ନୂଆଦିଲ୍ଲୀ: ଦିଲ୍ଲୀ ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ଉପରେ ଆକ୍ରମଣ। ଜନଶୁଣାଣି ବେଳେ ଦୁର୍ବୃତ୍ତ ଚାପୁଡ଼ା ମାରିବା ସହ ଚୁଟି ଟାଣିବାକୁ ଚେଷ୍ଟା କରିଥିଲେ। ବୁଧବାର ମୁଖ୍ୟମନ୍ତ୍ରୀ ରେଖା ଗୁପ୍ତା ଏକ ଜନଶୁଣାଣି କରୁଥିବା ସମୟରେ ତାଙ୍କ ଉପରେ ଆକ୍ରମଣ ହୋଇଥିଲା। ଆକ୍ରମଣ ପାଇଁ ପୋଲିସ ୩୫ ବର୍ଷୀୟ ଜଣେ ବ୍ୟକ୍ତିଙ୍କୁ ଗିରଫ କରିଛି। ଦିଲ୍ଲୀ ପୋଲିସ କହିବା ଅନୁଯାୟୀ, ଜନଶୁଣାଣିରେ ଉପସ୍ଥିତ ଜଣେ ବ୍ୟକ୍ତି ମୁଖ୍ୟମନ୍ତ୍ରୀ ରେଖା ଗୁପ୍ତଙ୍କୁ ଚାପୁଡ଼ା ମାରିଥିଲେ ଏବଂ ତାଙ୍କ ଚୁଟିକୁ ଟାଣିବାକୁ ଚେଷ୍ଟା କରିଥିଲେ।

ଏହି ସମ୍ପର୍କରେ ମୁଖ୍ୟମନ୍ତ୍ରୀ କାର୍ଯ୍ୟାଳୟ କହିଛି ଯେ, ଜନଶୁଣାଣି ସମୟରେ ଜଣେ ବ୍ୟକ୍ତି ମୁଖ୍ୟମନ୍ତ୍ରୀ ରେଖା ଗୁପ୍ତାଙ୍କ ଉପରେ ଆକ୍ରମଣ କରିଥିଲେ। ଅଭିଯୁକ୍ତକୁ ଦିଲ୍ଲୀ ପୁଲିସ ଗିରଫ କରିଛି ଏବଂ ପଚରାଉଚରା କରୁଛି। ସେହି ସମୟରେ, ଦିଲ୍ଲୀ ପୋଲିସ ସୂଚନା ଦେଇଛି ଯେ ମୁଖ୍ୟମନ୍ତ୍ରୀଙ୍କ ବାସଭବନରେ ଜନଶୁଣାଣି ସମୟରେ ରେଖା ଗୁପ୍ତାଙ୍କ ଉପରେ ଆକ୍ରମଣ ଘଟଣାରେ ଜଣେ ବ୍ୟକ୍ତିଙ୍କୁ ଗିରଫ କରି ସିଭିଲ୍ ଲାଇନ୍ସ ପୋଲିସ ଷ୍ଟେସନକୁ ନିଆଯାଇଛି ଏବଂ ଅଭିଯୁକ୍ତକୁ ପଚରାଉଚରା କରାଯାଉଛି। ଆକ୍ରମଣକାରୀ ପ୍ରଥମେ ରେଖା ଗୁପ୍ତାଙ୍କୁ ଏକ କାଗଜ ଦେଇଥିଲେ। ତା’ପରେ ତାଙ୍କୁ ହଠାତ୍ ଚାପୁଡ଼ା ମାରିଥିଲେ। ତାଙ୍କ ଚୁଟି ଟାଣିବାକୁ ଚେଷ୍ଟା କରିବା ବେଳେ ତାଙ୍କୁ ଆୟତ୍ତ କରିଥିଲେ ସୁରକ୍ଷା କର୍ମୀ। ଏମିତିକି ଅଭିଯୁକ୍ତ ରେଖା ଗୁପ୍ତାଙ୍କୁ ମଧ୍ୟ ଦୁର୍ବ୍ୟବହାର କରିଥିଲେ। ଘଟଣା ପରେ ବରିଷ୍ଠ ପୋଲିସ ଅଧିକାରୀମାନେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।

ନୂଆଦିଲ୍ଲୀ : ଯିଏ କୃଷକଙ୍କୁ ସମର୍ଥନ କରେନି ସେ କେବେବି ଦେଶପ୍ରେମୀ ନୁହେଁ ସେମାନେ ଦେଶଦ୍ରୋହୀ ଅଟନ୍ତି। ଏହିପରି ଲୋକମାନେ ଦେଶକୁ ଖାଲି କରି ଚାଲିଛନ୍ତି।  ସ୍ବାଧୀନତାର ୭୪ ବର୍ଷ ପରେ ମଧ୍ୟ ଦେଶର ବିକାଶ ହୋଇପାରିଲା ନାହିଁ। କଂଗ୍ରେସ ଓ ବିଜେପି ଦେଶକୁ ଲୁଟି‌ ଚାଲିଛନ୍ତି। କେବେ ଦେଶର ବିକାଶ କଥା ଚିନ୍ତା କରିନାହାନ୍ତି ବୋଲି କହିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍ ଆଦମୀ ପାର୍ଟିର ମୁଖ୍ୟ ଅରବିନ୍ଦ କେଜ୍ରିୱାଲ। ରବିବାର ହରିୟାଣାର ଜିନ୍ଦଠାରେ ଆୟୋଜିତ କିଷାନ ମହାପଞ୍ଚାୟତରେ ଯୋଗ ଦେଇ କେଜ୍ରିୱାଲ କହିଛନ୍ତି ଚାଷୀମାନଙ୍କ ସମସ୍ତ ଦାବି ପୂରଣ ପାଇଁ ସେ ବଳିଦାନ ଦେବାକୁ ପ୍ରସ୍ତୁତ ଅଛନ୍ତି। ଚାଷୀମାନଙ୍କ ଦାବି ପୂରଣ ପାଇଁ ସେ ସର୍ବଦା ଚେଷ୍ଟା କରୁଛନ୍ତି।

