ଓ୍ୱାଶିଂଟନ: ଏସଏସ ରାଜାମୌଲିଙ୍କ ବ୍ଲକବଷ୍ଟର ତଥା ଓସ୍କାର ବିଜୟୀ ଫିଲ୍ମ RRR ର ମୁଖ୍ୟ ଖଳନାୟକ ଚରିତ୍ରରେ ଅଭିନୟ କରିଥିବା ଇରିସ ଅଭିନେତା ରେ’ ଷ୍ଟିଭେନସନଙ୍କ ପରଲୋକ ହୋଇଛି । ମାତ୍ର ୫୮ ବର୍ଷରେ ଇଟାଲିରେ ତାଙ୍କର ମୃତ୍ୟୁ ହୋଇଛି । ତେବେ ଷ୍ଟିଭେନସନଙ୍କ ମୃତ୍ୟୁ ପଛର କାରଣ ଏପର୍ଯ୍ୟନ୍ତ ଜଣାପଡିନାହିଁ ।

ଫିଲ୍ମ RRRର ମୁଖ୍ୟ ଖଳନାୟକ ଅଭିନୟ କରିଥିବା ଷ୍ଟିଭେନସନ ନିଜ ଦମଦାର ଅଭିନୟ ଯୋଗୁଁ ସମସ୍ତଙ୍କ ହୃଦୟରେ ରାଜ୍‌ କରୁଥିଲେ। ଷ୍ଟିଭେନସନ ‘ଆର୍‌ଆର୍‌ଆର୍’ରେ ନେଗେଟିଭ୍ ଚରିତ୍ର ଗଭର୍ଣ୍ଣର ସ୍କଟ୍ ବକ୍ସଟନ୍ ଭୂମିକାରେ ଅଭିନୟ କରିଥିଲେ । ଏହାଛଡ଼ା ସେ ପନିଶର: ଓ୍ବାର୍ ଜୋନ୍, କିଙ୍ଗ୍ ଆର୍ଥର, ଥୋର୍ ଭଳି ‌‌ହଲିଉଡ୍ ଫିଲ୍ମରେ କାମ କରିଛନ୍ତି । ‘ରୋମ୍ ଭାଇକିଙ୍ଗ୍’ ଏବଂ ‘ଡେକ୍ସଟର’ ଭଳି ଟିଭି ଶୋ ମାଧ୍ୟମରେ ଷ୍ଟିଭେନସନ ଲୋକପ୍ରିୟତା ହାସଲ କରିଥିଲେ ।
ଷ୍ଟିଭେନସନଙ୍କ ପରଲୋକରେ ‘ଆର୍‌ଆର୍‌ଆର୍’ ନିର୍ଦ୍ଦେଶକ ଏସ୍ଏସ୍ ରାଜାମୌଲି ଶୋକ ପ୍ରକାଶ କରିଛନ୍ତି ।

ନୂଆଦିଲ୍ଲୀ: ନିର୍ଦ୍ଦେଶକ ଏସ.ଏସ. ରାଜମୌଲିଙ୍କ ଚଳଚ୍ଚିତ୍ର ଆରଆରଆର ଦିନକୁ ଦିନ ଅନେକ ରେକର୍ଡ ଭାଙ୍ଗିଚାଲିଛି। ଏହି ଫିଲ୍ମ ୭ ଦିନରେ ୭୦୦ କୋଟି ଟଙ୍କା ଆୟ କରିଛି । ଏହାପରେ ରାଜମୌଲିଙ୍କ ଅନ୍ୟ ଫିଲ୍ମକୁ ନେଇ ମଧ୍ୟ ଚର୍ଚ୍ଚା ହେଉଛି । ରାଜମୌଲି ବଲିଉଡର ଗର୍ବକୁ ଭାଙ୍ଗି ଦେଇଛନ୍ତି। ତାଙ୍କର ତିନୋଟି ଫିଲ୍ମ ସମସ୍ତ ରେକର୍ଡକୁ ଅତିକ୍ରମ କରିଯାଇଛି। ଏହା ପୂର୍ବରୁ ରାଜମୌଲିଙ୍କ ବାହୁବଳୀ ରେକର୍ଡ ଆୟ କରିଥିଲା । କରୋନା କାଳରେ ସୂର୍ଯ୍ୟବଂଶୀ ଏବଂ ୮୩ ଭଳି ବଲିଉଡ ଚଳଚ୍ଚିତ୍ର ୩୦୦ କୋଟି ଟପି ପାରି ନଥିବାବେଳେ ଆରଆରିଆର ଅନେକ ରେକର୍ଡ କାଏମ କରିଛି ।

ମୁମ୍ବଇ: ‘ବାହୁବଳୀ’ ପରେ ଏବେ ନିର୍ଦ୍ଦେଶକ ଏସଏସ ରାଜାମୌଲୀଙ୍କ ଆଗାମୀ ଫିଲ୍ମ ‘ଆରଆରଆର’କୁ ଚାତକ ପରି ଚାହିଁ ରହିଛନ୍ତି ସିନେପ୍ରେମୀ। ତେବେ ମୁକ୍ତିଲାଭ ପୂର୍ବରୁ ଏହା ନୂଆ ରେକର୍ଡ ପ୍ରତିଷ୍ଠା କରିଛି। ଜୁନିଆର ଏନଟିଆର, ରାମ ଚରଣ ଏବଂ ଆଲିଆ ଭଟ୍ଟଙ୍କ ଅଭିନୀତ ଏହି ଫିଲ୍ମ ୯୦୦ କୋଟି ଟଙ୍କାର ବ୍ୟବସାୟ କରିନେଇଛି। ରିପୋର୍ଟ ଅନୁଯାୟୀ ଏହା ମୁକ୍ତିଲାଭ ପୂର୍ବରୁ ‘ବାହୁବଳୀ(୫୦୦ କୋଟି)’ ଠାରୁ ଦୁଇ ଗୁଣ ବ୍ୟବସାୟ କରିଛି। ଏହି ୯୦୦ କୋଟିରେ ଥିଏଟ୍ରିକାଲ, ଡିଜିଟାଲ, ମ୍ୟୁଜିକ ଏବଂ ସାଟେଲାଇଟ ରାଇଟ୍ସ ସାମିଲ ରହିଛି। ଥିଏଟ୍ରିକାଲ ରାଇଟ୍ସରେ ଏହା ଆନ୍ଧ୍ରପ୍ରଦେଶରେ ୧୬୫ କୋଟି, ଉତ୍ତର ଭାରତରେ ୧୪୦ କୋଟି, ହାଇଦ୍ରାବାଦରେ ୭୫ କୋଟି, ତାମିଲନାଡୁରେ ୪୮ କୋଟି,କର୍ଣ୍ଣାଟକରେ ୪୫ କୋଟି,କେରଳରେ ୧୫ କୋଟି ଏବଂ ବିଦେଶରେ ୭୦ କୋଟିରେ ରାଇଟ୍ସ ବିକ୍ରି ହୋଇଛି।