କଟକ: ଏକ ସାମୁଦ୍ରିକ ବିବାଦ ମାମଲାରେ ପାରାଦୀପ ବନ୍ଦରରେ ଗିରଫ ହୋଇଥିବା ଜାହାଜ ଟେଲେରି-ଏମକୁ ଗିରଫମୁକ୍ତ ବା ଛାଡିବା ପାଇଁ ହାଇକୋର୍ଟ ନିର୍ଦ୍ଦେଶ ଦେଇଛନ୍ତି। ବଙ୍କର ଇନ୍ଧନ ବାବଦ ଅର୍ଥରାଶି ଆବେଦନକାରୀ ଜିଓସର୍ଭ ଏନର୍ଜି ଟ୍ରାନ୍ସପୋର୍ଟ ନାମକ ସଂସ୍ଥାକୁ ପଇଠ କରାଯାଇସାରିଥିବା ନେଇ ସମ୍ପୃକ୍ତ ସଂସ୍ଥା ସ୍ପଷ୍ଟ କରିବା ପରେ ଜାହାଜକୁ ଛାଡିବା ପାଇଁ ଅନ୍ତରୀଣ ଆବେଦନ କରିଥିଲା। ଏହାର ଶୁଣାଣି କରି ଜଷ୍ଟିସ ଏମ.ଏସ.ରମଣ ଉକ୍ତ ଜାହାଜକୁ ଗିରଫରୁ ମୁକ୍ତ କରିବାକୁ ନିର୍ଦ୍ଦେଶ ପ୍ରଦାନ କରିଛନ୍ତି। ଏବେ ଏହି ଜାହାଜ ପାରାଦୀପ ବନ୍ଦ ଛାଡିପାରିବ ବୋଲି ଅଦାଲତ ସ୍ପଷ୍ଟ କରିଛନ୍ତି। ମାମଲାରୁ ପ୍ରକାଶ ଯେ ଆବେଦନକାରୀ ଟ୍ରାନ୍ସପୋର୍ଟ ସଂସ୍ଥା ଉକ୍ତ ଜାହାଜକୁ ଯୋଗାଣ କରାଯାଇଥିବା ବଙ୍କର ଇନ୍ଧନ ବାବଦ ୨୬୮୮୬୮.୨୮ଆମେରିକୀୟ ଡଲାର ଦାବି କରି ହାଇକୋର୍ଟରେ ମାମଲା ଦାୟର କରିଥିଲା। ଏହି ଜାହାଜ ପାରାଦୀପ ବନ୍ଦର ଜଳସୀମା ଛାଡି ଚାଲିଯିବାର ସମ୍ଭାବନା ଥିବାରୁ ଏହାକୁ ଗିରଫ କରିବା ପାଇଁ ବନ୍ଦର କର୍ତ୍ତୃପକ୍ଷ ଓ କଷ୍ଟମ ବିଭାଗକୁ ଗତ ୧୨ତାରିଖରେ ନିର୍ଦ୍ଦେଶ ଦେଇଥିଲେ ହାଇକୋର୍ଟ।

ଜଗତସିଂହପୁର: ପାରାଦୀପ ବନ୍ଦରକୁ ୩ନମ୍ବର ବିପଦ ସଂକେତ ଜାରି । ବାତ୍ୟା ୟଶକୁ ନେଇ ପାରାଦ୍ଵୀପ ବନ୍ଦର ପକ୍ଷରୁ ପ୍ରସ୍ତୁତି ଚୂଡ଼ାନ୍ତ ପର୍ୟ୍ୟାୟରେ । ବନ୍ଦରର ବର୍ଥରେ ଲାଗିଥିବା ଜାହାଜ ଓ ଆଙ୍କରେଜ ମଧ୍ୟରେ ଥିବା ଜାହାଜ ଗୁଡିକୁ ଗଭୀର ସମୁଦ୍ର ମଧ୍ୟକୁ ପଠାଇବା ଆରମ୍ଭ ହୋଇଛି । ବାତ୍ୟା ୟଶ ପାରାଦ୍ଵୀପରୁ ସାଗର ଦ୍ୱୀପ ମଧ୍ୟରେ ଲ୍ୟାଣ୍ଡଫଲ କରିବାର ସମ୍ଭାବନା ଥିବାରୁ , ଅଧିକ ଯୋରରେ ପବନ ସହିତ ଉଚ୍ଚ ସାମୁଦ୍ରିକ ଢେ଼ଉ ଉଠିବାର ସମ୍ଭାବନା ରହିଛି । ଏହାର ପ୍ରଭାବରେ ବନ୍ଦରର ଆଙ୍କରେଜ ଓ ବର୍ଥ ମଧ୍ୟରେ ଜାହାଜ ଗୁଡିକ ରହିଲେ ବନ୍ଦର ଓ ଜାହାଜର କ୍ଷତି ଘଟିବାର ସମ୍ଭାବନା ରହିଛି । ଯାହାକୁ ଦୃଷ୍ଟିରେ ରଖି ପାରାଦ୍ଵୀପ ବନ୍ଦର ଆଗୁଆ ପଦକ୍ଷେପ ସହିତ ଜାହାଜ ଗୁଡିକୁ ଗଭୀର ସମୁଦ୍ରର ସୁରକ୍ଷିତ ସ୍ଥାନକୁ ପଠାଇ ଦିଆଯାଉଛି ।

ପାରାଦୀପ: କ୍ରମାଗତ ଭାବେ ଚାରି ବର୍ଷ ଧରି ପାରାଦୀପ ବନ୍ଦର ପଣ୍ୟ କାରବାର ୧୦୦ ଏମ୍‍.ଏମ୍‍.ଟିରୁ ଉର୍ଦ୍ଧ ପଣ୍ୟ କାରବାର କରିବା ରେ ସଫଳତା ହାସଲ କରିଛି। ପ୍ରଥମ ଥର ପାଇଁ ୨୦୧୭-୧୮ ଆର୍ଥିକ ବର୍ଷ ରେ ୧୦୨.୦୧ ଏମ୍‍.ଏମ୍‍.ଟି. ପଣ୍ୟ କାରବାର କରି ୧୦୦ ଏମ୍‍.ଏମ୍‍.ଟି. ଅତିକ୍ରମ କରିବା ପରେ ୨୦୧୮-୧୯ ଆର୍ଥିକ ବର୍ଷ ରେ ୧୦୯.୨୭ ଏମ୍‍.ଏମ୍‍.ଟି., ୨୦୧୯-୨୦ ଆର୍ଥିକ ବର୍ଷ ରେ ୧୧୨.୬୯ ଏମ୍‍.ଏମ୍‍.ଟି. ଓ ୨୦୨୦-୨୧ ଆର୍ଥିକ ବର୍ଷ ରେ କରୋନା କଟକଣା ସତ୍ତେ ପାରାଦୀପ ବନ୍ଦର୧୧୪.୫୫ ଏମ୍‍.ଏମ୍‍.ଟି. ପଣ୍ୟ କାରବାର କରି ସମଗ୍ର ଦେଶ ରେ ସର୍ବକାଳୀନ ରେକର୍ଡ ସୃଷ୍ଟି କରିଛି ବୋଲି ଗୁରୁବାର ଦିନ ପାରାଦୀପ ବନ୍ଦର ପକ୍ଷରୁ ଆୟୋଜିତ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପାରାଦୀପ ବନ୍ଦରର ଅଧ୍ୟକ୍ଷ ବିନୀତ କୁମାର।

