ମିଷ୍ଟର୍‌ ପରଫେକ୍ଟନିଷ୍ଟ ଅମିର ଖାନ୍‌ଙ୍କ ବହୁ ପ୍ରତୀକ୍ଷିତ ଚଳଚ୍ଚିତ୍ର ‘ଲାଲ୍ ସିଂହ ଚଢ୍ଢା’କୁ ନେଇ ଏବେ ଚର୍ଚ୍ଚା ଜୋର୍ ଧରିଛି। ଏହି ଫିଲ୍ମର ଶେଷ ସିନ୍‌ କାର୍ଗିଲରେ ସୁଟିଂ କରାଯିବ। ଏହି ସିନ୍‌ ପୂର୍ବରୁ ଲଦାଖରେ ସୁଟ୍ ହେବାର ଥିଲା। ଭାରତ ଓ ଚୀନ୍‌ ମଧ୍ୟରେ ଚାଲିଥିବା ବିବାଦକୁ ନେଇ ଅମିର୍ ଏହାର ସୁଟିଂ କାର୍ଗିଲରେ କରିବା ପାଇଁ ସ୍ଥିର କରିଛନ୍ତି। ଫିଲ୍ମର ଶେଷ ସିନ୍ ଇଣ୍ଡୋ-ପାକ୍‌ କାର୍ଗିଲ୍ ଯୁଦ୍ଧ ଉପରେ ସୁଟ୍ କରାଯିବ। ମେ’ରୁ ଜୁନ୍‌ ମାସ ମଧ୍ୟରେ କାର୍ଗିଲ୍‌ରେ ସୁଟିଂ ହେବ। ଅମିର୍ ଏହି ଫିଲ୍ମରେ ଅଭିନୟ କରିବା ସହ ପ୍ରଯୋଜକ ମଧ୍ୟ ହୋଇଛନ୍ତି।

‘ଲାଲ୍ ସିଂହ ଚଢ୍ଢା’ ଚଳିତବର୍ଷ କ୍ରିସମାସରେ ମୁକ୍ତିଲାଭ କରିବ। ଫିଲ୍ମରେ ମୋଟ ୩୦୦ କଳାକାର ନଜର ଆସିବେ। ସବୁଠୁ ଖାସ୍‌ କଥା ହେଲା ଯେ, ଅମିରଙ୍କ ବନ୍ଧୁ ଭୂମିକା ଲାଗି ଦକ୍ଷିଣର ଅଭିନେତା ନାଗା ଚୈତନ୍ୟଙ୍କ ସହ ଆଲୋଚନା ଚାଲିଛି। ଏଥିରେ ଅମିର୍‌ଙ୍କ ସହ ଲିଡ୍‌ ରୋଲ୍‌ରେ କରିନା କପୁର ଖାନ୍‌ ଅଭିନୟ କରିବେ।