ମୁମ୍ବାଇର ମୁଲୁଣ୍ଡ ଅଞ୍ଚଳରେ ଏକ ନିର୍ମାଣାଧୀନ ମେଟ୍ରୋ ପିଲାରର ଏକ ଅଂଶ ଭୁଶୁଡ଼ି ପଡ଼ିବାରୁ ଜଣେ ବ୍ୟକ୍ତିଙ୍କର ପ୍ରାଣହାନି ଘଟିଛି। ଏହି ଅଘଟଣରେ ଅନ୍ୟ ତିନି ଜଣ ଗୁରୁତର ଭାବେ ଆହତ ହୋଇଛନ୍ତି। ମୁଲୁଣ୍ଡର ଏଲବିଏସ ରୋଡ୍ ସ୍ଥିତ ଜନସନ ଆଣ୍ଡ ଜନସନ କମ୍ପାନୀ ନିକଟରେ ଶନିବାର ଅପରାହ୍ନ ପ୍ରାୟ ୧୨ଟା ୨୦ ମିନିଟ ସମୟରେ ଏହି ଦୁର୍ଘଟଣା ଘଟିଛି। ମେଟ୍ରୋ କାମ ଚାଲିଥିବା ବେଳେ ପିଲାରର ଏକ ବଡ଼ ସିମେଣ୍ଟ ଅଂଶ ରାସ୍ତାରେ ଯାଉଥିବା ଏକ ଅଟୋ-ରିକ୍ସା ଉପରେ ଖସି ପଡ଼ିଥିଲା।

🚨 Mumbai Metro Line-4 concrete slab has fallen on cars below on LBS Marg, Mulund West near Johnson & Johnson/Oberoi. 1:15 PM.

Immediate site safety action needed. @MMRDAOfficial @mybmc @MTPHereToHelp pic.twitter.com/mSaC5eaYeF

— Mumbai Rains (@rushikesh_agre_) February 14, 2026

ବୃହନମୁମ୍ବାଇ ମ୍ୟୁନିସିପାଲ କର୍ପୋରେସନ (BMC) ପକ୍ଷରୁ ମିଳିଥିବା ସୂଚନା ଅନୁଯାୟୀ, ମୃତ ବ୍ୟକ୍ତିଙ୍କ ନାମ ରାମଧନ ଯାଦବ ବୋଲି ଜଣାପଡ଼ିଛି। ଆହତମାନଙ୍କ ମଧ୍ୟରେ ରାଜକୁମାର ଇନ୍ଦ୍ରଜିତ ଯାଦବ (୪୫), ମହେନ୍ଦ୍ର ପ୍ରତାପ ଯାଦବ (୫୨) ଏବଂ ଦୀପା ରୁହିଆ (୪୦) ରହିଛନ୍ତି। ସେମାନଙ୍କ ମଧ୍ୟରୁ ରାଜକୁମାରଙ୍କ ଅବସ୍ଥା ଅତ୍ୟନ୍ତ ସଙ୍କଟାପନ୍ନ ଥିବା ବେଳେ ଅନ୍ୟ ଦୁଇ ଜଣଙ୍କ ଅବସ୍ଥା ସ୍ଥିର ରହିଛି। ସମସ୍ତ ଆହତଙ୍କୁ ତୁରନ୍ତ ନିକଟସ୍ଥ ଡାକ୍ତରଖାନାରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି।

ମୁମ୍ବାଇ ମେଟ୍ରୋପଲିଟାନ ଅଞ୍ଚଳ ବିକାଶ ପ୍ରାଧିକରଣ (MMRDA) ଏକ୍ସ (ପୂର୍ବରୁ ଟ୍ୱିଟର) ମାଧ୍ୟମରେ ସୂଚନା ଦେଇଛି ଯେ, ମେଟ୍ରୋ ଲାଇନ ନିର୍ମାଣ କାର୍ଯ୍ୟ ଚାଲିଥିବା ସମୟରେ ପିଲାର ନମ୍ବର P196 ନିକଟରେ ଏହି ଦୁର୍ଘଟଣା ଘଟିଛି। ପ୍ରାୟ ୧୨ଟା ୧୫ ମିନିଟରେ ଏକ ପାରାପେଟ୍ ଅଂଶ ଉଚ୍ଚତାରୁ ଖସି ଚଳନ୍ତା ଅଟୋ ଉପରେ ପଡ଼ିଥିଲା। ଖବର ପାଇବା ମାତ୍ରେ ମେଟ୍ରୋ ପ୍ରକଳ୍ପ ଟିମ୍, ମୁମ୍ବାଇ ଅଗ୍ନିଶମ ବାହିନୀ, ପୋଲିସ ଏବଂ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷ ଘଟଣାସ୍ଥଳରେ ପହଞ୍ଚିଥିଲେ। ବର୍ତ୍ତମାନ ଉଦ୍ଧାର କାର୍ଯ୍ୟ ଯୁଦ୍ଧକାଳୀନ ଭିତ୍ତିରେ ଜାରି ରହିଛି ଏବଂ ସମସ୍ତ ସହାୟତା ଯୋଗାଇ ଦିଆଯାଉଛି।

ଭୁବନେଶ୍ୱର: ବିଏମ୍‌‌ସିର ବଢ଼଼ିବ ପରିସୀମା। ରାଜଧାନୀ ଉପକଣ୍ଠରେ ଥିବା ୭୧ଟି ଗାଁ ଭୁବନେଶ୍ୱର ମହାନଗର ନିଗମରେ ମିଶିବେ। ଏନେଇ ବିଏମ୍‌‌ସି ପକ୍ଷରୁ ପକ୍ରିୟା ଆରମ୍ଭ ହୋଇଛି। ୩ ବ୍ଲକର ବିଡ଼ିଓ ପ୍ରାଥମିକ ଭାବେ ଗ୍ରାମସଭା ରିପୋର୍ଟ ଦାଖଲ କରିଛନ୍ତି। ଏହାକୁ ସରକାର ଅନୁମତି ଦେବା ପରେ ଏହା ପୁରା ବିଏମ୍‌‌ସି ମିଶିଯିବ ବୋଲି ଜଣାପଡ଼ିଛି। ଏହା ହେଲେ ବିଏମ୍‌‌ସି ଅଧୀନକୁ ୧୪ଟି ପଞ୍ଚାୟତ ଆସିବ। ସେଥିରେ ଭୁବନେଶ୍ୱରୀ ବ୍ଲକ ଅଧିନରେ ଥିବା ୧୨ଟି ପଞ୍ଚାୟତ ରହିଛି। ଏହା ମଧ୍ୟରେ ତମାଣ୍ଡୋ, ଧଉଳି, ଲିଙ୍ଗିପୁର, ଇଟିପୁର, ରଘୁନାଥପୁର, ଦାରୁଠେଙ୍ଗ, ଅନ୍ଧାରୁଆ, ଦାସପୁର, ଗୋଠପାଟଣା ଭଳି ଅଞ୍ଚଳ ରହିଛି। ବାଲିଅନ୍ତା ବ୍ଲକର ଅଣ୍ଡିଲୋ ଏବଂ ଜଟଣୀର ଗୋଟିଏ ପଞ୍ଚାୟତ ବିଏମ୍‌‌ସି ଅଧୀନକୁ ଆସିବ। 