ବିଗତ ଆର୍ଥିକ ବର୍ଷ ର ମାର୍ଚ୍ଚ ମାସ ରେ ଗୋଟିଏ ଦିନ ରେ ୫୨ଟି ରେକ୍‍ ଚଳାଚଳ କରି ରେକର୍ଡ ସୃଷ୍ଟି କରିଛି ପାରାଦୀପ ବନ୍ଦର। ସମଗ୍ର ଦେଶ ରେ କୋଇଲା ପରିବହନ ରେ ଅନ୍ୟ ବନ୍ଦରମାନଙ୍କୁ ପଛରେ ପକେଇ ଦେଇଛି ପାରାଦୀପ ବନ୍ଦର। ପାରାଦୀପ ବନ୍ଦର ଚିକିତ୍ସାଳୟ ବିଶ୍ୱ ମହାମାରୀ କରୋନା ପରିଚାଳନା ରେ ସଫଳତା ହାସଲ କରିଥିବା ବନ୍ଦର ଅଧ୍ୟକ୍ଷ ସୂଚନା ଦେଇଛନ୍ତି। ପାରାଦୀପ କୋଭିଡ୍‍ ହସ୍ପିଟାଲ, କୋଭିଡ୍‍ କେୟାର ସେଣ୍ଟର ପରିଚାଳନା କରି ଅନ୍ୟ ବନ୍ଦର ତୂଳନା ରେ ସ୍ୱତନ୍ତ୍ର ସ୍ଥାନ ହାସଲ କରିଛି। ମାର୍ଚ୍ଚ ମାସ ରେ ୧୧.୬୪ ଏମ.ଏମ୍‍.ଟି ପଣ୍ୟ ପରିବହନ କରି ଗୋଟିଏ ମାସ ରେ ସର୍ବାଧିକ ରେକର୍ଡ ପଣ୍ୟକାରବାର ର ସଫଳତା ହାସଲ କରିଛି ପାରାଦୀପ ବନ୍ଦର। ପାରାଦୀପ ବନ୍ଦର ର ଆଇରନ୍‍ ବୋଝେଇ ପ୍ଲାଣ୍ଟ ରେ ଗୋଟିଏ ମାସ ରେ ୧୮୮ ରେକ୍‍ ପରିଚାଳନା କରି ରେକର୍ଡ ସୃଷ୍ଟି କରିଛି। ଯାନ୍ତ୍ରିକ କୋଇଲା ବୋଝେଇ ପ୍ଲାଣ୍ଟ ରେ ୧୨୭୨ ଟି ରେକ୍‍ ମାର୍ଚ୍ଚ ମାସ ରେ କାରବାର ହୋଇ ଅନନ୍ୟ ରେକର୍ଡ ସୃଷ୍ଟି କରିଛି। ପାରାଦୀପ ବନ୍ଦର ଇକ୍ୟୁ ୧, ୨ ଓ ୩ ବର୍ଥ ଯାନ୍ତ୍ରୀକୀକରଣ କାର୍ଯ୍ୟ ଜୋର୍‍ଦାର୍‍ ଭାବେ ଆଗେଇ ଚାଲିଛି। କେଆଇସିଟି ଏହାର ନିର୍ମାଣ କାର୍ଯ୍ୟ ଆସନ୍ତା ସେପ୍ଟେମ୍ବର ସୁଦ୍ଧା ଶେଷ କରିବ ଏହା କାର୍ଯ୍ଯକ୍ରମ ହେଲେ ଏହାର କ୍ଷମତା ବାର୍ଷିକ ୧୦ଏମଟି ହେବ। ପାରାଦୀପ ବନ୍ଦର ର ପଶ୍ଚିମ ଜେଟୀ ନିର୍ମାଣ ପାଇଁ କାର୍ଯ୍ୟ ଆରମ୍ବ ହେଲାଣି। ଏହା ଶେଷ ହେବା ପରେ କେପ୍‍ ସାଇଜ୍‍ ଭେସେଲ୍‌ଫ ସହଜରେ ଯାତାୟତ କରିପାରିବ। ଏହା ଶେହ ହେବା ପରେ ଏହାର କ୍ଷମତା ୨୫ ଏମ୍‍.