛି। ହମାସ ଏହାର ଦୋଷ ଇସ୍ରାଏଲ ଉପରେ ଲଦିଥିବା ବେଳେ ଇସ୍ରାଏଲ କିନ୍ତୁ ଏହାକୁ ଖଣ୍ଡନ କରିଛି। ପାଲେଷ୍ଟାଇନ୍‌ର ଆତଙ୍କବାଦୀ ସଂଗଠନ ଜିହାଦୀ ଗ୍ରୁପ୍‌ ରକେଟ୍‌ ଫେଲ୍ ହୋଇ ହସ୍‌ପିଟାଲ୍‌ରେ ମାଡ଼ ହୋଇଛି ବୋଲି ଇସ୍ରାଏଲ୍ କହିଛି।

ବାଇଡେନ କହିଛନ୍ତି “ଇସ୍ରାଏଲ ଓ ଆମେରିକା ଆତଙ୍କବାଦୀ ଘୋଷଣ କରିଥିବା ହମାସ ୧୩୦୦ ଲୋକଙ୍କୁ ହତ୍ୟା କରିଛି। ଏଥିରେ ୩୧ ଆମେରିକୀୟ ନାଗରିକ ମଧ୍ୟ ରହିଛନ୍ତି। ଛୋଟ ପିଲାଙ୍କ ସମେତ ସେମାନେ ଏକାଧିକ ଲୋକଙ୍କୁ ବନ୍ଧକ ବନାଇଛନ୍ତି। ସେମାନେ ଏଭଳି ଅତ୍ୟାଚାର କରିଛନ୍ତି ଯାହା ଆଇଏସ୍‌ଆଇଏସ୍‌ ଚିନ୍ତାଧାରକୁ ଦେଖାଉଛି।” ହମାସ ପାଲେଷ୍ଟାଇନ୍‌କୁ ପ୍ରତିନିଧିତ୍ୱ କରୁନାହିଁ। ଏହି ଗୋଷ୍ଠୀ କେବଳ ତାଙ୍କୁ କଷ୍ଟ ଦେଉଛି ବୋଲି ବାଇଡେନ୍ କହିଛନ୍ତି।

ଏଥିସହିତ ସହିତ ଆସ୍ତ୍ରଶସ୍ତ୍ର ଯୋଗାଇ ଥିବାରୁ ନେତାନ୍ୟାହୁ ଆମେରିକାକୁ ଧନ୍ୟବାଦ ଦେଇଛନ୍ତି।ସୂଚନା ଥାଉକି ଅକ୍ଟୋବର ୭ ତାରିଖରେ ଇସ୍ରାଏଲ୍ ହମାସ ମଧ୍ୟରେ ଯୁଦ୍ଧ ଲାଗି ରହିଛି। ସେବେଠାରୁ ଏପର୍ୟ୍ୟନ୍ତ ୨୭୭୮ ପାଲେଷ୍ଟାଇନ୍ ନାଗରିକଙ୍କର ମୃତ୍ୟୁ ହୋଇଛି। ସେହିପରି ଇସ୍ରାଏଲ୍‌ରୁ ୧୪୦୦ ଲୋକଙ୍କର ମୃତ୍ୟୁ ହୋଇଛି।

ୱାଶିଂଟନ: ଯୁଦ୍ଧ ଘନଘଟା ଭିତରେ ଇସ୍ରାଏଲ ଗସ୍ତ କରିପାରନ୍ତି ବାଇଡେନ୍‌ । ପ୍ରଧାନମନ୍ତ୍ରୀ ନେତନ୍ୟାହୁ ରାଷ୍ଟ୍ରପତି ବାଇଡେନ୍‌ଙ୍କୁ ନିମନ୍ତ୍ରଣ କରିଛନ୍ତି । ବାଇଡେନଙ୍କ ଗସ୍ତ ସମ୍ଭାବନା ନେଇ ଜାତୀୟ ଗଣମାଧ୍ୟମରେ ସୂଚନା ପ୍ରକାଶ ପାଇଛି। ଇସ୍ରାଏଲ ସାଥିରେ ରହିଛୁ ବୋଲି ଆମେରିକା ସ୍ପଷ୍ଟ କରି ସାରିଛି ।  ତେବେ ବାଇଡେନଙ୍କ ଗସ୍ତକୁ ନେଇ ସଠିକ ତାରିଖ ଧାର୍ଯ୍ୟ କରାଯାଇ ନାହିଁ ।