ବିଏମ୍‌‌ସିରେ ବର୍ତ୍ତମାନ ୬ଟି ୱାର୍ଡ ରହିଛି। ୩ଟି ଜୋନ ତଥା ଦକ୍ଷିଣ-ପୂର୍ବ, ଦକ୍ଷିଣ- ପଶ୍ଚିମ ଓ ଉତ୍ତର ଜୋନ୍‌‌ରେ ପ୍ରାୟ ୧୫ଲକ୍ଷରୁ ଅଧିକ ଲୋକ ରହୁଛନ୍ତି। ଦକ୍ଷିଣ-ର୍ବୂ ଜୋନ୍‌‌ରେ ୨୫ଟି ୱାର୍ଡ ରହିଛି। ଏଥିରେ ୧୨ଟି ଏକାମ୍ର ଏବଂ ୧୩ଟି ମଧ୍ୟ ନିର୍ବାଚନ ମଣ୍ଡଳୀର ୱାର୍ଡ ରହିଛି। ଏହିଭଳି ଉତ୍ତର ଜୋନ୍‌‌କୁ ଦୁଇ ଭାଗ କରିବ ଜୟଦେବ ବିହାର ନନ୍ଦନକାନନ ରାସ୍ତା। ଜିଏ ବିଭାଗକୁ ଜୋନ୍‌‌ ଅଫିସ୍‌‌ ପାଇଁ ଜାଗା ଦେବାକୁ ଚିଠି ଲେଖାଯାଇଛି। ବିଏମ୍‌‌ସି ଅଧୀନକୁ ଏହି ସବୁ ଗ୍ରାମ ଆସିବା ପରେ ଜୋନ୍‌‌ର ନାମ କରଣ କରାଯିବ। ଗୋଟିଏ ଗୋଟିଏ ଅଫିସ ଉପରେ ୨୪ରୁ ଅଧିକ ୱାର୍ଡ ରହୁଥିବାରୁ ଚାପ ପଡୁଥିଲା। ତେଣୁ ଏହାକୁ ଅଲଗା କରିବାକୁ ବିଏମ୍‌‌ସି ନିଷ୍ପତ୍ତି ନେଇଛି। ଆହୁରି ମଧ୍ୟ ବିଏମ୍‌‌ସି ତାରି କର୍ମଚାରୀ ସଂଖ୍ୟା ବୃଦ୍ଧି କରି କିଭଳି ସ୍ୱାଭାବିକ କରାଯିବ ତାହା ଉପରେ ଫୋକସ ଦେବ।

ଭୁବନେଶ୍ବର: ବାତ୍ୟା ମୋନ୍ଥାକୁ ନେଇ ବିଏମସିର ପ୍ରସ୍ତୁତି। ୟଲୋ ଜୋନରେ ଖୋର୍ଦ୍ଧା ଜିଲ୍ଲା ରହିଛି। ପ୍ରବଳ ବର୍ଷା ସାଙ୍ଗକୁ ପବନ ହେବା ନେଇ ଆଇଏମଡି ପକ୍ଷରୁ ଆକଳନ କରାଯାଇଛି। ବର୍ଷା ପ୍ରଭାବରେ ଜଳବନ୍ଦୀ, ବନ୍ଯା, ଗଛ ପଡିବା, ବିଦ୍ୟୁତ ତାର ଛଣ୍ଡିବାର ସମ୍ଭାବନା ରହିଛି। ଏ ନେଇ ବିଏମସିରେ କଣ୍ଟ୍ରୋଲ ରୁମ ଖୋଲା ଯାଇଛି।  

ବିଏମସି, ଫାୟାର, ପୁଲିସ, ପୂର୍ତ୍ତବିଭାଗ, ବିଡିଏ , ଇଡକୋ, ଜାତୀୟ କାଜପଥ, ବନ ବିଭାଗ, ଟିପିଡିସିଓଲ ସମେତ ଲାଇନ ଡିପାର୍ଟମେଣ୍ଟ ମାନଙ୍କ ସହିତ ଆଲୋଚନା ହେବା ସହିତ ସ୍ବତନ୍ତ୍ର ଟିମ ଗଠନ ହୋଇଛି। କିଭଳି ସଫେଇ ହେବ, ଡ୍ରେନେଜ ସମସ୍ଯା ନ ହେବ ସେ ନେଇ ଯୋଜନା ହୋଇଛି। ଡ୍ରେନ କିଭଳି ଚୋକ ନ ହେବ ଆଜି ସଫା କରାଯାଇଛି। ଫାୟାର ଓ ଡ୍ରେନେଜ ଡିଭିଜନର ଟିମ ମାନଙ୍କୁ ଯାନ ଓ ତେଲ ଦେଇ ସମ୍ବେଦନଶୀଳ ଜାଗାରେ ମୁତୟନ କରାଯାଇଛି। ଯେଉଁ ଜାଗାରେ ସମସ୍ଯା ଦେଖାଦେବ ସ୍ଥାନୀୟ କର୍ପୋରେଟରଙ୍କୁ ଜଣାଇବେ।

ଏହା ସହିତ ହେଲ୍ପଲାଇନ ନମ୍ବର ୧୯୨୯ ନମ୍ବରରେ ଯୋଗାଯୋଗ କରିବା ନେଇ କମିଶନର ଅପିଲ କରିଛନ୍ତି। ବନ୍ଯା ଓ ଜଳବନ୍ଦୀକୁ ନଜରରେ ରଖି କଲ୍ଯାଣ ମଣ୍ଡପ ଓ ସ୍କୁଲ ଗିଡକରେ ରହିବା ପାଇଁ  ପ୍ରସ୍ତୁତି କରାଯାଇଛି। ଲୋକମାନେ ଭୟ କରିବା ଦରକାର ନାହିଁ। ମୁକାବିଲା ନେଇ ବିଏମସି ପୁରା ପ୍ରସ୍ତୁତ ଅଛି ବୋଲି ବିଏମ କମିଶନର ଚଞ୍ଚଲ ରାଣା  କହିଛନ୍ତି।

ଭୁବନେଶ୍ବର : ରାଜଧାନୀର ୧ ନମ୍ବର ହାଟରେ ଅଗ୍ନିକାଣ୍ଡ ଘଟଣା ପରେ ଚେତିଛି BMC । ରାଜଧାନୀର ବିଭିନ୍ନ ହାଟ ପାଇଁ SOP ଆଣିବ ବିଏମ୍‌ସି ।ରାଜଧାନୀର ୨୦ଟି  ବଡ଼  ହାଟ ପାଇଁ ଲାଗୁହେବ SOP । ହାଟ କେମିତି ପାଇ ହେବ ବିଧିବଦ୍ଧ ନିର୍ବାଚନ ହେବ । BMC ଅଧିକାରୀଙ୍କ ଉପସ୍ଥିତିରେ ହେବ ହାଟ କମିଟି ନିର୍ବାଚନ । ସବୁ ହାଟ ଦୋକାନୀଙ୍କ ପାଇଁ ଗ୍ରୁପ ଇନସ୍ୟୁରାନ୍ସ କରିବ BMC । ରାଜଧାନୀର ବିଭିନ୍ନ ହାଟରେ  ଏନଫୋର୍ସମେଣ୍ଟକୁ କଡା କଡ଼ି  କରାଯିବ । ହାଟ ଭିତରେ ଜରିପାଲ ଟାଣି ପାରିବେନି ବ୍ୟବସାୟୀ । ହାଟରେ ଏନଫୋର୍ସମେଣ୍ଟ କଡ଼ାକଡ଼ି କରାଯିବ ।  ରାସ୍ତା ଉପରକୁ ମାଡ଼ି ବ୍ୟବସାୟ କରି ପାରିବେନି ଦୋକାନୀ । ଏକ ନମ୍ବର ମାର୍କେଟକୁ  ମଡର୍ଣ୍ଣ ମାର୍କେଟ କରିବାକୁ ୧୮୬ କୋଟି ଟଙ୍କାର ବ୍ୟୟ ଅଟକଳ ହୋଇଥିଲା । ପାତ୍ରପଡା ଭଗବାନପୁର ହୋଲସେଲ୍ ମାର୍କେଟ ପାଇଁ ଟଙ୍କାର ଅଭାବ ରହିଛି । ଏସବୁ ପାଇଁ ସରକାର ଅର୍ଥ ଯୋଗେଇ ଦେଲେ କାମ ଆଗକୁ ବଢ଼ିବ ବୋଲି ମେୟର କହିଛନ୍ତି । କ୍ଷତିଗ୍ରସ୍ତଙ୍କୁ CMRF  ଫଣ୍ଡ ସହ BMC ନିଜସ୍ଵ  ପାଣ୍ଠିରୁ ଆର୍ଥିକ ସହାୟତା ଯୋଗାଇଦେବାକୁ ବିଚାରବିମର୍ଶ କରାଯାଉଥିବା ମେୟର କହିଛନ୍ତି ।

