କେନ୍ଦୁଝର: କେଦାରନାଥରୁ ସୁରକ୍ଷିତ ଉଦ୍ଧାର ହେଲେ କେନ୍ଦୁଝର ଜିଲ୍ଲାର ୪ ଜଣ କାଉଡିଆ । ଫସିଥିବା କେନ୍ଦୁଝର ଜିଲ୍ଲାର ୪ ଜଣ କାଉଡିଆ ଆଜି ସୁରକ୍ଷିତ ସ୍ଥାନରେ ପହଞ୍ଚି ମଧ୍ୟାହ୍ନଭୋଜନ କରିଛନ୍ତି । ଏହି ୪ ଜଣ ଶିବଭକ୍ତଙ୍କୁ ଭୀମତାଲରୁ ହେଲିକପ୍ଟର ଯୋଗେ ସେନାର ଯବାନମାନେ ଉଦ୍ଧାର କରିଛନ୍ତି। ଉଦ୍ଧାର ବ୍ୟକ୍ତିମାନେ ହେଲେ କାର୍ତ୍ତିକେଶ୍ବର ଖିଲାର, ସଦାନନ୍ଦ ସାହୁ, ମହେଶ୍ୱର ପ୍ରଧାନ ଓ ଋଷିନାଥ ମହାନ୍ତ। ସେମାନେ ଟାକ୍ସି ମାଧ୍ୟମରେ ହରିଦ୍ୱାର ରେଳଷ୍ଟେସନ ଯାଇ ନିଜ ମୂଳ ଯୋଜନା ଅନୁଯାୟୀ ନିଜର ଯାତ୍ରା ଜାରି ରଖିବେ। ଜିଲ୍ଲାପାଳ ଏବଂ ଜିଲ୍ଲା ଶ୍ରମ ଅଧିକାରୀ ସେମାନଙ୍କ ସହ ନିରନ୍ତର ଯୋଗାଯୋଗରେ ରହିଥିବା ଜିଲ୍ଲା ପ୍ରଶାସନର ସୂଚନା ।

ସୂଚନାଯୋଗ୍ୟ, କେନ୍ଦୁଝର ଜିଲ୍ଲାରୁ କାଉଡ଼ିଯାତ୍ରାରେ କେଦାରନାଥ ଯାଇଥିବା ୪ ଜଣ ଲୋକ ଭୁ ସ୍କଳନ ଫଳରେ ବାଟରେ ତିନିଚାରିଦିନ ହେବ ଫସି ରହିଥିଲେ । ଶନିବାର ଏବାଦରେ ପରିବାର ଲୋକଙ୍କୁ ସେମାନେ ଜଣାଇବାପରେ ଜିଲ୍ଲା ପ୍ରଶାସନଙ୍କୁ ଅବଗତ କରାଯାଇଥିଲା । ନିଜେ କେନ୍ଦୁଝର ଜିଲ୍ଲାପାଳ ରୁଦ୍ର ପ୍ରୟାଗ ଜିଲ୍ଲାର ଜିଲ୍ଲାପାଙ୍କ ସହିତ କଥା ହୋଇ ସେମାନଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତରରେ ସହଯୋଗ କରିବାକୁ ନିବେଦନ କରିଥିଲେ । ସେମାନେ ସୋମବାରଦିନ ଜଙ୍ଗଲଦେଇ କିଛିବାଟ ଚାଲିଚାଲି ଆସିବାପରେ ତାଙ୍କୁ ରବିବାର ସେନାର ଯବାନମାନେ ହେଲିକପଟର ଯୋଗେ ଗୁପ୍ତେଶ୍ୱର ପର୍ଯ୍ୟନ୍ତ ସୁରକ୍ଷିତ ସ୍ଥାନକୁ ପହଞ୍ଚାଇ ଦେଇଥିବା ସୂଚନା ମିଳିଛି । ସେଠାରେ ଭଲରେ ଖାଦ୍ୟପେୟ ନେଲାପରେ ସେଠାରୁ ଟ୍ୟାକ୍ସି ଯୋଗେ ସେମାନେ ଋଷିକେଶ ଆସି ସେଠାରୁ ଟ୍ରେନରେ ଆସି ପୁରୀରେ ୮ ତାରିଖରେ ପହଁଚିବେବୋଲି ଜଣାପଡିଛି ।