ଯୁଦ୍ଧ ପାଇଁ ଆମେରିକା ସେନା ପଠାଇବନି ବୋଲି କହି ସାରିଛନ୍ତି ବାଇଡେନ୍‌ ।  ଇସ୍ରାଏଲ ଆକ୍ରମଣରେ ଏଯାବତ ୨୬୭୦ ପାଲେଷ୍ଟେନୀୟଙ୍କ ମୃତ୍ୟୁ ଘଟିଛି। ଯୁଦ୍ଧର ନବମ ଦିନ ସୁଦ୍ଧା ୯,୨୦୦ ପାଲେଷ୍ଟେନୀୟ ଆହତ ହୋଇଥିବା ବେଳେ ହମାସ୍‌ ଆକ୍ରମଣରେ ୧୪୦୦ ଇସ୍ରାଏଲ ନାଗରିକଙ୍କ ମୃତ୍ୟୁ ଘଟିଥିବା ସୂଚନା ।

ନୂଆଦିଲ୍ଲୀ: ୨୦୨୩ ପାଇଁ ଜି-୨୦ର ଅଧ୍ୟକ୍ଷ ଭାରତ ନୂଆଦିଲ୍ଲୀରେ ଏହାର ଶିଖର ସମ୍ମିଳନୀ ଆୟୋଜନ କରୁଛି। ଏଥିପାଇଁ କଡ଼ା ସୁରକ୍ଷା ବ୍ୟବସ୍ଥା ସହ ସବୁ ପ୍ରକାର ପ୍ରସ୍ତୁତି ଶେଷ ହୋଇଛି। ବିଶ୍ୱ ନେତାମାନେ ମଧ୍ୟ ଆସିବା ଆରମ୍ଭ କରିଛନ୍ତି। ବିଦେଶୀ ଅତିଥିମାନଙ୍କ ଯାତାୟାତକୁ ସୁଗମ କରିବା ପାଇଁ କେତେକ କଟକଣା ଲାଗାଯାଇଛି। ଜି ୨୦ ସମ୍ମିଳନୀରେ ସାମିଲ୍‌ ହେବା ପାଇଁ ଦିଲ୍ଲୀରେ ପହଞ୍ଚିଛନ୍ତି ଆମେରିକା ରାଷ୍ଟ୍ରପତି ଜୋ ବାଇଡେନ। ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ଭିକେ ସିଂ ବିମାବନ୍ଦରରେ ପହଞ୍ଚି ବାଇଡେନଙ୍କୁ ସ୍ବାଗତ କରିଥିଲେ।

ଏହାପୂର୍ବରୁ ଆଜି ଜାପାନର ପ୍ରଧାନମନ୍ତ୍ରୀ ଫୁମିଓ କିଶିଡା ଏବଂ ବ୍ରିଟେନର ପ୍ରଧାନମନ୍ତ୍ରୀ ଋଷି ସୁନକ ଦିଲ୍ଲୀରେ ପହଞ୍ଚିଥିଲେ। ପ୍ରଧାନମନ୍ତ୍ରୀ ଭାବେ ଋଷି ସୁନକଙ୍କ ଏହା ପ୍ରଥମ ଭାରତ ଗସ୍ତ। ତାଙ୍କ ପୂର୍ବରୁ ବାଂଲାଦେଶ ପ୍ରଧାନମନ୍ତ୍ରୀ ଶେଖ ହସିନା ନୂଆଦିଲ୍ଲୀରେ ପହଞ୍ଚିଥିଲେ। ଏହା ବ୍ୟତୀତ ଇଟାଲୀର ପ୍ରଧାନମନ୍ତ୍ରୀ ଜର୍ଜିଆ ମେଲୋନି ଏବଂ ଆର୍ଜେଣ୍ଟିନାର ରାଷ୍ଟ୍ରପତି ଅଲବର୍ଟୋ ଫର୍ଣ୍ଣାଣ୍ଡିଜ୍ ଦିଲ୍ଲୀରେ ପହଞ୍ଚିଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଶନିବାର ଶିଖର ସମ୍ମିଳନୀ ପାଇଁ ନିରୂପିତ ସ୍ଥାନ ପ୍ରଗତି ମୈଦାନରେ ଥିବା ଭାରତ ମଣ୍ଡପମ୍‌ରେ ବିଶ୍ୱ ନେତାମାନଙ୍କୁ ଜଣଜଣ କରି ସ୍ବାଗତ କରିବେ।