ଉଲ୍ଲେଖଯୋଗ୍ୟ ଯେ, ରାଜଧାନୀର ସର୍ବାଧିକ ଜନଗହଳିପୂର୍ଣ୍ଣ ୧ନମ୍ବର ହାଟର ବିକାଶ ପାଇଁ ପରିକଳ୍ପନା କରିଥିଲା ବିଏମସି । ୩ ଏକର ଜାଗାରେ ପ୍ରାୟ ୨ ହଜାର ବ୍ୟବସାୟୀ ବସିବା ଭଳି ଏକ ଅତ୍ୟାଧୁନିକ ମାର୍କେଟ୍ କମ୍ପ୍ଲେକ୍ସର ବ୍ଲୁ ପ୍ରିଣ୍ଟ ପ୍ରସ୍ତୁତ କରାଯାଇଥିଲା। ଏଥିପାଇଁ ୪୨ଟି ସରକାରୀ କ୍ୱାର୍ଟର୍ସ ସହ ଦୁଇଟି ବସ୍ତି ଉଚ୍ଛେଦ କରାଯାଇଥିଲା । ୧୧ ବର୍ଷ ପରେ ଏହି ପ୍ରକଳ୍ପ କେବଳ କାଗଜ କଲମରେ ସୀମିତ ହୋଇ ରହିଯାଇଛି । ବିଳମ୍ବିତ ପ୍ରକ୍ରିୟା କାରଣରୁ ପରିବା ମାର୍କେଟ ଚାରିପାଖରେ ପୁଣି ଥରେ ବସ୍ତି ଗଢି ଉଠିଥିବା ବେଳେ ୧ନଂ ହାଟକୁ ସବୁ ସମୟରେ ଅଗ୍ନିକାଣ୍ଡର ଭୟ ରହିଛି। ସେପଟେ ନାଲିଫିତା ତଳେ ଚାପି ହୋଇ ରହିଛି  ୟୁନିଟ ୧ ମାର୍କେଟ ବିକାଶ ନକସା । ଏହି ବିଳମ୍ବିତ ପ୍ରକ୍ରିୟା କାରଣରୁ ଯେଉଁ ବସ୍ତି ଉଚ୍ଛେଦ ହୋଇଥିଲା, ତାହା ପୁଣି ଗଢ଼ି ଉଠିଲାଣି। ଏଣେ ହାଟର ବ୍ୟବସାୟୀ ମାନେ ପ୍ରତି ମୁହୂର୍ତ୍ତରେ ଭୟର ବାତାବରଣ ଭିତରେ ରହୁଛନ୍ତି । ବିଶେଷକରି ହାଟକୁ ସବୁବେଳେ ନିଆଁ ଡର ଲାଗିରହିଛି ।

ଭୁବନେଶ୍ବର: ଏଥର ପୂଜା ମେଲୋଡିରେ ଅଶ୍ଲୀଳ ନୃତ୍ୟକୁ ନା। ପୂଜା ପେଣ୍ଡାଲ ନିକଟରୁ ହଟିବେ ବୁଲା କୁକୁର। ପୂଜାକୁ ନେଇ ବିମଏସିର ପ୍ରସ୍ତୁତି ବୈଠକରେ ଏ ନଇ ନିଷ୍ପତ୍ତି ନିଆଯାଇଛି। ବୈଠକରେ ବିଦ୍ୟୁତ ସମସ୍ୟାକୁ ନେଇ ସାମାନ୍ୟ ହୋହଲ୍ଲା ଦେଖିବାକୁ ମିଳିଥିଲା। ପୂଜାରେ ପାର୍କିଂକୁ ଗୁରୁତ୍ତ୍ବ ଦିଆଯାଇଛି। ପାର୍କିଂ ନ ଥିଲେ ପଡିବନି ମିନା ବଜାର । ମିଳିବନି ରାବଣ ପୋଡି ପାଇଁ ଅନୁମତି। ପ୍ଲାଷ୍ଟିକ ମୁକ୍ତ ହେବ ପୂଜା। ମୁଖ୍ୟ ରାସ୍ତାରେ ତୋରଣ ଲଗେଇ ପାରିବେ ନାହିଁ ପୂଜାକମିଟି। ସବୁ ଭସାଣି ସ୍ଥାନରେ ଖୋଲିବ କଣ୍ଟ୍ରୋଲରୁମ। ପୂଜା ପେଣ୍ଡାଲ ଏବଂ ଭସାଣି ପୋଖରୀ ନିକଟରେ ରଖାଯିବ ଆମ୍ବୁଲାନ୍ସ। ପୂଜା ପେଣ୍ଡାଲରେ ନିଶାକୁ ନା ର ସଚେତନତା ବାର୍ତ୍ତା ବାଣ୍ଟିବ ପୁଲିସ। ପୂଜା ପୂର୍ବରୁ ବିଦ୍ୟୁତ ଖୁଣ୍ଟ ଓ ତାର ମରାମତିକୁ ଗୁରୁତ୍ୱ ଦିଆଯାଇଛି। ରାସ୍ତା ଖରାପ ନେଇ PWDର ବିଭାଗୀୟ ଅଧିକାରୀଙ୍କୁ କମିଶନର ତାଗିଦ କରିଛନ୍ତି। ପୂଜା ପୂର୍ବରୁ ସବୁ ରାସ୍ତା ମରାମତି କାମ ସାରିବା ନେଇ ଡେଡ଼ ଲାଇନ ଦିଆଯାଇଛି। ରାସ୍ତା ଖାଲଖମାର ମରାମତି ନେଇ ସବୁ ୱାର୍ଡକୁ ୫ ଲକ୍ଷ ଟଙ୍କା ଦିଆଯିବ। ବୈଠକରେ ବିଏମସି କମିଶନର,ମେୟର,ବିଭିନ୍ନ ୱାର୍ଡର କର୍ପୋରେଟର, ସମସ୍ତ ଷ୍ଟାଣ୍ଡିଙ୍ଗ କମିଟି ଅଧକ୍ଷ, ପୋଲିସ, ୱାଟକୋ, ଫାୟାର, ଏବଂ ସମସ୍ତ ବିଭାଗୀୟ ଅଧିକାରୀ ସାମିଲ ଥିଲେ।

ଭୁବନେଶ୍ୱର: ରସୁଲଗଡ଼ ଓଭର ବ୍ରିଜରେ ପୁଲିସ ମିତ୍ର ‘ସହଦେବ ନାୟକ’ ମୁଣ୍ଡ କାଟି ହତ୍ୟା ମାମଲା। ହତ୍ୟାକାଣ୍ଡର ଶିକାର ହୋଇଥିବା ସଫେଇ କର୍ମଚାରୀ ସ୍ୱର୍ଗତ ସହଦେବ ଉତ୍ତରାଧିକାରୀଙ୍କୁ ମିଳିବ ୫ ଲକ୍ଷ ଟଙ୍କାର ଅନୁକମ୍ପା ମୂଳକ ସହାୟତା। ଭୁବନେଶ୍ବର ମେୟର ସୁଲୋଚନା ଦାସଙ୍କ ଅଧ୍ୟକ୍ଷତାରେ ଏବଂ ପରିମଳ ଷ୍ଟାଣ୍ଡିଂ କମିଟି ଅଧ୍ୟକ୍ଷ ବିରଞ୍ଚି ନାରାୟଣ ମହାସୂପକାରଙ୍କ ଉପସ୍ଥିତିରେ ଅନୁଷ୍ଠିତ ସ୍ୱତନ୍ତ୍ର ବୈଠକରେ ଆଲୋଚନା ପରେ ଏହା ସ୍ଥିର କରାଯାଇଛି। ଏହା ସହିତ ସ୍ୱର୍ଗତ ନାୟକଙ୍କ ପତ୍ନୀଙ୍କୁ ସଂପୃକ୍ତ ଏଜେନ୍ସିରେ ସୁପଭାଇଜର ଭାବେ ନିଯୁକ୍ତି ଦେବା ପାଇଁ  ସ୍ଥିର ହୋଇଛି। ପରିସ୍ଥିର ଗୁରୁତ୍ୱକୁ ଅନୁଭବ କରି ଏହି ନିଷ୍ପତ୍ତି ନିଆଯାଇଛି।

