ଇରାନର ସର୍ବୋଚ୍ଚ ନେତା ଆୟାତୋଲ୍ଲା ଅଲି ଖାମେନେଇଙ୍କ ନିଧନ ଖବର ଆସିବା ପରେ ରବିବାର ଦିନ ଭାରତର ବିଭିନ୍ନ ସ୍ଥାନରେ ତୀବ୍ର ପ୍ରତିକ୍ରିୟା ଦେଖିବାକୁ ମିଳିଛି। ଇରାନର ଷ୍ଟେଟ ମିଡିଆ ଏହି ଖବରକୁ ସ୍ପଷ୍ଟ କରିବା ପରେ ଭାରତର ଶିଆ ସମ୍ପ୍ରଦାୟ ମଧ୍ୟରେ ଶୋକର ଛାୟା ଖେଳିଯାଇଛି। ଆମେରିକା ଏବଂ ଇସ୍ରାଏଲର ମିଳିତ ଏୟାର ଷ୍ଟ୍ରାଇକରେ ଖାମେନେଇଙ୍କ ମୃତ୍ୟୁ ହୋଇଥିବା ଅଭିଯୋଗ କରି କାଶ୍ମୀରରୁ ନେଇ ଲକ୍ଷ୍ନୌ ପର୍ଯ୍ୟନ୍ତ ହଜାର ହଜାର ଲୋକ ରାସ୍ତାକୁ ଓହ୍ଲାଇ ବିକ୍ଷୋଭ ପ୍ରଦର୍ଶନ କରିଛନ୍ତି।

କାଶ୍ମୀର ଉପତ୍ୟକାରେ କଳା ପତାକା ସହ ବିକ୍ଷୋଭ

ଜମ୍ମୁ ଓ କାଶ୍ମୀରର ଶ୍ରୀନଗର, ବଡଗାମ ଏବଂ ବାରମୁଳା ଭଳି ଅଞ୍ଚଳରେ ରବିବାର ସକାଳୁ ଶିଆ ସମ୍ପ୍ରଦାୟର ଲୋକମାନେ ଏକାଠି ହୋଇଥିଲେ। ହାତରେ କଳା ପତାକା ଏବଂ ଖାମେନେଇଙ୍କ ଫଟୋ ଧରି ବିକ୍ଷୋଭକାରୀମାନେ ଆମେରିକା ଓ ଇସ୍ରାଏଲ ବିରୋଧରେ ସ୍ଲୋଗାନ ଦେଇଥିଲେ। ଶ୍ରୀନଗରର ରାଜରାସ୍ତାରେ ମହିଳା ଓ ପୁରୁଷମାନେ ପାରମ୍ପରିକ ଶୋକ ଶୋଭାଯାତ୍ରା ବାହାର କରିଥିଲେ। ଜମ୍ମୁ ଓ କାଶ୍ମୀର ଶିଆ ଆସୋସିଏସନ ପକ୍ଷରୁ ଏହି ଘଟଣାକୁ ନେଇ ଗଭୀର ଶୋକ ପ୍ରକାଶ କରାଯାଇଛି ଏବଂ ମୃତ ନେତାଙ୍କ ସମ୍ମାନରେ ପ୍ରାର୍ଥନା କରାଯାଇଛି।

ଲକ୍ଷ୍ନୌରେ ଆମେରିକା ବିରୋଧରେ ଗର୍ଜନ

ଉତ୍ତର ପ୍ରଦେଶର ରାଜଧାନୀ ଲକ୍ଷ୍ନୌର ପୁରୁଣା ସହରରେ ମଧ୍ୟ ବ୍ୟାପକ ବିରୋଧ ପ୍ରଦର୍ଶନ ଦେଖିବାକୁ ମିଳିଛି। ସ୍ଥାନୀୟ ଲୋକମାନେ ଏକାଠି ହୋଇ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏବଂ ଇସ୍ରାଏଲ ପ୍ରଧାନମନ୍ତ୍ରୀ ବେଞ୍ଜାମିନ ନେତାନ୍ୟାହୁଙ୍କ ବିରୋଧରେ ନାରାବାଜି କରିଥିଲେ। ଜଣେ ବିକ୍ଷୋଭକାରୀ ଗଣମାଧ୍ୟମକୁ କହିଛନ୍ତି, "ଆମ ନେତା କେବେବି ଶତ୍ରୁ ଆଗରେ ମୁଣ୍ଡ ନୁଆଁଇ ନାହାନ୍ତି। ଜଣେ ଖାମେନେଇ ଗଲେ ହଜାରେ ଖାମେନେଇ ଜନ୍ମ ନେବେ।"

