ନୂଆଦିଲ୍ଲୀ: ଆନ୍ଧ୍ର ମାରେଡମଲ୍ଲୀ ଜଙ୍ଗଲରେ ପୁଣି ଏନକାଉଣ୍ଟର। ୭ ମାଓବାଦୀଙ୍କ ମୃତ୍ୟୁ ସୂଚନା। ଘଟଣା ସ୍ଥଳରେ ଯବାନଙ୍କ ଜୋରଦାର ସର୍ଚ୍ଚ ଅପରେଶନ ଜାରି ରହିଛି। ମୃତକଙ୍କ ମଧ୍ୟରେ ମାଓନେତା ଥିପୂରି ତିରୁପତି ରହିଥିବା ସୂଚନା। ଏକେ ୪୭ ବନ୍ଧୁକ ସହ ୮ଟି ବନ୍ଧୁକ ଓ ବହୁ ଅସ୍ତ୍ରଶସ୍ତ୍ର ଜବତ ହୋଇଛି। ମୃତକଙ୍କ ମଧ୍ୟରେ ୪ପୁରୁଷ ଓ ୩ ମହିଳା ମାଓବାଦୀ ରହିଥିବା ଜଣାପଡ଼ିଛି। ମାଓନେତା ଟେକ ଶଙ୍କର, ସୀତା ଡିଭିସିଏମ କ୍ୟାଡର ମାଓବାଦୀ ସହ ମୋଟ ୫ଜଣ କୁଖ୍ୟାତ ମାଓବାଦୀ ଥିବା ଜଣାପଡିଛି। ଗତକାଲି ହିଡମା ଓ ତାଙ୍କ ପତ୍ନୀଙ୍କ ସମେତ ୬ ମାଓବାଦୀଙ୍କ ମୃତ୍ୟୁ ଘଟିଥିଲା। 

ନୂଆଦିଲ୍ଲୀ: ଲଦାଖରେ ଅଘଟଣ । ନଦୀରେ ଭାସିଗଲା ସେନା ଟ୍ୟାଙ୍କ। ନଦୀରେ ଅଧିକ ପାଣି ଆସିବାରୁ ସେନା ଟ୍ୟାଙ୍କ ଭାସି ଯାଇଥିଲା। ସେନାର ଟ୍ୟାଙ୍କ ଅଭ୍ୟାସ ବେଳେ ଭାସିଯାଇଥିଲା।  ନଦୀ ପାର ବେଳେ ହଠାତ୍ ଜଳସ୍ତର ବଢିଯିବାରୁ ଦୌଲତ ବାଗ୍ ଓଲ୍ଡି ଅଞ୍ଚଳରେ ଟ୍ୟାଙ୍କଟି ଭାସିଯାଇଥିଲା। ଏହି ଦୁର୍ଘଟଣାରେ ଜଣେ JCO ଓ ଚାରି ଜଣ ଯବାନଙ୍କ ସମେତ ପାଞ୍ଚ ଜଣ ଭାରତୀୟ ସେନାକର୍ମଚାରୀ ପ୍ରାଣ ହରାଇଛନ୍ତି। ଦୁର୍ଘଟଣାରେ ପ୍ରାଣ ହରାଇଥିବା ସମସ୍ତ ସେନାକର୍ମଚାରୀଙ୍କ ମୃତଦେହ ଉଦ୍ଧାର କରାଯାଇଛି। ଏ ନେଇ ପ୍ରତିରକ୍ଷା ଅଧିକାରୀଙ୍କ ସୂଚନା।

ଅଧିକାରୀମାନେ କହିଛନ୍ତି ଯେ, ଶନିବାର ଲଦାଖର ନ୍ୟୋମା-ଚୁସୁଲ ଅଞ୍ଚଳରେ ଥିବା ଲାଇନ୍ ଅଫ୍ ଆକଚୁଆ କଣ୍ଟ୍ରୋଲ୍ (LAC) ନିକଟରେ  ଟି -72 ଟ୍ୟାଙ୍କରେ ନଦୀ ପାର ହେଉଥିବା ବେଳେ ପାଞ୍ଚ ଜଣ ସେନା ଭାସି ଯାଇଥିଲେ।  ଲେହ ଠାରୁ ୧୪୮ କିଲୋମିଟର ଦୂରରେ ଥିବା ମନ୍ଦିର ମୋଡ଼ ନିକଟରେ ଅଭ୍ୟାସ ବେଳେ ଏହି ଦୁର୍ଘଟଣା ଘଟିଛି। ନଦୀ ପାର ହେଉଥିବା ବେଳେ ହଠାତ୍ ବନ୍ୟା ପରିସ୍ଥିତି ସୃଷ୍ଟି ହୋଇଥିଲା। ଏହି କାରଣରୁ ୫ ଜଣ ସୈନିକ ଥିବା ଟି -72 ଟ୍ୟାଙ୍କଟି ବୁଡ଼ି ଯାଇଥିଲା।