ସୂଚନା ଯୋଗ୍ୟ କି, ମୃତ ସହଦେବ ନାୟକ ଏଜେନ୍ସି ଜରିଆରେ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ସଫେଇ କର୍ମଚାରୀ ଭାବେ କାର୍ଯ୍ୟକରୁଥିଲେ । ଗତ ୨ ଦିନ ତଳେ କେତେକ ଦୁବୃର୍ତ୍ତ ତାଙ୍କୁ ରସୁଲଗଡ ଓଭର ବ୍ରିଜ୍ ଉପରେ ହତ୍ୟା କରିଥିଲେ। ଘଟଣାସ୍ଥଳରେ ହିଁ ତାଙ୍କର ମୃତ୍ୟୁ ହୋଇଥିଲା। ଏହାକୁ ନେଇ ସଫେଇ କର୍ମଚାରୀମାନେ ଆନ୍ଦୋଳନ କରିଥିଲେ। ସଂପ୍ରତ୍ତି ଭୁବନେଶ୍ୱରରେ ପ୍ରବାସୀ ଭାରତୀୟ ଦିବସ ପାଳନ କରାଯାଉଥିବାରୁ ବିଏମ୍ ସି କର୍ତ୍ତୃପକ୍ଷ ବାହାରୁ ଲୋକ ଆଣି ସହରର ପ୍ରମୁଖ ରାସ୍ତାଗୁଡିରେ ସଫେଇ କାର୍ଯ୍ୟ ଜାରି ରଖିଥିଲେ । ଏଥିପାଇଁ ବିଏମସିର ସମସ୍ତ ଅଧିକାରୀ ଦିନ ରାତି ତଦାରଖ କରି ପ୍ରମୁଖ ରାସ୍ତାଗୁଡିକର ସଫେଇ କାମ ବ୍ୟତିକ୍ରମ ନ ହେବା ପାଇଁ ଅକ୍ଲାନ୍ତ ପରିଶ୍ରମ କରିଥିଲେ।

ସୁଚନା ଯୋଗ୍ୟ ଯେ,  ପ୍ରବାସୀ ଭାରତୀୟ ଦିବସ ନିମନ୍ତେ ଅଣାଯାଇଥିବା ଅଧିକ ୨୬୨ ଜଣ ସଫେଇ କର୍ମୀଙ୍କୁ ପ୍ରମୁଖ ରାସ୍ତା ସଫେଇ କାମରେ ନିୟୋଜିତ କରାଯାଇଥିଲା। ଏତଦ୍ ବ୍ୟତୀତ ସହଭାଗୀ ସ୍ୱେଚ୍ଛାସେବୀ ସଂଗଠନଗୁଡିକ ନିଜ ନିଜର ଦାୟିତ୍ୱ ନେଇ ସହର ବାହାରୁ ସଫେଇ କର୍ମୀଙ୍କୁ ଆଣି ମଧ୍ୟ ସଫେଇ କାର୍ଯ୍ୟ ଚାଲୁ ରଖିଥିଲେ। ଫଳରେ ଉକ୍ତ ସମସ୍ତ ରାସ୍ତାରୁ ବାହାରୁ ଥିବା ବର୍ଜ୍ୟକୁ ସଙ୍ଗେ ସଙ୍ଗେ ଉଠାଇ ନିଆଯାଉଥିଲା। ତେଣୁ ସଫେଇ କର୍ମୀଙ୍କ ଆନ୍ଦୋଳନ  ସତ୍ତ୍ୱେ ସଫେଇ କାର୍ଯ୍ୟରେ ଅବହେଳା ହେବାକୁ ଦିଆଯାଉ ନ ଥିଲା। ଆଜି ଆନ୍ଦୋଳନରତ କର୍ମଚାରୀଙ୍କ ପ୍ରତିନିଧିମାନଙ୍କ ସହ ଆଲୋଚନା ପରେ ମାନନୀୟା ମେୟର ରାଜ୍ୟ ସରକାରଙ୍କୁ ଏ ବାବଦରେ ଅବଗତ କରାଇ ପରିସ୍ଥିତି ପାଇଁ ସହଯୋଗ କାମନା କରିଛନ୍ତି।

ଭୁବନେଶ୍ବର : ଅଳିଆରୁ ମିଳିଲା ୧୮ ଗ୍ରାମର ସୁନା ବ୍ରେସଲେଟ । ପ୍ରକୃତ ମାଲିକଙ୍କୁ ଫେରାଇଲେ ସ୍ୱଚ୍ଛକର୍ମୀ। କାମ ଦେଲା ଓଦା ଶୁଖିଲା ପୃଥକୀକରଣ ଫଣ୍ଡା । ଲୋଭ ନୁହେଁ ସେବା ମନୋଭାବ ଦେଖାଇଲେ ସ୍ୱଚ୍ଛକର୍ମୀ । ନ୍ୟୁ ଫରେଷ୍ଟ ପାର୍କ ଲେନ୍ ୫ ବାସିନ୍ଦା ଦୀପିକା ମହାନ୍ତି ଭୁଲବଶତଃ ବ୍ରେସଲେଟ ଟିକୁ ଡଷ୍ଟବିନରେ ପକାଇ ଦେଇଥିଲେ। ପରେ ଏହାକୁ ନପାଇ ଘରେ ଖୋଜା ଖୋଜି କରିବା ପରେ ୟୁନିଟ୍-1 ଏମ୍ ଆର୍ ଏଫରେ ପହଞ୍ଚିଥିଲେ । ଏମ୍ ଆର୍ ଏଫର ମ୍ୟାନେଜରଙ୍କୁ କହିବା ପରେ ବର୍ଜ୍ୟ ଅଲଗା କରିବାବେଳେ ଏହାକୁ ଖୋଜିଥିଲେ ସ୍ୱଚ୍ଛକର୍ମୀ । ଶେଷରେ ସରସ୍ୱତୀ ନାଏକ ବ୍ରେସଲେଟଟି ପାଇବା ପରେ ଏମ୍ ଆର୍ ଏଫ୍ ଅଧିକାରୀଙ୍କୁ ଅବଗତ କରାଇଥିଲେ । ତଥ୍ୟ ପ୍ରମାଣ ଆଧାରରେ ଦୀପିକା ମହାନ୍ତିଙ୍କୁ ଫେରାଇଥିଲେ। ହଜିଯାଇଥିବା ବ୍ରେସଲେଟ୍ ପାଇବା ପରେ କୃତଜ୍ଞତା ଜଣାଇଛନ୍ତି ଦୀପିକା।

ଘରେ ହେଉକି ବାହାରେ ୨ ତିନିଦିନ ଅଳିଆ ରହିଲେ ଦୁର୍ଗନ୍ଧ ବାହାରେ। ହେଲେ ବୈଭବ କେନ୍ଦ୍ରରେ କୁଢ କୁଢ ଅଳିଆରେ ଘଣ୍ଟା ଘଣ୍ଟା ଧରି ସ୍ବଚ୍ଛକର୍ମୀ ମାନେ କାମ କରନ୍ତି। ଅଳିଆ ଆବର୍ଜନାରୁ ଓଦା, ଶୁଖିଲା ଅଲଗା କରନ୍ତି । ଜରି ଓ ପ୍ଳାଷ୍ଟିକ ଗୁଡିକ ସିମେଣ୍ଟ କାରଖନାକୁ ପଠାଯାଏ । ଏପରି ସ୍ଥିତିରେ ସୁନା ଭଳି ମୂଲ୍ଯବାନ ଜିନିଷ ମିଳିଲେ ଲୋଭର ବସବର୍ତ୍ତୀ ନ ହୋଇ ଉପରିସ୍ଥ ଅଧକାରୀଙ୍କୁ ଜଣାନ୍ତି ସ୍ବଚ୍ଛକର୍ମୀ । ସ୍ବଚ୍ଛକର୍ମୀଙ୍କ ଏପରି ମହତ କାର୍ଯ୍ଯ ପାଇଁ ସବୁ ମହଲରୁ ପ୍ରଂଶସାର ସୂଅ ଛୁଟିଛି। ପୂର୍ବରୁ ଅନେକ ସମୟରେ ସୁନା ଚେନ୍, ମୁଦି, କାନଫୁଲ ଆଦି ଏମ୍ ସିସି ଏମ୍ ଆର୍ ଏଫରୁ ମିଳୁଥିଲେ ମଧ୍ୟ ଏହାକୁ ପ୍ରକୃତ ମାଲିକଙ୍କୁ ଫେରାଇ ଉଦାହରଣ ସୃଷ୍ଟି କରିଛନ୍ତି ସ୍ୱଚ୍ଛ କର୍ମୀ ।