ଧର୍ମଗୁରୁଙ୍କ ପ୍ରତିକ୍ରିୟା ଓ ଶୋକ ପାଳନ

ଭାରତର ପ୍ରମୁଖ ଶିଆ ଧର୍ମଗୁରୁ ମୌଲାନା ସୟଦ କଲବେ ଜୱାଦ ଏହି ଆକ୍ରମଣକୁ "କାପୁରୁଷୋଚିତ" ବୋଲି ଅଭିହିତ କରିଛନ୍ତି। ସେ ଖାମେନେଇଙ୍କୁ ମାନବିକତାର ଜଣେ ବଡ଼ ରକ୍ଷକ ବୋଲି ବର୍ଣ୍ଣନା କରିବା ସହ ତିନି ଦିନିଆ ଶୋକ ପାଳନ ପାଇଁ ଆହ୍ୱାନ ଦେଇଛନ୍ତି। ବେଙ୍ଗାଲୁରୁର ଅଲିପୁର ଗ୍ରାମରେ ମଧ୍ୟ ସମ୍ପ୍ରଦାୟର ନେତାମାନେ ତିନି ଦିନ ପାଇଁ ଶୋକ ଘୋଷଣା କରିଛନ୍ତି।

ଅନ୍ତର୍ଜାତୀୟ ସ୍ତରରେ ଉତ୍ତେଜନା

ସୂଚନାଯୋଗ୍ୟ ଯେ, ଶନିବାର ଦିନ ତେହେରାନରେ ହୋଇଥିବା ଏୟାର ଷ୍ଟ୍ରାଇକରେ ୮୬ ବର୍ଷୀୟ ଖାମେନେଇଙ୍କ ମୃତ୍ୟୁ ହୋଇଥିବା ନେଇ ରବିବାର ସକାଳେ ଇରାନ ସରକାରୀ ଗଣମାଧ୍ୟମ ସ୍ପଷ୍ଟ କରିଥିଲା। ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଏହାକୁ ଏକ ବଡ଼ ସଫଳତା ବୋଲି ଦାବି କରିଥିବା ବେଳେ ଇରାନ ଏହାର କଡ଼ା ଜବାବ ଦେବାକୁ ଚେତାବନୀ ଦେଇଛି। ଏହି ଘଟଣା ପରେ ସମଗ୍ର ମଧ୍ୟ-ପ୍ରାଚ୍ୟ ସମେତ ବିଶ୍ୱର ବିଭିନ୍ନ ସ୍ଥାନରେ ଉତ୍ତେଜନାମୂଳକ ପରିସ୍ଥିତି ସୃଷ୍ଟି ହୋଇଛି।

ମଧ୍ୟପ୍ରଦେଶର ରାଜଗଡ଼ ଜିଲ୍ଲାରୁ ଏକ ଆଶ୍ଚର୍ଯ୍ୟଜନକ ଘଟଣା ସାମ୍ନାକୁ ଆସିଛି। ଦୀର୍ଘ ୨୨ ବର୍ଷ ଧରି ନିଖୋଜ ଥିବା ଜଣେ ବ୍ୟକ୍ତି ଜାମ୍ମୁ-କାଶ୍ମୀରର ଏକ ମାନସିକ ଚିକିତ୍ସାଳୟରୁ ମିଳିବା ପରେ ତାଙ୍କୁ ସୁରକ୍ଷିତ ଭାବେ ଘରକୁ ଅଣାଯାଇଛି। ଏହି ଘଟଣା ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ଏବଂ ପରିବାର ଲୋକଙ୍କ ମଧ୍ୟରେ ଖୁସିର ଲହରୀ ଖେଳିଯାଇଛି।

