ଓ୍ୱାଶିଂଟନ: ଏସଏସ ରାଜାମୌଲିଙ୍କ ବ୍ଲକବଷ୍ଟର ତଥା ଓସ୍କାର ବିଜୟୀ ଫିଲ୍ମ RRR ର ମୁଖ୍ୟ ଖଳନାୟକ ଚରିତ୍ରରେ ଅଭିନୟ କରିଥିବା ଇରିସ ଅଭିନେତା ରେ’ ଷ୍ଟିଭେନସନଙ୍କ ପରଲୋକ ହୋଇଛି । ମାତ୍ର ୫୮ ବର୍ଷରେ ଇଟାଲିରେ ତାଙ୍କର ମୃତ୍ୟୁ ହୋଇଛି । ତେବେ ଷ୍ଟିଭେନସନଙ୍କ ମୃତ୍ୟୁ ପଛର କାରଣ ଏପର୍ଯ୍ୟନ୍ତ ଜଣାପଡିନାହିଁ ।

ଫିଲ୍ମ RRRର ମୁଖ୍ୟ ଖଳନାୟକ ଅଭିନୟ କରିଥିବା ଷ୍ଟିଭେନସନ ନିଜ ଦମଦାର ଅଭିନୟ ଯୋଗୁଁ ସମସ୍ତଙ୍କ ହୃଦୟରେ ରାଜ୍‌ କରୁଥିଲେ। ଷ୍ଟିଭେନସନ ‘ଆର୍‌ଆର୍‌ଆର୍’ରେ ନେଗେଟିଭ୍ ଚରିତ୍ର ଗଭର୍ଣ୍ଣର ସ୍କଟ୍ ବକ୍ସଟନ୍ ଭୂମିକାରେ ଅଭିନୟ କରିଥିଲେ । ଏହାଛଡ଼ା ସେ ପନିଶର: ଓ୍ବାର୍ ଜୋନ୍, କିଙ୍ଗ୍ ଆର୍ଥର, ଥୋର୍ ଭଳି ‌‌ହଲିଉଡ୍ ଫିଲ୍ମରେ କାମ କରିଛନ୍ତି । ‘ରୋମ୍ ଭାଇକିଙ୍ଗ୍’ ଏବଂ ‘ଡେକ୍ସଟର’ ଭଳି ଟିଭି ଶୋ ମାଧ୍ୟମରେ ଷ୍ଟିଭେନସନ ଲୋକପ୍ରିୟତା ହାସଲ କରିଥିଲେ ।
ଷ୍ଟିଭେନସନଙ୍କ ପରଲୋକରେ ‘ଆର୍‌ଆର୍‌ଆର୍’ ନିର୍ଦ୍ଦେଶକ ଏସ୍ଏସ୍ ରାଜାମୌଲି ଶୋକ ପ୍ରକାଶ କରିଛନ୍ତି ।