ସେମାନେ ୨୭ ତାରିଖରୁ କେନ୍ଦୁଝରରୁ ବସରେ ଯାଇ ରାଉରକେଲାରୁ ଟ୍ରେନରେ କେଦାରନାଥ ଯାତ୍ରା କରିଥିଲେ। ସେଠାରେ ବଡ଼ ଧରଣର ଭୁ ସ୍କଳନ ହେବା ଫଳରେ ଫେରିବା ବାଟରେ ୪ଦିନ ହେବ ଫସି ରହିଥିଲେ । କଥା ଜଣା ପଡିବାପରେ ଚିନ୍ତା ପ୍ରକଟ କରିବା ସହିତ ପ୍ରଶାସନର ସହଯୋଗ ଲୋଡ଼ିଥିଲେ । ଜିଲ୍ଲା ପ୍ରଶାସନ ସେମାନଙ୍କ ସହିତ ଯୋଗାଯୋଗରେ ରହିଥିବାବେଳେ ସେମାନେ ସୁରକ୍ଷିତ ସ୍ଥାନରେ ପହଁଚି ସାରିଥିବାରୁ ପରିବାର ଲୋକେ ଖୁସି ପ୍ରକଟ କରିଛନ୍ତି ।

ରୁଦ୍ରପ୍ରୟାଗ: ପାଦଚଲା ରାସ୍ତାରେ କେଦାରନାଥ ଯାତ୍ରା ଗୁରୁବାର ପୁଣି ଥରେ ପ୍ରଭାବିତ ହୋଇଛି। ଏହି ରାସ୍ତାର ଭୈରବ ଗଦେରେ ନିକଟରେ ଗ୍ଲାସିୟର ଭୂଷୁଡ଼ିବା ଯୋଗୁ ଯାତ୍ରାରେ ବାଧା ସୃଷ୍ଟି ହୋଇଛି।  ଗ୍ଲାସିୟର ରାସ୍ତା ଉପରକୁ ଧସି ଆସିଛି । ଫଳରେ ଯାତ୍ରୀଙ୍କୁ ଏହି ସମୟରେ ରାସ୍ତା ଦେଇ କେଦାରନାଥ ଯାତ୍ରା ନ କରିବାକୁ ପରାମର୍ଶ ଦିଆଯାଇଛି। ଯେଉଁମାନେ ପାଦଚଲା ରାସ୍ତାରେ କେଦାରନାଥ ଯାତ୍ରା କରୁଛନ୍ତି ସେମାନଙ୍କୁ ସୁରକ୍ଷିତ ସ୍ଥାନ ଦେଖି ଆଶ୍ରୟ ନେବାକୁ କୁହାଯାଇଛି। ଗତ କାଲି ମଧ୍ୟ ଭୈରବ ଗଦେରେ ଓ କୁବେର ଗ୍ଲାସିୟରରେ ବରଫ ଖସିଥିଲା। ଆଜି ପୁଣି  ଥରେ ଭୈରବ ଗଦେରେ ନିକଟରେ ଗ୍ଲାସିୟର ଭୂଷୁଡିବାରୁ ଯାତ୍ରା ବାଧିତ ହୋଇଛି।