୨୦୦୪ ମସିହାରୁ ନିଖୋଜ ଥିଲେ

ରାଜଗଡ଼ ଜିଲ୍ଲା ଖିଲଚିପୁର ତହସିଲର ଭୁମଡିୟା ଗ୍ରାମର ବାସିନ୍ଦା ସୁରେନ୍ଦ୍ର କୁମାର (କିଛି ରିପୋର୍ଟରେ ଦିନେଶ ନାମରେ ପରିଚିତ) ୨୦୦୪ ମସିହାରେ ହଠାତ୍ ନିଖୋଜ ହୋଇଯାଇଥିଲେ। ସେତେବେଳେ ତାଙ୍କର ମାନସିକ ସ୍ଥିତି ଠିକ୍ ନଥିଲା। ପରିବାର ଲୋକେ ବହୁ ଖୋଜାଖୋଜି କରିବା ପରେ ମଧ୍ୟ ତାଙ୍କର କୌଣସି ସନ୍ଧାନ ପାଇନଥିଲେ ଏବଂ ଶେଷରେ ଆଶା ଛାଡି ଦେଇଥିଲେ। ନିଖୋଜ ହେବା ସମୟରେ ତାଙ୍କର ଏକ ଦୁଇ ବର୍ଷର ପୁଅ ଥିଲା, ଯିଏ ବର୍ତ୍ତମାନ ବଡ଼ ହୋଇସାରିଛନ୍ତି।

କାଶ୍ମୀରର ମାନସିକ ଡାକ୍ତରଖାନାରେ ଚାଲିଥିଲା ଚିକିତ୍ସା

ସୂଚନା ଅନୁଯାୟୀ, ସୁରେନ୍ଦ୍ର ଘରୁ ବାହାରି ଟ୍ରେନ୍ ଏବଂ ବସରେ ବୁଲି ବୁଲି ଶେଷରେ କାଶ୍ମୀରର କୁପୱାରାରେ ପହଞ୍ଚିଥିଲେ। ସେଠାରେ ପୋଲିସ ତାଙ୍କୁ ଉଦ୍ଧାର କରି ଶ୍ରୀନଗରସ୍ଥିତ ଏକ ମାନସିକ ଚିକିତ୍ସାଳୟରେ ଭର୍ତ୍ତି କରିଥିଲା। ଦୀର୍ଘ ଦିନର ଚିକିତ୍ସା ପରେ ତାଙ୍କ ସ୍ମୃତିଶକ୍ତି ଫେରିଥିଲା ଏବଂ ସେ ନିଜ ଗାଁ ଓ ପରିବାର ବିଷୟରେ ଡାକ୍ତରମାନଙ୍କୁ ସୂଚନା ଦେଇଥିଲେ।

ପରିବାର ସହ ଭାବବିହ୍ୱଳ ପୁନର୍ମିଳନ

କାଶ୍ମୀର ପ୍ରଶାସନ ତରଫରୁ ରାଜଗଡ଼ ପୋଲିସ ସହ ଯୋଗାଯୋଗ କରାଯାଇଥିଲା। ଖବର ପାଇବା ପରେ ସୁରେନ୍ଦ୍ରଙ୍କ ଶଳା ଏବଂ ଗାଁର ସରପଞ୍ଚ କାଶ୍ମୀର ଯାଇ ଆଇନଗତ ପ୍ରକ୍ରିୟା ଶେଷ କରି ତାଙ୍କୁ ଘରକୁ ଫେରାଇ ଆଣିଛନ୍ତି। ଦୀର୍ଘ ଦୁଇ ଦଶନ୍ଧି ପରେ ନିଜ ପ୍ରିୟଜନଙ୍କୁ ପାଖରେ ପାଇ ପରିବାର ଲୋକେ ଅତ୍ୟନ୍ତ ଭାବବିହ୍ୱଳ ହୋଇପଡିଛନ୍ତି।

ଶ୍ରୀନଗର: ସେମାନେ ମାସ ମାସ ଧରି ମଧୁଚନ୍ଦ୍ରିକାର ଯୋଜନା କରିଥିଲେ। ଭୂସ୍ୱର୍ଗ କାଶ୍ମୀରରେ ମଧୁରାତି ବିତାଇବାକୁ କଳ୍ପନା କରିଥିଲେ। ବିବାହର ସମସ୍ତ ବ୍ୟସ୍ତତା ଏବଂ ସମ୍ପର୍କୀୟମାନେ ଚାଲିଯିବା ପରେ ସୁଜାତା ଓ ଶ୍ୟାମଳ (ପରିବର୍ତ୍ତିତ ନାମ) ମଧୁଚନ୍ଦ୍ରିକା ପାଳନ ପାଇଁ କାଶ୍ମୀରର ପାର୍ବତ୍ୟ ଉପତ୍ୟକା ପହଲଗାଓଁରେ ପହଞ୍ଚିଥିଲେ । ଶ୍ୟାମଳ ପାହାଡ଼କୁ ବହୁତ ଭଲ ପାଉଥିଲେ। ସେ ସବୁବେଳେ କହୁଥିଲେ, ଏହି ପର୍ବତଗୁଡ଼ିକ କେତେ ଶକ୍ତିଶାଳୀ, ଝଡ଼ରେ ମଧ୍ୟ ଏଗୁଡ଼ିକ ହଲେ ନାହିଁ। ପ୍ରେମ ଠିକ୍‌ ସେପରିି ହେବା ଉଚିତ ବୋଲି କହୁଥିଲେ।ଏହି ଅଞ୍ଚଳର ଶାନ୍ତ, ସୁନ୍ଦର ଉପତ୍ୟକା ସମସ୍ତଙ୍କୁ ମୁଗ୍ଧ କରେ ବୋଲି ଯାହା ଶୁଣିଥିଲେ, ତାକୁ ଅନୁଭବ କରିବା ଓ ଏକ ଶାନ୍ତ ଶୀତଳ ଅଞ୍ଚଳରୁ ଜୀବନର ନୂଆ ଯାତ୍ରା ଆରମ୍ଭ କରିବାକୁ ଆଶା ବାନ୍ଧିଥିଲେ। ଏକାଠି ବଞ୍ଚିବା ଓ ଏକାଠି ମରିବାକୁ ସେମାନେ ପଣ କରିଥିଲେ।