ଭୁବନେଶ୍ୱର : ରାସ୍ତାରେ ବୁଲୁଥିବା ଗାଈକୁ ବିଏମ୍‌‌ସି ଉଠାଇ ନେଉଛି। ଆଉ ଦେଉନାହିଁ। ସିଧା ନେଇ ଗୋଶାଳାରେ ଛାଡ଼ି ଦେଉଛି। ଆଜି ଆସ, କାଲି ଆସ। କଚେରୀ ଭଳି ତାରିଖ ପରେ ତାରିଖ ଦେଉଛନ୍ତି ବିଏମ୍‌‌ସି କର୍ତ୍ତୃପକ୍ଷ। ଗାଈ ରାସ୍ତାକୁ ଛାଡ଼ିଥିବାରୁ ଦୁଇଗୁଣା ଟଙ୍କା ଦେବାକୁ ମଧ୍ୟ ରାଜି ଅଛନ୍ତି ପଶୁପାଳକ। ହେଲେ ବିଏମ୍‌‌ସି କାର୍ଯ୍ୟାଳୟରେ ତାଙ୍କ କଥା କେହି ଶୁଣୁ ନାହାନ୍ତି ବୋଲି ଅଭିଯୋଗ କରିଛନ୍ତି ଗୋପାଳକ। ଏଯାଏ ଗୋପାଳକ ତାଙ୍କ ଗୋରୁ ଫେରିପାଇବେ କି ନାହିଁ ତାହା ମଧ୍ୟ ସ୍ପଷ୍ଟ ହୋଇପାରୁ ନାହିଁ। ଦୌଡ଼ି ଦୌଡ଼ି ଚପଲ ଘୋରି ହେଉ ଯାଉଛି, ହେଲେ ଗାଈ ମିଳିବା ନେଇ ମିଳୁଛି କେବଳ ପ୍ରତିଶ୍ରୁତି। ଗାଈ ନେବା ପାଇଁ ପଶୁପାଳକଙ୍କ ବିଏମ୍‌‌ସି କାର୍ଯ୍ୟାଳୟରେ ଭିଡ଼ ଲଗାଉଛନ୍ତି। କାହାର ୭ଟା ଗାଈ ପୁଣି କାହାର ୨ଟା ଆଉ କାହାର ଗୋଟିଏ ଗାଈ ବିଏମ୍‌‌ସି ଗୋଶାଳାରେ ବନ୍ଧାପଡ଼ିଛି। ଯେତେ ଚେଷ୍ଟା କଲେ ମଧ୍ୟ ପଶୁପାଳକଙ୍କୁ ତାଙ୍କ ଗାଈ ମିଳି ପାରୁ ନ ଥିବା ଅଭିଯୋଗ ହେଉଛି। ଅପରପକ୍ଷେ ଏଭଳି ହଟହଟା ହେବା ପରେ ରାସ୍ତାକୁ ଅବାଧ ଗୋରୁ ଛାଡୁଥିବା ପଶୁପାଳକଙ୍କ ମଧ୍ୟରେ ଆତଙ୍କ ଖେଳି ଯାଇଛି।

୧୫ ଜାନୁଆରୀ ପରେ ଠାରୁ ଯଦି କୌଣସି ଗୋରୁ ଅର୍ଥାତ୍‌‌ ଗାଈ, ଷଣ୍ଢ, ମଇଁଷି ରାସ୍ତାରେ ବୁଲୁଥିବାର ଦେଖିବାକୁ ମିଳେ ତେବେ ବିଏମ୍‌‌ସି ତାହାକୁ ସିଧା ଉଠାଇନେବ ବୋଲି ଚେତାବନୀ ଦେଇଥିଲା। ଥରେ ଗୋରୁ ଧରିବା ପରେ ତାହାକୁ ଆଉ ସମ୍ପୃକ୍ତ ମାଲିକଙ୍କୁ ଫେରାଯିବ ନାହିଁ। କେବଳ ଦୁହାଁଳିଆ ଗାଈଙ୍କ କ୍ଷେତ୍ରରେ ନିୟମକୁ କିଛିଟା କୋହଳ କରାଯିବ ବୋଲି କୁହାଯାଇଥିଲା। ଏନେଇ ବିଏମ୍‌‌ସି ଏକ ଏସ୍‌‌ଓପି ଜାରି କରିଥିଲା। ମାତ୍ର ଏଥିପାଇଁ ଗାଈ ମାଲିକଙ୍କୁ ବିଏମ୍‌‌ସିକୁ ମୋଟା ଅଙ୍କର ଜରିମାନା ଦେବାକୁ ପଡ଼ିବ। ଯେଉଁମାନେ ଦୁହାଁଳିଆ ଗାଈକୁ ବିଏମ୍‌‌ସିଠାରୁ ନେବାକୁ ଚାହିବେ ସେମାନେ ବିଏମ୍‌‌ସି ଖର୍ଚ୍ଚ କରିଥିବା ଟଙ୍କାର ଦୁଇଗୁଣା ପୈଠ କରିବା ପରେ ହିଁ ଗାଈକୁ ନେବେ। ସେହିପରି ଗାଈ ଫେରସ୍ତ ନେବାବେଳେ ସେମାନଙ୍କୁ ଉପଯୁକ୍ତ ପ୍ରମାଣ ଯେପରିକି ଗାଈ ସହ ତାଙ୍କର ପୂର୍ବରୁ ନିଆଯାଇଥିବା ଫଟୋ, ଗାଈର ଇୟର ଟ୍ୟାଗ, ରଙ୍ଗ କିମ୍ୱା ଅନ୍ୟ କୌଣସି ପ୍ରମାଣ ପୈଠ କରିବାକୁ ପଡ଼ିବ। ହେଲେ ଅଧିକାଂଶ ପଶୁପାଳକଙ୍କ ପାଖରେ ତାଙ୍କ ଗୋରୁଙ୍କ ପ୍ରମାଣପତ୍ର ନାହିଁ। ଫଳରେ ସେମାନେ ହଇରାଣ ହେଉଛନ୍ତି। ବିନା ପ୍ରମାଣପତ୍ରରେ କାହାରିକୁ ଗାଈ ଦିଆଯିବ ନାହିଁ ବୋଲି ବିଏମ୍‌‌ସି ସ୍ପଷ୍ଟ କରିଛି।