କେଜ୍ରିୱାଲ ଆହୁରୀ ମଧ୍ୟ କହିଛନ୍ତି ଯେ କୃଷକମାନଙ୍କ ପାଇଁ କେନ୍ଦ୍ର ସରକାର ଦିଲ୍ଲୀର ଷ୍ଟାଡିୟମକୁ କାରାଗାରରେ ପରିଣତ କରିବାକୁ ଚେଷ୍ଟା କରିଥିଲେ କିନ୍ତୁ ଦିଲ୍ଲୀ ସରକାର ଏହା କରିବାକୁ ଦେଇନଥିଲେ। କେନ୍ଦ୍ର ସରକାର କୃଷକମାନଙ୍କ ଉପରେ ଅତ୍ୟାଚର କରୁଛନ୍ତି । ଦିଲ୍ଲୀର ଆମ୍ ଆଦମୀ ପାର୍ଟି ସରକାର କେନ୍ଦ୍ର ସରକାରଙ୍କ ଏଭଳି ନିଷ୍ପତ୍ତିକୁ ବିରୋଧ କରୁଥିବାରୁ କେନ୍ଦ୍ର ସରକାର ବର୍ତ୍ତମାନ ସେମାନଙ୍କଠାରୁ ସମସ୍ତ କ୍ଷମତା ଛଡ଼ାଇବାକୁ ଚେଷ୍ଟା କରିଛନ୍ତି ।

ସରକାର ଚଳାଇବା ପାଇଁ ଦିଲ୍ଲୀବାସୀଆମ୍ ଆଦମୀ ପାର୍ଟିକୁ  ସଂଖ୍ୟାଗରିଷ୍ଠତା ଦେଇଥିଲେ କିନ୍ତୁ କେନ୍ଦ୍ର ସରକାର ବର୍ତ୍ତମାନ ସମସ୍ତ କ୍ଷମତା ଛଡ଼ାଇ ନେଉଛନ୍ତି। ଏହା କି ପ୍ରକାର ଗଣତନ୍ତ୍ର, ଯେଉଁଠାରେ ଲୋକମାନଙ୍କର ନିର୍ବାଚିତ ସରକାରଙ୍କର କୌଣସି ଶକ୍ତି ନାହିଁ। ଏଲଜି (ଲେଫ୍ଟନାଣ୍ଟ ଗଭର୍ଣ୍ଣର) କୁ ସମସ୍ତ କ୍ଷମତା ପ୍ରଦାନ କରିବାକୁ କେନ୍ଦ୍ର ସରକାର ଆଗ୍ରହୀ। କୃଷକମାନଙ୍କୁ ଆମ୍ ଆଦମୀ ପାର୍ଟି ସରକାର  ସହାୟତା କରିଥିବାରୁ  କେନ୍ଦ୍ର ସରକାର କ୍ଷମତା ଛଡାଇ ନେଇ ଦଣ୍ଡିତ କରିବାକୁ ଚାହିଁଛନ୍ତି ବୋଲି କେଜ୍ରିୱାଲ କହିଛନ୍ତି।  କୃଷକମାନଙ୍କୁ ତାଙ୍କ ହକ୍‌ ଦେବାପାଇଁ କୌଣସି ଦଣ୍ଡ କିମ୍ବା ବଳିଦାନର ସମ୍ମୁଖୀନ ହେବାକୁ ପ୍ରସ୍ତୁତ। କେନ୍ଦ୍ର ସରକାର ପ୍ରଣୟନ କରିଥିବା ନୂଆ କୃଷି ଆଇନକୁ ପ୍ରତ୍ୟାହାର କରନ୍ତୁ । କୃଷକ ମାନଙ୍କ ହିତରେ ସରକାର ନିଷ୍ପତ୍ତି ନିଅନ୍ତୁ। ଏଥି ସହିତ ରୋହତକରେ କୃଷକମାନଙ୍କ ଉପରକୁ ହୋଇଥିବା ଲାଠିଚାର୍ଜକୁ ମଧ୍ୟ ନିନ୍ଦା କରିଛନ୍ତି କେଜ୍ରିୱାଲ ।

କେଜ୍ରିୱାଲ କହିଛନ୍ତି ସେ ଜାନୁଆରୀ ୨୮ରେ ରାକେଶ ଟିକାୟତ ତାଙ୍କ ନିକଟକୁ ଏକ ଫୋନ୍‌ କଲ କରିଥିଲେ। ଯେଉଁଥିରେ ଟିକାୟତ କହିଥିଲେ ସୀମାରେ ଯୋଗୀ ସରକାର ପାଣି, ବିଦ୍ୟୁତ ଯୋଗାଣ ବନ୍ଦ କରିଦେଇଛନ୍ତି। ଯାହା ପରେ ଆମ୍ ଆଦମୀ ପାର୍ଟି ସରକାରଙ୍କ ତରଫରୁ ସୀମାରେ ବସିଥିବା ଚାଷୀଙ୍କ ପାଇଁ ୱାଟର ଟ୍ୟାଙ୍କର୍, ଜେନେରେଟର ଏବଂ ୱାଇ-ଫାଇ ସୁବିଧା ଯୋଗାଇ ଦେଇଥିଲେ।