ଗଣିଆ: ନୟାଗଡ଼ ଜିଲ୍ଲା ଗଣିଆ ଥାନା କିଶୋର ପ୍ରସାଦ ପଞ୍ଚାୟତ ପାଣ୍ଡରାସିଂହା ଗ୍ରାମରେ ଘଟିଛି ଅଭାବନୀୟ ଘଟଣା । ପହିଲି ରଜରେ ସମସ୍ତେ ମସଗୁଲ ଥିବାବେଳେ ସାଙ୍ଗର ଛୁରା ମାଡ଼ରେ ସାଙ୍ଗରେ ମୃତ୍ୟୁ ଘଟିଛି। ଗ୍ରାମର ପୁରୁସୋତ୍ତମ ପ୍ରଧାନ ଏବଂ ତାଙ୍କ ବନ୍ଧୁ ସନିଆ (ଗଙ୍ଗାଧର)ରାଉତଙ୍କ ମଧ୍ୟରେ କୌଣସି କାରଣରୁ ବଚସା ହୋଇଥିଲା। ବନ୍ଧୁ ଉତକ୍ଷିପ୍ତ ହୋଇ ପୁରୁଷୋତ୍ତମକୁ ଏକ ଧାରୁଆ ଛୁରୀରେ ଛାତିକୁ ଭୁସି ଦେଇଥିଲେ।। ପରେ ପୁରୁଷୋତ୍ତମକୁ ପରିବାରଲୋକେ ଗଣିଆ ମେଡିକାଲରେ ଭର୍ତ୍ତି କରିଥିବାବେଳେ ଡାକ୍ତର ସେଠାରେ ପୁରୁଷୋତ୍ତମକୁ ମୃତ ଘୋଷଣା କରିଥିଲେ। ଘଟଣାସ୍ଥଳରେ ଗଣିଆ ପୁଲିସ ପହଞ୍ଚି ଛୁରାମାଡ କରିଥିବା ଯୁବକ ସନିଆ(ଗଙ୍ଗାଧର) ରାଉତକୁ ଅଟକ ରଖି ତଦନ୍ତ ଜାରି ରଖିଥିବା ସୂଚନା ମିଳିଛି।

ଭୁବନେଶ୍ବର: ସୈତାନ ସିକ୍ୟୁରିଟି ଗାର୍ଡର ନାରକୀୟ କାଣ୍ଡ । ଏକତରଫା ପ୍ରେମରୁ ଯୁବତୀଙ୍କୁ ଭୁଷିଲା ଛୁରି । ନିଜ ଅଫିସର କର୍ମଚାରୀଙ୍କୁ ଉକ୍ତ ସିକ୍ୟୁରିଟି ଗାର୍ଡ ଛୁରି ଭୁଷିଛି। କଟକ ବଡ଼ ମେଡିକାଲରେ ଯୁବତୀଙ୍କ ମୃତ୍ୟୁ ଘଟିଛି। ମୃତ ଯୁବତୀଙ୍କ ନାଁ ବିଜୟିନୀ ସାହୁ। ଘର ଜଗତସିଂହପୁର ଜିଲ୍ଲାରେ ବୋଲି ଜଣାପଡ଼ିଛି। ସେ ମଞ୍ଚେଶ୍ୱର ଥାନା ଜିଜିପି କଲୋନିରେ କାମ କରୁଥିଲେ।

ତେବେ ହତ୍ୟାକାରୀ  ସେହିଠାରେ ସିକ୍ୟୁରିଟି ଗାର୍ଡ ଭାବେ କାମ କରୁଥିଲା। ପ୍ରେମକୁ ପ୍ରତ୍ୟାଖ୍ୟାନ କରିବାରୁ ସିକ୍ୟୁରିଟି ଗାର୍ଡ ଏହି ଚରମ ନିଷ୍ପତ୍ତି ନେଇଥିଲା। ତେବେ ହତ୍ୟାକାରୀକୁ କାବୁ କରିଛି ମଞ୍ଚେଶ୍ବର ପୁଲିସ। ହତ୍ୟାକାରୀର ନାଁ ରମେଶ ବାରିକ । ସେ କେନ୍ଦ୍ରାପଡା ଜିଲ୍ଲା ଆଳି ଅଞ୍ଚଳର ବୋଲି ଜଣାପଡ଼ିଛି। ଫାୟାର ଆଣ୍ଡ ସେଫ୍ଟି ଘରୋଇ ଏଜେନ୍ସିର ସିକ୍ୟୁରିଟି ଗାର୍ଡ ଥିଲେ ରମେଶ । ମୃତ ଯୁବତୀ ଜଣଙ୍କ ରିସେପ୍ସନିଷ୍ଟ ଭାବେ କାମ କରୁଥିଲେ।