ସୂଚନାଯୋଗ୍ୟ, ୨୦୨୩ ହକି ବିଶ୍ୱକପ୍‌‌ ସମୟରେ ରାଜଧାନୀ ରାସ୍ତାଘାଟରେ ବୁଲୁଥିବା ଗୋରୁ ଉଠାଇନେବା ଅଭିଯାନକୁ ଜୋର୍‌‌ଦାର କରାଯାଇଥିଲା। ମାର୍ଚ୍ଚ ବେଳକୁ ୧୭ଶହରୁ ଅଧିକ ବୁଲା ଗୋରୁଙ୍କୁ ରାସ୍ତାରୁ ଉଠାଇ ଗୋଶାଳାରେ ଭର୍ତ୍ତି କରିଥିଲା ବିଏମ୍‌‌ସି। ଏବେ ବିଏମ୍‌‌ସି ପକ୍ଷରୁ ୪ ଏଜେନ୍ସି ମାଧ୍ୟମରେ ପ୍ରତ୍ୟେକ ଦିନ ୧୦ରୁ ୧୫ ଗାଈ ଉଠାଯାଉଛି। ଆଗାମୀ ଦିନରେ ଗାଈକୁ ଉଠାକାର୍ଯ୍ୟ ଜୋର୍‌‌ଦାର କରାଯିବ ବୋଲି କୁହାଯାଇଛି। ଆଗାମୀ ଦିନରେ ୪୦ରୁ ଊର୍ଦ୍ଧ୍ବ ଗୋରୁ ଉଠାଯିବ। ଏମାନଙ୍କୁ ଜାମୁକୋଳିର କୃଷ୍ଣ ଗୋଶାଳା, ଜଟଣୀର ମ୍ୟୁନିସିପାଲଟି ଗୋଶାଳା, ଇନ୍‌‌ଫୋସିଟି-୨ର ଗୋକୁଳ ବିହାର ଗୋଶାଳା ଏବଂ ବ୍ରହ୍ମଗିରି ସ୍ଥିତ ଗୋଶାଳାକୁ ପଠାଇ ଦିଆଯାଉଛି। ସେପଟେ ଖୋଲାରେ ଗୋରୁ ବୁଲିବା ଦ୍ୱାରା ରାସ୍ତାରେ ଅଧିକାଂଶ ସମୟରେ ଦୁର୍ଘଟଣା ଘଟୁଛି। ଲୋକେ ଖଣ୍ଡିଆ ଖାବରା ହୋଇ ହସ୍ପିଟାଲରେ ଭର୍ତ୍ତି ହେଉଛନ୍ତି। ଅନ୍ୟପକ୍ଷରେ ରାସ୍ତାକଢରେ ଥିବା ଲକ୍ଷାଧିକ ଟଙ୍କାର ସବୁଜ ସୌନ୍ଦର୍ଯ୍ୟକରଣକୁ ଗୋରୁ ନଷ୍ଟ କରି ଦେଉଛନ୍ତି। ଏଥିପାଇଁ ବିଏମ୍‌‌ସି ପ୍ରଥମେ ସଚେତନ କଲା। ପାରେ ଚେତାବନୀ ଦେଲା। ଏବେ ବିଏମସି ନିୟମକୁ କଡ଼ାକଡ଼ି କରାଯାଇଛି ବୋଲି ଜାଣେ ଅଧିକାରୀ କହିଛନ୍ତି।

ଭୁବନେଶ୍ୱର: ବିଏମ୍‌‌ସି ବଜେଟ୍‌‌ ଟପିଲା ହଜାରେ କୋଟି ଟଙ୍କା। ଯାହା ବିଏମ୍‌‌ସି ଇତିହାସର ସର୍ବକାଳୀନ ରେକର୍ଡ। ଶନିବାର ସ୍ୱତନ୍ତ୍ର ଅଧିବେଶନରେ ୧୦୨୭ କୋଟି ଟଙ୍କାର ବିଏମ୍‌‌ସି ବଜେଟ୍‌‌ ପାରିତ ହୋଇଛି। ତେବେ ଏହା ଏକ ଲୋକାଭିମୂଖୀ ବଜେଟ୍‌‌ ଏବଂ ନାଗରିକଙ୍କ ସ୍ୱାର୍ଥକୁ ଦୃଷ୍ଟିରେ ରଖି ପ୍ରସ୍ତୁତ କରାଯାଇଛି ବୋଲି ବିଏମ୍‌‌ସି ପକ୍ଷରୁ କୁହାଯାଇଛି। ସହରର ବିଭିନ୍ନ ସ୍ଥାନରେ ୧୦ଟି କଲ୍ୟାଣ ମଣ୍ଡପ ନିର୍ମାଣ କରାଯିବା ପାଇଁ ବଜେଟ୍‌‌ରେ ବ୍ୟବସ୍ଥା କରାଯାଇଛି। ସେହିପରି ସ୍ୱାସ୍ଥ୍ୟ ସେବାକୁ ପରିବ୍ୟାପ୍ତ କରିବା ପାଇଁ ଆଉ ୪ଟି ଅର୍ବାନ ୱେଲ୍‌‌ନେସ ସେଣ୍ଟର ପ୍ରତିଷ୍ଠା କରିବାକୁ ଲକ୍ଷ୍ୟ କରାଯାଉଛି। ଜଳବନ୍ଦୀକୁ ସାମ୍ନା କରିବା ପାଇଁ ଆବଶ୍ୟକ ପମ୍ପସେଟ୍‌‌ କ୍ରୟ, ଜରୁରିକାଳୀନ ପରିସ୍ଥିତି ପାଇଁ ଡିଜି ସେଟ୍‌‌ କ୍ରୟ ଆଦି ରହିଛି।

ଭୁବନେଶ୍ୱର ମହାନଗର ନିଗମର ସୁପରିଚାଳନା ପାଇଁ ୧୦୫.୯୬ କୋଟି, ପରିମଳ ଓ ବର୍ଜ୍ୟ ସଂଗ୍ରହ ପାଇଁ ୧୧୧.୧୯ କୋଟି, ଏକାମ୍ର ଯୋଜନା ପାଇଁ ୧୧୩ କୋଟି, ଭୂମି ଅଧିଗ୍ରହଣ ପାଇଁ ୫୦ କୋଟି, ପେଭର୍‌‌ ବ୍ଲକ ରାସ୍ତା ନିର୍ମାଣ ପାଇଁ ୯୭.୭୨ କୋଟି, ଡ୍ରେନ୍‌‌ ନିର୍ମାଣ ଓ ଉନ୍ନତିକରଣ ପାଇଁ ୯୧.୪୭ କୋଟି, ୱାର୍ଡ ଅଫିସ ନିର୍ମାଣ ପାଇଁ ୨୧ କୋଟି, ରାସ୍ତା ସୌନ୍ଦର୍ଯ୍ୟକରଣ ପାଇଁ ୨୫.୫୧ କୋଟି ସହ ଯାନବାହାନ କ୍ରୟ, ପାନୀୟ ଜଳ, ଆଲୋକକୀକରଣ ଏବଂ ଅନ୍ୟାନ୍ୟ ମୌଳିକ କାର୍ଯ୍ୟକୁ ଗୁରୁତ୍ୱ ଦେଇ ୧୫୧୪.୪୫ କୋଟି ଟଙ୍କାର ଏକ ପୂର୍ଣ୍ଣାଙ୍ଗ ବଜେଟ୍‌‌ ପ୍ରସ୍ତୁତ କରାଯାଇଛି। ଏହା ଏକ ସନ୍ତୁଳିତ ବଜେଟ୍‌‌। ଆଗାମୀ ଦିନରେ ଭୁବନେଶ୍ୱର ମହାନଗର ନିଗମକୁ ସବୁ ଦିଗରୁ ସରସ ସୁନ୍ଦର କରିବା ପାଇଁ ଏହି ବ୍ୟୟ ଅଟଳର କରାଯାଇଛି।