ଆଜି ସୁଜାତା ଓ ଶ୍ୟାମଳ ପାହାଡ଼ ଉପତ୍ୟକାରେ ବସିଥିଲେ। ସୁଜାତାଙ୍କ କୋଳରେ ମଥା ରଖି ଶ୍ୟାମଳ ଆଖି ବନ୍ଦ କରି ଶୋଇଥିଲେ। ଶ୍ୟାମଳଙ୍କ କେଶକୁ ସୁଜାତା ଧୀରେଧୀରେ ସାଉଁଲେଇ ଦେଉଥିଲେ। ମାତ୍ର ଏତିକି ବେଳେ ଏକ ଅଦ୍‌ଭୁତ ଶବ୍ଦ ଅଞ୍ଚଳର ନିରବତାକୁ ଛିନ୍‌ଭିନ୍‌ କରି ଦେଇଥିଲା। ସେ ଶବ୍ଦ ପକ୍ଷୀଙ୍କର ନ ଥିଲା, ପବନର ନ ଥିଲା;ସେ ଶବ୍ଦ ଥିଲା ଗୁଳିର, ଭୟର ଓ ଆତଙ୍କର । ଆତଙ୍କବାଦୀଙ୍କ ଗୁଳି ଶ୍ୟାମଳଙ୍କ ଦେହରୁ ନିଗାଡ଼ି ଦେଇଥିଲା ସବୁ ରକ୍ତ । ମୁହଁ ଶେତା ପଡ଼ି ଯାଇଥିଲା, ଶରୀର ନିଷ୍ପନ୍ଦ ହୋଇ ଯାଇଥିଲା। ହେଲେ ସୁଜାତା ଭାବୁଥିଲେ ଶ୍ୟାମଳଙ୍କୁ ନିଦ ହୋଇ ଯାଇଛି। ତାଙ୍କୁ ଉଠାଇବାକୁ ଚେଷ୍ଟା କରୁଥିଲେ। ….ଶୁଣ, କେବଳ ଥରେ ମୋ କଥା ଶୁଣ। ବିବାହ ପୂର୍ବରୁ ତୁମେ କହିଥିଲ ଯେ ବିବାହ ପରେ ଆମେ ଏପରି ଏକ ସ୍ଥାନକୁ ଯିବା; ଯେଉଁଠାରେ ଚାରିପାଖରେ ଥିବ ଉଚ୍ଚଉଚ୍ଚ ପାହାଡ଼…., ଗଛଲତାରେ ଭରପୁର ସବୁଜ ଉପତ୍ୟକା…. ଯେଉଁ ଆଡେ଼ ଚାହିଁଲେ ଖାଲି ଦିଶୁଥିବା ଶୂନ୍ୟତା ଓ ଶୂନ୍ୟତା…., ତୁମେ କହୁଥିବ, ମୁଁ ଶୁଣୁଥିବି…. ମୁଁ କହୁଥିବି, ତୁମେ ଶୁଣୁଥିବ…. ତୁମେ ମୋ କୋଳରେ ମୁଣ୍ଡ ରଖି ସେଠାରେ ବିଶ୍ରାମ ନେବ ବୋଲି କହିଥିଲ… ଦେଖ, ଆଖି ଖୋଲ…. ସବୁକିଛି ଠିକ୍‌ ସେମିତି ଅଛି… ଯେମିତି ତୁମେ କହିଥିଲ…. ଦେଖ ଚାରିଆଡେ଼ ଉପତ୍ୟକା, ଅସୁମାରି ଗଛ, ଚାରିଆଡେ଼ ନିରବତା, ଗଭୀର ନିରବତା… ମାତ୍ର ତୁମେ କାହିଁକି ନିରବ ହୋଇଗଲ….?