ନୂଆଦିଲ୍ଲୀ:  ଲଦାଖର ବାସ୍ତବ ନିୟନ୍ତ୍ରଣ ରେଖା (ଏଲ୍‌ଏସି) ନିକଟରେ ଭାରତ ୬୮ ହଜାରରୁ ଅଧିକ ଯବାନଙ୍କୁ ମୁତୟନ କରିଛି। ୯୦ ଟ୍ୟାଙ୍କ ଏବଂ ୱିପନ ସିଷ୍ଟମ ଆକ୍ରମଣ ପାଇଁ ପ୍ରସ୍ତୁତ ହୋଇ ରହିଛି। ସୁଖୋଇ ଏସ୍‌ୟୁ-୩୦ ଏମ୍‌କେଆଇ ଏବଂ ଜାଗୁଆର ଭଳି ବିମାନ ଶତ୍ରୁ ଉପରେ ୨୪ ଘଣ୍ଟା ନଜର ରଖିଛନ୍ତି। ପ୍ରତିରକ୍ଷା ଏବଂ ସୁରକ୍ଷା ପ୍ରତିଷ୍ଠାନ ସୂତ୍ରରୁ ଏହି ସୂଚନା ମିଳିଛି। ୨୦୨୦ ଜୁନ୍‌ ୧୫ରେ ଲଦାଖର ଗଲୱାନ ଘାଟୀରେ ଚୀନ୍‌ ସୈନିକଙ୍କ ସହ ଭାରତୀୟ ଯବାନଙ୍କ ସଂଘର୍ଷ ହୋଇଥିଲା। ଏହା ପରେ ଲଦାଖରେ ସେନା ମୁତୟନ ବୃଦ୍ଧି କରାଯାଇଥିଲା।

ସୂତ୍ରରୁ ମିଳିଥିବା ସୂଚନା ଅନୁଯାୟୀ ଏହି ସଂଘର୍ଷ ପରେ ଭାରତୀୟ ବାୟୁସେନାର ପରିବହନ ବିଭାଗ ଏକ ବିଶେଷ ଅଭିଯାନରେ କମ୍‌ ସମୟରେ ଅଧିକରୁ ଅଧିକ ଅସ୍ତ୍ରଶସ୍ତ୍ର ଏବଂ ଯବାନଙ୍କୁ ଏଲ୍‌ଏସିର ଦୁର୍ଗମ ଅଞ୍ଚଳକୁ ନେଇଥିଲା। ଏହି ଅଭିଯାନରେ ସି-୧୩୦ଜେ ସୁପର ହରକ୍ୟୁଲେସ ଏବଂ ସି-୧୭ ଗ୍ଲୋବମାଷ୍ଟର ବିମାନ ସାମିଲ ଥିଲା। ମୋଟ ୯ ହଜାର ଟନ୍‌ର ସାମଗ୍ରୀ ପରିବହନ କରାଯାଇଥିଲା। ଚୀନ୍‌ କାର୍ଯ୍ୟକଳାପ ଉପରେ ନଜର ରଖିବାକୁ ଦୂରରୁ ପରିଚାଳିତ ହେଉପାରୁଥିବା ବିମାନ (ଆର୍‌ପିଏ) ମୁତୟନ କରାଯାଇଛି। ବିମାନରୁ କେବଳ ୫୦ କିମି ପର୍ଯ୍ୟନ୍ତ ନଜର ରଖାଯାଇ ପାରୁଥିଲା। ତେଣୁ ଚୀନ୍‌ ସୈନିକଙ୍କ ସ୍ଥିତି ଏବଂ କାର୍ଯ୍ୟକଳାପ ଉପରେ ନଜର ରଖିବାକୁ ସେନା ସୁନିଶ୍ଚିତ କରିଥିଲା। ଗୁଇନ୍ଦା ସୂଚନା ସଂଗ୍ରହ କରାଯାଉଥିଲା। ଲଢୁଆ ବିମାନର ଅନେକ ସ୍କ୍ବାଡ୍ରନ ପ୍ରସ୍ତୁତ ହୋଇ ରହିଥିଲେ। ୩୩୦ ବିଏମପି ପଦାତିକ ବାହିନୀର ଲଢୁଆ ଗାଡ଼ି, ରାଡାର ସିଷ୍ଟମ, ତୋପ, ବନ୍ଧୁକ ଏବଂ ଅନ୍ୟ ଉପକରଣ ଲଦାଖ ନିଆଯାଇଥିଲା।