ତେବେ ଚିଠା ବଜେଟରେ ବ୍ୟୟ ଅଟକଳ ୧୪୯୨.୫୦ କୋଟି ରହିଥିବା ବେଳେ ଆଜିର ବଜେଟରେ ୧୫୧୪.୪୫ କୋଟି ଟଙ୍କା ବ୍ୟୟ ଅଟକଳ କରାଯାଇଛି। ବିଏମ୍‌‌ସି ବିଭିନ୍ନ ଦିଗରୁ ହେଉଥିବା ପ୍ରମୁଖ ଆୟ ମଧ୍ୟରେ ରାଜସ୍ୱ ପ୍ରାୟ ୯୧ କୋଟି, ସରକାରୀ ଅନୁଦାନ ବାବଦରେ ୧୨୫ କୋଟି, ମୁକ୍ତା ପାଇଁ ୬୦ କୋଟି, ଡ୍ରେନ ଉନ୍ନତିକରଣ ପାଇଁ ୫୦ କୋଟି, ଜଳାଶୟଗୁଡ଼ିକର ଉନ୍ନତିକରଣ ପାଇଁ ୫୦ କୋଟି ଏବଂ ବିଭିନ୍ନ ଟିକସ ବାବଦରେ ୯୨ କୋଟି, ରାଜସ୍ୱ ଆୟ ୨୩୨.୧୨ କୋଟି ଏବଂ ସରକାରୀ ଅନୁଦାନ ବାବଦରେ ୬୩୬ କୋଟିରୁ ଅଧିକ ଟଙ୍କା ଆୟ ଯୋଜନା ରହିଛି ବୋଲି କହିଛନ୍ତି କମିସନର ବିଜୟ ଅମୃତା କୁଲାଙ୍ଗେ। ମୋଟାମୋଟି ଭାବେ କହିବାକୁ ଗଲେ, ଆର୍ଥିକ ବର୍ଷ ୨୦୨୩-୨୪ ଶେଷରେ ୬୩୨.୯୬ କୋଟି ଟଙ୍କା ବଳକା ଅର୍ଥ ରହିଥିବା ବେଳେ ୨୦୨୪-୨୫ ଆର୍ଥିକ ବର୍ଷରେ ରାଜସ୍ୱ ଆୟ ୫୮୧.୨୮ କୋଟି, ପୁଞ୍ଜିଭୁକ୍ତ ଆୟ ୩୦୦ କୋଟି ଏପରି ମୋଟ ୧୫୧୪. ୪୫ କୋଟି ଟଙ୍କା ଆୟ ଆକଳନ କରାଯାଇଛି।

ସେହିପରି ରାଜସ୍ୱ ବ୍ୟୟ ୫୮୦.୪୭ କୋଟି, ପୁଞ୍ଜିଭୁକ୍ତ ବ୍ୟୟ ୪୪୭.୦୮ କୋଟି ଏବଂ ବର୍ଷ ଶେଷକୁ ୪୮୬.୯୦ କୋଟି ଟଙ୍କା ବଳକା ଅର୍ଥ ଅଟକଳ କରାଯାଇଛି। ମେୟର ସୁଲୋଚନା ଦାସଙ୍କ ଅଧ୍ୟକ୍ଷତାରେ ଅନୁଷ୍ଠିତ ଏହି ବଜେଟ୍‌‌ ଆଲୋଚନାରେ କମିସନର ବିଜୟ ଅମୃତା କୁଲାଙ୍ଗେ ଫାଇନାନ୍ସ ଷ୍ଟାଣ୍ଡିଂ କମିଟିର ଅଧ୍ୟକ୍ଷା ପ୍ରୀତିନନ୍ଦା ରାଉତରାୟ, ଅତିରିକ୍ତ କମିସନର ଶୁଭେନ୍ଦୁ କୁମାର ସାହୁ, ସିଟି ଇଞ୍ଜିନିୟର ବିଳାସ କୁମାର ବେହେରା, ମୁଖ୍ୟ ବିତ୍ତ ଅଧିକାରୀ ଲାବଣ୍ୟ ଶବର ଉପସ୍ଥିତ ଥିଲେ। ଏହି ଆଲୋନଚାରେ ଷ୍ଟାଣ୍ଡିଂ କମିଟିର ସମସ୍ତ ଅଧ୍ୟକ୍ଷ ଓ ଅଧ୍ୟକ୍ଷା, ସମସ୍ତ କର୍ପୋରେଟର, ବିଏମ୍‌‌ସିର ବରିଷ୍ଠ ଅଧିକାରୀ ଓ ଟିମ୍‌‌ ବିଏମ୍‌‌ସି ଉପସ୍ଥିତ ଥିଲେ। ଏହି ସ୍ୱତନ୍ତ୍ର ଅଧିବେଶନରେ କମିସନର ସ୍ୱାଗତ ଭାଷଣ ଦେଇଥିବା ବେଳେ, ମେୟର ବଜେଟର ମୁଖ୍ୟାଂଶ ସମ୍ପର୍କରେ ସମ୍ୟକ ସୂଚନା ପ୍ରଦାନ କରିଥିଲେ। ମୁଖ୍ୟ ବିତ୍ତ ଅଧିକାରୀ ଲାବଣ୍ୟ ଶବର ବଜେଟ୍‌‌ର ବିସ୍ତୃତ ବିବରଣୀ ପାଠ କରିଥିବା ବେଳେ ଅତିରିକ୍ତ କମିସନର୍‌‌ ଶୁଭେନ୍ଦୁ କୁମାର ସାହୁ ପରିଚାଳନା କରିଥିଲେ।

ଭୁବନେଶ୍ବର: ବିଏମସିର କଡ଼ା କାର୍ଯ୍ୟାନୁଷ୍ଠା । ଟୁ-ଲେଟ୍ ବିଜ୍ଞାପନ ପାଇଁ ୫୦ ହଜାର ଟଙ୍କା ଲେଖାଏଁ ଜରିମାନା ଆଦାୟ କରିଛି ବିଏମସି। ରାଜଧାନୀର କାନ୍ଥବାଡ଼ରେ ବିଜ୍ଞାପନ ଲଗାଇଥିବା ସଂସ୍ଥା ଠାରୁ ଜରିମାନା ଆଦାୟ ହୋଇଛି। ଏହି ବିଜ୍ଞାପନ ଗୁଡ଼ିକ କାନ୍ଥ ଓ ବିଦ୍ୟୁତ ଖୁଣ୍ଟରେ ଲଗାଯାଇଥିଲା। ଏଥିପାଇଁ ୫୦ ହଜାର ଲେଖାଏଁ ୩ଟି ସଂସ୍ଥାରୁ ଜରିମାନା ଆଦାୟ ହୋଇଛି। ଏହା ସହିତ ବିଜ୍ଞାପନ ଲଗାଇଥିବା ସଂସ୍ଥା ନାଁରେ ଏତଲା ମଧ୍ୟ ଦେଇଛି  ବିଏମସି ।

Team BMC imposed penalty of
Rs 50,000(each) & FIR filed against these 3 agencies for affixing massive (To-let) posters across the city walls, poles, etc.#BhubaneswarFirst pic.twitter.com/r3eBXd3MSp

— BMC (@bmcbbsr) December 11, 2023

ଭୁବନେଶ୍ୱର: ଦୟା ନଦୀ ପାଣିକୁ ପ୍ରଦୂଷଣମୁକ୍ତ ରଖାଯିବା ଉପରେ 5T ତଥା ନବୀନ ଓଡିଶାର ଅଧ୍ୟକ୍ଷ କାର୍ତ୍ତିକ ପାଣ୍ଡିଆନ ଗୁରୁତ୍ୱାରୋପ କରିଛନ୍ତି ଏବଂ ଏ ସମ୍ପର୍କରେ ତୁରନ୍ତ ପଦକ୍ଷେପ ଗ୍ରହଣ କରିବା ପାଇଁ ରାଜ୍ୟ ପ୍ରଦୂଷଣ ନିୟନ୍ତ୍ରଣ ବୋର୍ଡ, ନଗର ଉନ୍ନୟନ ବିଭାଗ ଏବଂ ଭୁବନେଶ୍ୱର ମହାନଗର ନିଗମକୁ ସେ ନିର୍ଦ୍ଦେଶ ଦେଇଛନ୍ତି।

ଦୟା ନଦୀର ଜଳକୁ ବିଶୁଦ୍ଧ ରଖିବା ସଂକ୍ରାନ୍ତରେ ଆଜି 5T ତଥା ନବୀନ ଓଡିଶାର ଅଧ୍ୟକ୍ଷ କାର୍ତ୍ତିକ ପାଣ୍ଡିଆନଙ୍କ ଅଧ୍ୟକ୍ଷତାରେ ଏକ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଥିଲା। ବୈଠକରେ ନିଆଯାଇଥିବା ନିଷ୍ପତ୍ତି ଅନୁଯାୟୀ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ଥିବା ବିଭିନ୍ନ ପ୍ରତିଷ୍ଠାନର ଦୂଷିତ ଜଳକୁ ସ୍ୱେରେଜ ଲାଇନ୍‌ ସହିତ ସଂଯୋଗ କରିବା ପାଇଁ ବ୍ୟାଧତାମୂଳକ କରାଯାଇଛି। ଏହା ସହିତ BMCର ସବୁ ଘର ଯେପରି ସ୍ୱେରେଜ ଲାଇନ୍‌ ସହିତ ଶୀଘ୍ର ସଂଯୁକ୍ତ ହୋଇପାରିବ ସେ ଦିଗରେ ମଧ୍ୟ ସଚେତନତା ସୃଷ୍ଟି କରିବାପାଇଁ ଶ୍ରୀ ପାଣ୍ଡିଆନ ନିର୍ଦ୍ଦେଶ ଦେଇଥିଲେ।