ନୂଆଦିଲ୍ଲୀ: ଜାମ୍ମୁ କାଶ୍ମୀରରେ ଭୂମିକମ୍ପ ଝଟ୍‌କା । ଆଜି ସାକଳୁ ବାରାମୁଲା ଅଞ୍ଚଳରେ ଭୂକମ୍ପ ଝଟ୍‌କା ଅନୁଭୂତ ହୋଇଛି। ଫଳରେ ଲୋକେ ଭୟଭୀତ ହୋଇପଡିଛନ୍ତି। ରିକ୍ଟର ସ୍କେଲରେ ଏହାର ତୀବ୍ରତା ୪.୯ ରେକର୍ଡ କରାଯାଇଛି। ତେବେ ଏଥିରେ କୌଣସି କ୍ଷୟକ୍ଷତି ହୋଇନାହିଁ।

ସୂଚନା ଅନୁଯାୟୀ, ଆଜି ବାରାମୁଲାରେ ସକାଳ ୬.୪୫ମିନିଟ୍‌ରେ ଭୂକମ୍ପ ଝଟ୍‌କା ଅନୁଭୂତ ହୋଇଥିଲା। ଏହି ଭୂକମ୍ପର କେନ୍ଦ୍ରସ୍ଥଳ ବାରାମୁଲା ଠାରୁ ୭୪ କିଲୋମିଟର ଦୂରରେ ଭୂମି ତଳେ ପାଞ୍ଚ କିଲୋମିଟର ଗଭୀରତାରେ ଥିଲା। ଏହାର ତୀବ୍ରତା ୪.୯ ରେକର୍ଡ କରାଯାଇଥିଲା।

ଶ୍ରୀନଗର: କାଶ୍ମୀରବାସୀଙ୍କ ପାଇଁ ଖୁସି ଖବର | ପ୍ରାୟ ଦୀର୍ଘ ୩୨ ବର୍ଷ ପରେ କାଶ୍ମୀରବାସୀ ବଡ଼ ପରଦାରେ ଦେଖିବେ ସିନେମା । ୧୮୮୯-୯୦ ମସିହାରେ ଆତଙ୍କବାଦୀଙ୍କ ଧମକ ଯୋଗୁଁ କାଶ୍ମୀରର ସମସ୍ତ ଫିଲ୍ମ ହଲକୁ ବନ୍ଦ କରିଦିଆଯାଇଥିଲା ।ଲେଫ୍ଟନାଣ୍ଟ ଜେନେରାଲ ମନୋଜ ସିହ୍ନା ମଙ୍ଗଳବାର ଉପତ୍ୟକାର ପ୍ରଥମ ମଲ୍ଟିପ୍ଲେକ୍ସର ଉଦଘାଟନ କରିଛନ୍ତି। ଏହା ପୂର୍ବରୁ ସିହ୍ନା ରବିବାର ଦକ୍ଷିଣ କାଶ୍ମୀରର ଶୋପିଆନ୍ ଓ ପୁଲୱାମା ଜିଲ୍ଲାରେ ସିନେମା ହଲ୍ ଉଦଘାଟନ କରିଥିଲେ। ସୂଚନାଯୋଗ୍ୟ, ଆଇନକ୍ସ ଚେନର ଏହି ମଲ୍ଟିପ୍ଲେକ୍ସରେ ଆମିର ଖାନଙ୍କ ଅଭିନୀତ ‘ଲାଲ ସିଂ ଚଢା’ର ପ୍ରିମିୟର ହେବ |