ରୁଦ୍ରପ୍ରୟାଗ ଡିଏମ ମୟୁର ଦିକ୍ଷିତ କେଦାରନାଥ ଧାମକୁ ପାଦଚଲା ରାସ୍ତାରେ ଯାଉଥିବା ଶ୍ରଦ୍ଧାଳୁଙ୍କୁ କ ନିବେଦନ କରିଛନ୍ତି।  ଯାତ୍ରା ମାର୍ଗ ସମ୍ପୂର୍ଣ୍ଣ ସୁରକ୍ଷି ନ ହେବା ପର୍ଯ୍ୟନ୍ତ କେଦାରନାଥ ଯାତ୍ରାରେ ନ ବାହାରିବାକୁ କହିଛନ୍ତି। ସେହିପରି ଯେଉଁ ଯାତ୍ରୀ ଯେଉଁ ସ୍ଥାନରେ ଅଟକି ରହିଛନ୍ତି ସେହି ସ୍ଥାନରେ ସୁରକ୍ଷିତ ରହିବାକୁ ମଧ୍ୟ କହିଛନ୍ତି। ଡିଏମ ମୟୁର ଦିକ୍ଷିତଙ୍କ ଅନୁସାରେ ଯେଉଁ ଯାତ୍ରୀ ହେଲି ସେବାରେ କେଦାରନାଥ ଯିବାକୁ ଚାହୁଁଛନ୍ତି ସେମାନେ ହେଲିକପ୍ଟର ମାଧ୍ୟମରେ ଯାତ୍ରା କରିପାରନ୍ତି। ତେବେ ଗ୍ଲାସିୟର ଆସିବା ଯୋଗୁ ପାଦ ଚଲା ଯାତ୍ରା ବନ୍ଦ ରଖାଯାଇଛି। ସେହିପରି ଯାତ୍ରା ମାର୍ଗର ଦୁଇ ଗ୍ଲାସିୟରରେ ମୁତୟନ ହୋଇଥିବା ଡିଡିଆରଏଫ, ଏସଡିଆରଏଫ ଓ ଏନଡିଆରଏଫଙ୍କ ସମେତ ୱାଇଏମଏଫ ଏବଂ ପୋଲିସକୁ ଯାତ୍ରୀଙ୍କ ସୁରକ୍ଷା ଉପରେ ବିଶେଷ ଧ୍ୟାନ ରଖିବାକୁ ଡିଏମ ନିର୍ଦ୍ଦେଶ ଦେଇଛନ୍ତି।

ନୂଆଦିଲ୍ଲୀ: ଦୀର୍ଘ ୬ ମାସ ପରେ ଭକ୍ତଙ୍କ ପାଇଁ ଖୋଲିଲା କେଦାରନାଥ ଧାମ । ପାଲିଙ୍କି ଯାତ୍ରାରେ କେଦାରବାବାଙ୍କୁ ଅଣାଯିବା ପରେ ଆଜି ନୀତି ମୁତାବକ କେଦାରନାଥଙ୍କ ଦ୍ବାର ଫିଟିଛି। ଏହି ଅବସରରେ ସେନା ପକ୍ଷରୁ ବ୍ୟାଣ୍ଡ ପ୍ରଦର୍ଶନ ହୋଇଥିଲା। ଯାହା ଉପସ୍ଥିତ ଲୋକେ ମନୋଭରି ଉପଭୋଗ କରିଥିଲେ।

#WATCH | Uttarakhand: The portals of Kedarnath Dham opened for devotees. Kedarnath Temple Chief Priest Jagadguru Rawal Bhima Shankar Ling Shivacharya opened the portals. pic.twitter.com/WjPf2fcYdg

— ANI (@ANI) April 25, 2023

ଖବର ଅନୁଯାୟୀ, ପ୍ରବଳ ଥଣ୍ଡା କାରଣରୁ ଗତ ଅକ୍ଟୋବର ମାସରୁ ଶ୍ରଦ୍ଧାଳୁଙ୍କ ପାଇଁ ମନ୍ଦିର ବନ୍ଦ କରାଯାଇଥିଲା । ତେବେ ପଦଯାତ୍ରା ସହ ଶ୍ରଦ୍ଧାଳୁମାନେ ହେଲିକପ୍ଟରରେ ମଧ୍ୟ ଯାତ୍ରା କରିପାରିବେ । ଉତ୍ତରଖଣ୍ଡ ପର୍ଯ୍ୟଟନ ବିଭାଗ ପକ୍ଷରୁ ହେଲିକପ୍ଟର ଯୋଗେ କେଦାରନାଥଯାତ୍ରା ପାଇଁ ସ୍ବତନ୍ତ୍ର ବ୍ୟବସ୍ଥା କରାଯାଇଛି । ଏଯାଏ କେଦାରନାଥଯାତ୍ରା ପାଇଁ ପ୍ରାୟ ୩ ଲକ୍ଷ ଲୋକ ବୁକିଂ କରିଥିବା ଜଣାପଡିଛି ।