ଭୁବନେଶ୍ୱରରେ ୱାଟ୍‌କୋ ପକ୍ଷରୁ ବିଭିନ୍ନ ଅଞ୍ଚଳରେ ସ୍ୱେରେଜ କାମ ଚାଲିଛି। ବିଭିନ୍ନ ଏଜେନ୍ସି ସହ ସମନ୍ୱୟ ରକ୍ଷାକରି କାମ କଲେ ଜନସାଧାରଣଙ୍କ ବିଶେଷ ଅସୁବିଧା ହେବ ନାହିଁ ବୋଲି ଶ୍ରୀ ପାଣ୍ଡିଆନ ମତଦେବା ସହିତ ସ୍ୱେରେଜ କାମ ତ୍ୱରାନ୍ୱିତ କରି ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଶେଷ କରିବା ଏବଂ ବସ୍ତି ସମେତ ସହରର ସବୁ ଅଞ୍ଚଳ ଯେପରି ସ୍ୱେରେଜ ବ୍ୟବସ୍ଥା ସହିତ ସଂଯୁକ୍ତ ହେବ ସେଦିଗରେ ପଦକ୍ଷେପ ନେବା ପାଇଁ ଶ୍ରୀ ପାଣ୍ଡିଆନ ୱାଟ୍‌କୋକୁ ନିର୍ଦ୍ଦେଶ ଦେଇଥିଲେ।

ଦୟା ନଦୀର ଜଳକୁ ବିଶୁଦ୍ଧ କରିବା ପାଇଁ ଦୟା ଓ ଗଙ୍ଗୁଆର ସଂଯୋଗ ସ୍ଥଳରେ ୱାଟ୍‌କୋ ପକ୍ଷରୁ ଅତ୍ୟାଧୁନିକ ବୈଷୟିକ ଜ୍ଞାନକୌଶଳଯୁକ୍ତ ଏକ ବିଶୋଧନ ପ୍ଲାଣ୍ଟ ନିର୍ମାଣ କରିବା ପାଇଁ ବୈଠକରେ ନିଷ୍ପତ୍ତି ହୋଇଥିଲା।

ଭୁବନେଶ୍ୱର ସହରରେ ବିଭିନ୍ନ ଶିଳ୍ପାନୁଷ୍ଠାନ ମଧ୍ୟ ରହିଛି। ସେମାନଙ୍କର ବର୍ଜ୍ୟବସ୍ତୁ ଓ ଜଳର କିପରି ଉପଯୁକ୍ତ ବିଶୋଧନ କରାଯାଇପାରିବ ସେଥିପାଇଁ IDCO, State Pollution Control Board ଓ BMC ପକ୍ଷରୁ ନିୟମିତ ଯାଞ୍ଚ କରାଯିବ।

ଭୁବନେଶ୍ୱର ସହରର ବିଭିନ୍ନ ନର୍ଦ୍ଦମା ଜଳ ବିଶୋଧନ ପ୍ଲାଣ୍ଟରେ ପହଞ୍ଚିବା  ପୂର୍ବରୁ ସେଗୁଡିକର WATCO ଓ SPCB ପକ୍ଷରୁ ନିୟମିତ ବୈଷୟିକ ଯାଞ୍ଚ ପାଇଁ ବୈଠକରେ ନିଷ୍ପତ୍ତି ଗ୍ରହଣ କରାଯାଇଥିଲା।

ଦୟା ନଦୀର ଜଳକୁ ବିଶୁଦ୍ଧ ରଖିବାପାଇଁ, BMC ଅଞ୍ଚଳର ବର୍ଜ୍ୟବସ୍ତୁ ସୃଷ୍ଟିକାରୀ ଶିଳ୍ପ ତଥା ଅନ୍ୟ ପ୍ରତିଷ୍ଠାନଗୁଡିକ ଉପରେ ତୀକ୍ଷ୍ଣ ନଜର ରଖି ଏହାର ନିୟନ୍ତ୍ରଣ ପାଇଁ ପଦକ୍ଷେପ ନେବାକୁ BMCକୁ ଶ୍ରୀ ପାଣ୍ଡିଆନ ନିର୍ଦ୍ଦେଶ ଦେଇଥିଲେ।

BDA ର ଉପାଧ୍ୟକ୍ଷ ବଲୱନ୍ତ ସିଂ ଅଧ୍ୟକ୍ଷତାରେ ଗଠିତ ଦୟା ଟାସ୍କ ଫୋର୍ସ ଦୟା ନଦୀ ପାଣି କୁ ବିଶୁଦ୍ଧ ରଖିବା ପାଇଁ ବିଭିନ୍ନ ଏଜେନ୍ସି ସହିତ ସମନ୍ଵୟ ରଖି ପଦକ୍ଷେପ ନେଇଛି । ବୈଠକରେ ବଳବନ୍ତ ସିଂହ ନିଆ ଯାଇଥିବା ପଦକ୍ଷେପ ସମ୍ପର୍କରେ ଏକ ପ୍ରେଜେଣ୍ଟେସନ  ଉପସ୍ଥାପିତ  କରିଥିଲେ

ଭୁବନେଶ୍ୱର: ଭୁବନେଶ୍ୱରରେ ବଦଳିବ ଶ୍ମଶାନର ରୂପରେଖ। ରୂପାନ୍ତରିତ ହେବ ରାଜଧାନୀର ସବୁ ଶ୍ମଶାନ। ସତ୍ୟନଗର ଶ୍ମଶାନର ହେବ ନବକଳେବର। ଇଲେକ୍ଟ୍ରିକ ଚୁଲା ଉଠାଯିବା ସହ ପାରମ୍ପରିକ ଓ ଗ୍ୟାସ ଚୁଲାରେ ଶବଦାହ ପାଇଁ ବ୍ୟବସ୍ଥା କରିବ ବିଏମସି। ଏଥିପାଇଁ ସତ୍ୟନଗର ଶ୍ମଶାନରେ ଭିତ୍ତିସ୍ଥାପନ କରିଛନ୍ତି ମଧ୍ୟ ବିଧାୟକ ଅନନ୍ତ ନାରାୟଣ ଜେନା ଓ ମେୟର ସୁଲୋଚନା ଦାସ।

୨ କୋଟି ୩୪ ଲକ୍ଷ ଟଙ୍କା ବ୍ୟୟରେ ଶ୍ମଶାନର ପୁନରୁଦ୍ଧାର କରିବାକୁ ବିଏମସି ଯୋଜନା ରଖିଛି। ଶ୍ମଶାନକୁ ଆସୁଥିବା ଲୋକ ଯେପରି ସମସ୍ତ ସୁବିଧା ପାଇପାରିବେ ସେଥିପ୍ରତି ଗୁରୁତ୍ବ ଦିଆଯାଉଛି। ଏହାସହ କବର ସ୍ଥାନର ମଧ୍ୟ ନବୀକରଣ କରାଯିବ। ଶ୍ମଶାନ ଭିତରେ ଅଧିକ ଗଛ ଲଗାଇବା, ପୋଖରୀ ଓ ସୌନ୍ଦର୍ଯ୍ୟକରଣ ପାଇଁ ସବୁ ବ୍ୟବସ୍ଥା ଗ୍ରହଣ କରିବାକୁ ଲକ୍ଷ୍ୟ ରଖିଛି ବିଏମସି।