ଏହି ମଲ୍ଟିପ୍ଲେକ୍ସରେ ତିନୋଟି ସ୍କ୍ରିନ ରହିବ ଏବଂ ୫୨୨ ଦର୍ଶକ ଏକା ସଙ୍ଗେ ଫିଲ୍ମ ଦେଖିପାରିବେ | ପ୍ରଥମେ କାଶ୍ମୀରରେ ହିଁ ଆଂଶିକ ସୁଟିଂ ହୋଇଥିବା ଆମୀର ଖାନଙ୍କ ଫିଲ୍ମ ‘ଲାଲ ସିଂ ଚଢା’ ଏଠାରେ ପ୍ରଦର୍ଶିତ ହେବ। ଏହା ପରେ ସୈଫ ଅଲି ଖାନ ଏବଂ ହ୍ରିତିକ ରୋଶନଙ୍କ ‘ବିକ୍ରମ ବେଧା’ ୩୦ ସେପ୍ଟେମ୍ବରରେ ମୁକ୍ତିଲାଭ କରିବ। ବର୍ତ୍ତମାନ ଦିନକୁ ସକାଳ ୯ ଟାରୁ ୬ଟା ମଧ୍ୟରେ ତିନିଟି ଶୋ ଚାଲିବ | ପରବର୍ତ୍ତୀ ସମୟରେ ଦର୍ଶକଙ୍କ ସଂଖ୍ୟା ଦେଖି ଶୋ’ ଞବଢ଼ାଯିବ|

କାଶ୍ମୀରରେ ୧୯୯୦ ମସିହାରେ ମଧ୍ୟ କିଛି ସିନେମା ହଲ୍ ଖୋଲିବା ପାଇଁ ପଦକ୍ଷେପ ନିଆଯାଇଥିଲା | ତେବେ ଆତଙ୍କବାଦ ଯୋଗୁଁ ଏହି ପ୍ରୟାସ ସମ୍ପୂର୍ଣ୍ଣ ସଫଳ ହୋଇପାରିନଥିଲା। ସେପ୍ଟେମ୍ବର ୧୯୯୯ରେ ଆତଙ୍କବାଦୀମାନେ ଲାଲ ଚୌକରେ ରିଗାଲ ସିନେମା ଉପରେ ଗ୍ରେନେଡ୍ ଆକ୍ରମଣ କରିଥିଲେ। ୮୦ ଦଶକ ପର୍ଯ୍ୟନ୍ତ ଉପତ୍ୟକାରେ ପ୍ରାୟ ଏକ ଡଜନ ସିନେମା ହଲ୍ ଥିଲା । କିନ୍ତୁ ଆତଙ୍କବାଦ ଯୋଗୁଁ ସିନେମା ହଲ୍ ଗୁଡ଼ିକ ବନ୍ଦ ହୋଇଯାଇଥିଲା ।

ଶ୍ରୀନଗର : ଜମ୍ମୁ-କାଶ୍ମୀର କୁଲଗାମର ହଦିଗାମ ଅଞ୍ଚଳରେ ପୁଲିସ ଏନକାଉଣ୍ଟର ଭୟରେ ୨ ଆତଙ୍କବାଦୀ ଆତ୍ମ ସମର୍ପଣ କରିଛନ୍ତି। ପୁଲିସ ଏହି ଦୁଇ ଜଣଙ୍କୁ ଘେରି ନେଇଥିଲା। ସେମାନଙ୍କୁ ଚିହ୍ନଟ କରି ପୁଲିସ ତାଙ୍କ ମାତାପିତାଙ୍କୁ ଡକାଇଥିଲା। ମାଆ କାନ୍ଦି କାନ୍ଦି ପୁଅକୁ ଅସ୍ତ୍ର ଛାଡିବା ପାଇଁ ଅନୁରୋଧ କରିଥିଲା। ଏହା ଶୁଣି ପୁଅ ଅସ୍ତ୍ରଶସ୍ତ୍ର ଛାଡି ଆତ୍ମ ସମର୍ପଣ କରିଥିଲା। ପୁଲିସ ଆତଙ୍କବାଦୀ ନିକଟରୁ ଅସ୍ତ୍ରଶସ୍ତ୍ର, ଗୋଳାବାରୁଦ ସହିତ ଆପତ୍ତିଜନକ ସାମଗ୍ରୀ ଜବତ କରିଛି।