ଟି. ହେବ ବୋଲି ବନ୍ଦର ଅଧ୍ୟକ୍ଷ ସୂଚନା ଦେଇଥିଲେ। ହରିଦାସପୁର-ପାରାଦୀପ ରେଳ ଲାଇନ୍‍ କାର୍ଯ୍ୟକ୍ଷମ ହେଲାଣି। ଏବେ ପ୍ରତ୍ୟହ ୬-୭ ଟି ରେଳ ଚଳାଚଳ କରୁଛି ଆଗାମୀ ଦିନ ରେ ଏହାର ସଂଖ୍ୟା ବୃଦ୍ଧି ପାଇବ ବୋଲି ସେ କହିଛନ୍ତି। ପାରାଦୀପ ବନ୍ଦର ସନ୍ନିକଟ ରେ ଅନେକ ଶିଳ୍ପ ସଂସ୍ଥା କାରଖାନା ପ୍ରତିଷ୍ଠା ପାଇଁ ଆଗ୍ରହ ପ୍ରକାଶ କରିଛନ୍ତି। ପିଲେଟ୍‍ ପ୍ଲାଣ୍ଟ ପାଇଁ ବହୁ ସଂସ୍ଥା ଆଗ୍ରହ ପ୍ରକାଶ କଲେଣି। ପାରାଦୀପ ବନ୍ଦର ପକ୍ଷରୁ ବନ୍ଦର ଭିତ୍ତିକ କାରଖାନା ପ୍ରତିଷ୍ଠା ପାଇଁ ଓଏସଏଲ୍‍ ଗ୍ରୁପ୍‍, ତ୍ରିବେଣୀ ଭଳି ସଂସ୍ଥା କୁ ଆନୁଷଙ୍ଗିକ ସହଯୋଗ ଯୋଗାଇ ଦିଆଯାଉଛି।

ପାରାଦୀପରେ ମଲ୍ଟି ମେଡାଲ୍‍ ଲଜିଷ୍ଟିକ୍‍ ପାର୍କ ନିର୍ମାଣ ପାଇଁ ବହୁ ଶିଳ୍ପ ସଂସ୍ଥା ଆଗ୍ରହ ପ୍ରକାଶ କରିଥିବା ସେ ସୂଚନା ଦେଇଥିଲେ। ଗତ ଆର୍ଥିକ ବର୍ଷ ରେ ପାରାଦୀପ ବନ୍ଦର ମୋଟ ୭୨୨ କୋଟି ଟଙ୍କା ଲାଭ କରିଥିବା ବେଳେ ଟିକସ୍‍ ପଇଠ କରିବା ପରେ ପାରାଦୀପ ବନ୍ଦର ୪୭୬ କୋଟି ଟଙ୍କା ଲାଭ କରିଛି ବୋଲି ପାରାଦୀପ ବନ୍ଦର ଅଧ୍ୟକ୍ଷ ବିନୀତ କୁମାର ଗଣମାଧ୍ୟମକୁ ସୂଚନା ଦେଇଛନ୍ତି।

ଏହି ସାମ୍ବାଦିକ ସମ୍ମିଳନୀରେ ପାରାଦୀପ ବନ୍ଦର ର ଉପାଧ୍ୟକ୍ଷ ଏ.କେ.ବୋଷ ଙ୍କ ସମେତ ବିଭିନ୍ନ ବିଭାଗୀୟ ମୁଖ୍ୟ ଡା.ପି.ପଣ୍ଡା, ଏ.କେ.ମହାପାତ୍ର, ଏସ.କେ.ମିଶ୍ର, ଏସ୍‍.କେ.ଦାଶ ଓ ଏମ୍‍.ଦାଶଗୁପ୍ତା ଉପସ୍ଥିତ ଥିଲେ। ଏହି କାର୍ଯ୍ୟକ୍ରମକୁ ବନ୍ଦର ଲୋକ ସଂପର୍କ ବିଭାଗର ମୁଖ୍ୟ ରତିକାନ୍ତ ନାୟକ ପରିଚାଳନା କରିଥିଲେ।