ବେଙ୍ଗାଲୁରୁ:  ଆଜି ସନ୍ଧ୍ୟାରେ ଆଇପିଏଲ୍‌ର ୩୬ତମ୍ ମ୍ୟାଚରେ ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର ଓ କୋଲକାତା ନାଇଟ ରାଇଡର୍ସ ମୁହାଁମୁହିଁ ହୋଇଛନ୍ତି । ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର ଟସ ଜିତି ବୋଲି ନିଷ୍ପତ୍ତି ନେଇଥିଲା । ଫଳରେ କୋଲକାତା ନାଇଟ ରାଇଡର୍ସ ୨୦ ଓଭରରେ ୫ ୱିକେଟ ହରାଇ ୨୦୦ ରନ କରିଛି। ଏହି ମ୍ୟାଚକୁ ଜିତିବାକୁ ହେଲେ ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋରକୁ ୨୦୧ ରନର ଆବଶ୍ୟକତା ରହିଛି।

କୋଲକାତା ପକ୍ଷରୁ ଜସନ ରୟ ୨୯ ବଲରେ ୫୬ ରନ କରି ଆଉଟ ହୋଇଥିବା ବେଳେ ଜଗଦିସାନ ୨୯ ବଲରେ ୨୭ ରନ କରି ଆଉଟ ହୋଇଥିଲେ। ପରେ ପାରିକୁ କୋଲକାତା ନାଇଟ ରାଇଡର୍ସର ଅଧିନାୟକ ନିତିଶ ରାଣା ଓ ଭେଙ୍କଟେଶ ଆୟର ସମ୍ଭାଳିଥିଲେ। ନିତିଶ ରାଣା ୨୧ ବଲରେ ୪୮ ରନ କରି ଆଉଟ ହୋଇଥିଲେ।  ଭେଙ୍କଟେଶ ଆୟର ୨୬ ବଲରେ ୩୧ ରନ କରି ଆଉଟ ହୋଇଥିଲା।  ପରେ ରସେଲ ଓ ରିଙ୍କୁ ସିଂହ ପାରିକୁ ସମ୍ଭାଳିଥିଲେ। ପରେ ରସେଲ ୨ ବଲରେ ୧ ରନ କରି ଆଉଟ ହୋଇଥିଲେ। ପରେ ଡେଭିଡ ୱାଇଜ ୩ ବଲରେ ୧୨ ରନ କରି ଅପରାଜିତ ରହିଥିବା ବେଳେ ରିଙ୍କୁ ସିଂହ ୧୦ ବଲରେ ୧୮ ରନ କରି ଅପରାଜିତ ରହିଥିଲେ।

ରୟାଲ୍‌ ଚ୍ୟାଲେଞ୍ଜର୍ସ ବାଙ୍ଗାଲୋର ପକ୍ଷରୁ ବିଜୟକୁମାର ଓ ହସରଙ୍ଗା ୨ଟି ଲେଖାଏଁ ୱିକେଟ ନେଇଥିବା ବେଳେ ସିରାଜ ଗୋଟିଏ ୱିକେଟ ନେଇଥିଲେ।