ଅନେକ ସମୟରେ ଝିଅମାନେ ଶାଶୂଘରେ ଯୌତୁକ ଜନିତ ହିଂସାର ଶିକାର ହେଉଥିବାର ଖବର ମିଳିଥାଏ। ତେବେ କାଶ୍କୀରର ବାବା ୱାଇଲ ଗାଁରେ ବାହାଘରରେ ଅଯଥା ଖର୍ଚ୍ଚ କି ଯୌତୁକ ଦେବାର କୌଣସି ନିୟମ ନାହିଁ। ଏହି ନିୟମକୁ ଗାଁ ଲୋକେ ପାଖାପାଖି ତିନି ଦଶକ ଧରି ପାଳନ କରି ଆସୁଛନ୍ତି। ଗାଁର ଜନସଂଖ୍ୟା ପ୍ରାୟ ଛଅ ହଜାର। ଗାଁର ଅଧିବାସୀମାନଙ୍କର ମୁଖ୍ୟ ବେଉସା କହିଲେ ପସ୍‌ମିନା ସାଲ୍‌ର ଆମଦାନି ଓ ରପ୍ତାନି। ଯଦିଓ କାଶ୍କୀରର ଅନ୍ୟ ଗାଁ ଲୋକଙ୍କ ଭଳି ଏମାନେ ସାଧାରଣ ଜୀବନ ଜିଇଁବା ଉପରେ ବିଶ୍ବାସ ରଖନ୍ତି, ତଥାପି ଯୌତୁକ ନ ଦେବା ମାମଲାରେ ଅନ୍ୟ ଗାଁ ତୁଳନାରେ ବାବା ୱାଇଲ ଗାଁ ଏକଦମ୍ ନିଆରା। ଯୌତୁକ ଲୋଭୀ ରାକ୍ଷସମାନଙ୍କ ଦ୍ବାରା ଅନେକ ସମୟରେ ନବବଧୂ ହତ୍ୟାର ଶିକାର ହୁଏ, ନଚେତ୍ ସେ ଆତ୍ମହତ୍ୟା କରିବା ପାଇଁ ବାଧ୍ୟ ହୁଏ। ଏହି ସବୁକୁ ଦୃଷ୍ଟିରେ ରଖି ଗାଁ ଲୋକେ ଜାକଜମକ ବାହାଘର ସହ ଯୌତୁକ ଦେବା ପରମ୍ପରା ଉପରେ କଟକଣା ଲଗାଇଛନ୍ତି। ତେବେ ଗାଁର ଯେକେହି ଯେତେ ଧନୀ ହୋଇଥିଲେ ସୁଦ୍ଧା, ଏ ନିୟମ ବିରୋଧରେ ଯାଇ ନଥାନ୍ତି। ଉଭୟ ଧନୀ ଓ ଗରିବଙ୍କୁ ଏହି ନିୟମ ପାଳନ କରିବାକୁ ହୋଇଥାଏ। ତେବେ ଏ ନେଇ ଗାଁ ଲୋକଙ୍କ ଦ୍ବାରା ଏକ ଲିଖିତ ଚୁକ୍ତି ହୋଇଥିଲା। ଯେଉଁଥିରେ ସମସ୍ତେ ସହମତି ପ୍ରକାଶ କରିଥିଲେ। ଅବଶ୍ୟ ବାହାଘରର ସମସ୍ତ ବିଧି ଅତି ସାଧାରଣ ଭାବେ ପାଳନ କରାଯାଏ। ବର ଓ କନ୍ୟା ପରିବାର ମିଶି ବାହାଘରର ସମସ୍ତ ଖର୍ଚ୍ଚ ଉଠାନ୍ତି। ତେବେ ବର ଘର କନ୍ୟାଘରକୁ ବିଭିନ୍ନ ଖର୍ଚ୍ଚ ବାବଦକୁ ୫୦ ହଜାରରୁ ଅଧିକ ଟଙ୍କା ଦେଇ ନ ଥାନ୍ତି। ଏହି ନିୟମ ଅନୁସାରେ ଯଦି କିଏ ଯୌତୁକ ନେବାର ଜଣାପଡ଼େ ସମ୍ପୃକ୍ତ ବ୍ୟକ୍ତିର ପରିବାରକୁ ସାମାଜିକ ବାସନ୍ଦ କରାଯାଏ। ଏପରିକି ସେହି ପରିବାରର କେହି ମରିଗଲେ ବି ଗାଁ ଲୋକ ସେଥିରେ ସାମିଲ ହୋଇନଥାନ୍ତି। ଗ୍ରାମବାସୀଙ୍କ ଏଭଳି ଏକ ନିଆରା ପଦକ୍ଷେପ ଯୋଗୁଁ ୧୯୮୫ ମସିହାରୁ ଉକ୍ତ ଗାଁରେ ଘରୋଇ ହିଂସା ଓ ଯୌତୁକ ଜନିତ କୌଣସି ମାମଲା ଏ ଯାବତ୍ ଦେଖିବାକୁ ମିଳି ନାହିଁ। ଏହି ଗାଁର ସାକ୍ଷରତା ହାର ୭୦%। ଫଳରେ ଯୌତୁକ ପ୍ରଥା ବାରଣକୁ ଗାଁର ଉଚ୍ଚଶିକ୍ଷିତ ଯୁବକଯୁବତୀମାନେ ଗ୍ରହଣ କରି ନେଇଛନ୍ତି।

ନୂଆଦିଲ୍ଲୀ: ଆଫଗାନିସ୍ତାନକୁ ଅକ୍ତିଆର କରିବା ପରେ କାଶ୍ମୀର ଉପରେ ନିଜର ପ୍ରଥମ ପ୍ରତିକ୍ରିୟା ରଖିଛି ତାଲିବାନ । ଏହା ସହିତ ତାଲିବାନ ଭାରତ ଏବଂ ପାକିସ୍ତାନ ମଧ୍ୟରେ ଥିବା ସାମ୍ପ୍ରତିକ ସମ୍ପର୍କ ବିଷୟରେ ମଧ୍ୟ ଆଲୋଚନା କରିଛି। ତାଲିବାନର ମୁଖପାତ୍ର ଜାବିହୁଲ୍ଲା ମୁଜାହିଦ୍ ପାକିସ୍ତାନୀ ଚ୍ୟାନେଲ ଏଆରଓ୍ବାଇ ନ୍ୟୁଜକୁ ଦେଇଥିବା ଏକ ସାକ୍ଷାତକାରରେ ଭାରତ-ପାକିସ୍ତାନ ମଧ୍ୟରେ ବଢୁଥିବା ଉତ୍ତେଜନା ତଥା ଅନ୍ୟାନ୍ୟ ପ୍ରସଙ୍ଗରେ ମତ ରଖିଛନ୍ତି। ସେ କହିଛନ୍ତି ଯେ ଉଭୟ ଦେଶ ଏକାଠି ବସି ଦ୍ୱିପାକ୍ଷିକ ସମସ୍ୟାର ସମାଧାନ କରିବା ଉଚିତ, କାରଣ ଉଭୟ ପଡ଼ୋଶୀ ଏବଂ ସେମାନଙ୍କର ସ୍ୱାର୍ଥ ପରସ୍ପର ସହ ଜଡିତ।

ଏହାସହିତ ଭାରତ ଏବଂ ପାକିସ୍ଥାନ ମଧ୍ୟରେ ଥିବା କାଶ୍ମୀର ବିବାଦ ଉପରେ ମଧ୍ୟ ପ୍ରତିକ୍ରିୟା ରଖିଛନ୍ତି ତାଲିବାନ ମୁଖପାତ୍ର । କାଶ୍ମୀର ଉପତ୍ୟକା ପ୍ରତି ଭାରତ ଏକ ସକରାତ୍ମକ ଆଭିମୁଖ୍ୟ ଗ୍ରହଣ କରିବା ଉଚିତ ବୋଲି ସେ କହିଛନ୍ତି।

ଏହାଛଡ଼ା ତାଲିବାନ କାବୁଲ ବିମାନବନ୍ଦର ବାହାରେ ହୋଇଥିବା ଆତ୍ମଘାତୀ ବିସ୍ଫୋରଣରକୁ ନିନ୍ଦା କରି କହିଛି ଯେ ଏହା ଆମେରିକାର ବାହିନୀ ଅଧୀନରେ ଥିବା ଏକ ଅଞ୍ଚଳରେ ଘଟିଛି। ଜାବିହୁଲ୍ଲା ମୁଜାହିଦ୍ କହିଛନ୍ତି ଯେ ତାଙ୍କ ସଂଗଠନ ଏହି ଆକ୍ରମଣକୁ ଦୃଢ ନିନ୍ଦା କରୁଛି ଏବଂ ସୁରକ୍ଷା ପ୍ରତି ସମ୍ପୂର୍ଣ୍ଣ ଧ୍ୟାନ ଦେଉଛି। ତାଲିବାନଠାରୁ ଅଲଗା ଏବଂ ଅଧିକ ଭୟଙ୍କର ଇସଲାମିକ୍ ଷ୍ଟେଟ୍ ଗ୍ରୁପ୍ ଆଫଗାନିସ୍ତାନ ସହିତ ଜଡିତ ଏକ ଗୋଷ୍ଠୀ ଦ୍ୱାରା ଏହି ଆକ୍ରମଣ ହୋଇଥିବା ଜଣାପଡିଛି।