ଆଇପିଏଲ୍ (IPL) ୨୦୨୬ରେ ନିଜର ବିସ୍ଫୋରକ ବ୍ୟାଟିଂରେ ସମସ୍ତଙ୍କ ଧ୍ୟାନ ଆକର୍ଷଣ କରିଥିବା ୧୫ ବର୍ଷୀୟ ଯୁବ କ୍ରିକେଟର ବୈଭବ ସୂର୍ଯ୍ୟବଂଶୀ ଖୁବ୍‌ଶୀଘ୍ର ଟିମ୍ ଇଣ୍ଡିଆ ପାଇଁ ଡେବ୍ୟୁ କରିବା ନେଇ ଚର୍ଚ୍ଚା ଜୋର ଧରିଛି। ଗଣମାଧ୍ୟମ ରିପୋର୍ଟ ଅନୁଯାୟୀ, ଆସନ୍ତା ଜୁନ୍ ମାସରେ ହେବାକୁ ଥିବା ଆୟର୍ଲାଣ୍ଡ ଗସ୍ତ ପାଇଁ ତାଙ୍କୁ ଭାରତୀୟ ଟି-୨୦ ଦଳରେ ସାମିଲ କରାଯାଇପାରେ। ତେବେ ତାଙ୍କର ଏହି ସମ୍ଭାବ୍ୟ ଡେବ୍ୟୁକୁ ନେଇ କ୍ରିକେଟ୍ ପ୍ରଶଂସକ ଏବଂ ବିଶେଷଜ୍ଞମାନଙ୍କ ମଧ୍ୟରେ ଗୋଟିଏ ବଡ଼ ପ୍ରଶ୍ନ ଉଠୁଛି - ମାତ୍ର ୧୫ ବର୍ଷ ବୟସରେ ଜାତୀୟ ଦଳରେ ସୁଯୋଗ ଦେବା କ'ଣ ସଠିକ୍ ସମୟ?

ସଚିନଙ୍କ ରେକର୍ଡ ଭାଙ୍ଗିବା ଦିଗରେ ବୈଭବ

ଯଦି ବୈଭବଙ୍କୁ ଆୟର୍ଲାଣ୍ଡ ବିପକ୍ଷ ସିରିଜରେ ଖେଳିବାକୁ ସୁଯୋଗ ମିଳେ, ତେବେ ସେ ଭାରତୀୟ କ୍ରିକେଟ୍ ଇତିହାସରେ ସବୁଠାରୁ କମ୍ ବୟସ୍କ ଖେଳାଳି ଭାବରେ ଡେବ୍ୟୁ କରିବାର ଗୌରବ ଅର୍ଜନ କରିବେ। ବର୍ତ୍ତମାନ ଏହି ରେକର୍ଡ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କ ନାମରେ ରହିଛି, ଯିଏ ୧୬ ବର୍ଷ ୨୦୫ ଦିନ ବୟସରେ ପାକିସ୍ତାନ ବିପକ୍ଷରେ ଡେବ୍ୟୁ କରିଥିଲେ। ମହିଳା ଏବଂ ପୁରୁଷ ଉଭୟ ବିଭାଗକୁ ମିଶାଇ ଦେଖିଲେ ମଧ୍ୟ ସେ ଶେଫାଳି ବର୍ମା (୧୫ ବର୍ଷ ୭ ମାସ)ଙ୍କ ରେକର୍ଡକୁ ଅତିକ୍ରମ କରିପାରିବେ।

ଆଇପିଏଲ୍ ୨୦୨୬ରେ ଧମାକାଦାର ପ୍ରଦର୍ଶନ

ଚଳିତ ଆଇପିଏଲ୍ ସିଜିନରେ ରାଜସ୍ଥାନ ରୟାଲ୍ସ ପକ୍ଷରୁ ଖେଳୁଥିବା ବୈଭବ ଏପର୍ଯ୍ୟନ୍ତ ଖେଳିଥିବା ୫ଟି ମ୍ୟାଚରୁ ୨୬୩.୧୫ ଷ୍ଟ୍ରାଇକ୍ ରେଟ୍ ସହ ମୋଟ ୨୦୦ ରନ୍ ସଂଗ୍ରହ କରିଛନ୍ତି। ଆରସିବି, ସିଏସକେ ଏବଂ ମୁମ୍ବାଇ ଇଣ୍ଡିଆନ୍ସ ଭଳି ବଡ଼ ବଡ଼ ଦଳ ବିପକ୍ଷରେ ସେ ବିସ୍ଫୋରକ ଅର୍ଦ୍ଧଶତକୀୟ ଇନିଂସ ଖେଳି ନିଜର ଦକ୍ଷତା ପ୍ରମାଣିତ କରିଛନ୍ତି। ଯଦିଓ ସନରାଇଜର୍ସ ହାଇଦ୍ରାବାଦ ବିପକ୍ଷ ଶେଷ ମ୍ୟାଚରେ ସେ ପ୍ରଥମ ବଲରେ ହିଁ 'ଗୋଲ୍ଡେନ୍ ଡକ୍'ର ଶିକାର ହୋଇଥିଲେ, ତଥାପି ତାଙ୍କର ସାମଗ୍ରିକ ଫର୍ମକୁ ନେଇ ଚୟନକର୍ତ୍ତାମାନେ ବେଶ୍ ପ୍ରଭାବିତ ଅଛନ୍ତି।

ଡେବ୍ୟୁ ପାଇଁ ଏହା କ'ଣ ସଠିକ୍ ସମୟ?

ଅଜିତ ଅଗରକରଙ୍କ ନେତୃତ୍ୱାଧୀନ ବିସିସିଆଇ (BCCI) ଚୟନ କମିଟି ଯୁବ ଖେଳାଳିଙ୍କୁ ଅନ୍ତର୍ଜାତୀୟ ସ୍ତରରେ ପରୀକ୍ଷା କରିବା ପାଇଁ ଆଗ୍ରହୀ ଥିବା ଜଣାପଡିଛି। ତେବେ ୧୫ ବର୍ଷୀୟ ଯୁବକଙ୍କୁ ଏତେ ଶୀଘ୍ର ଜାତୀୟ ଦଳକୁ ଆଣିବା ନେଇ କିଛି ମହଲରେ ଦ୍ୱନ୍ଦ୍ୱ ରହିଛି। ଅନେକଙ୍କ ମତରେ ତାଙ୍କୁ ଆହୁରି କିଛି ଘରୋଇ କ୍ରିକେଟ୍ ମ୍ୟାଚ୍ ଖେଳିବାକୁ ଦେଇ ପରିପକ୍ୱ ହେବାର ସୁଯୋଗ ଦିଆଯିବା ଉଚିତ୍। ଅପରପକ୍ଷରେ କିଛି ବିଶେଷଜ୍ଞ ବିଶ୍ୱାସ କରନ୍ତି ଯେ, ବୈଭବଙ୍କ ଭଳି ଅସାଧାରଣ ପ୍ରତିଭାଙ୍କୁ ଉପଯୁକ୍ତ ସମୟରେ ଉଚ୍ଚସ୍ତରୀୟ ସୁଯୋଗ ମିଳିଲେ ସେ ଭବିଷ୍ୟତର ସୁପରଷ୍ଟାର ହୋଇପାରିବେ। ଆୟର୍ଲାଣ୍ଡ ପରି ଅପେକ୍ଷାକୃତ ଦୁର୍ବଳ ଦଳ ବିପକ୍ଷରେ ଡେବ୍ୟୁ କରିବା ତାଙ୍କ ଆତ୍ମବିଶ୍ୱାସ ବଢ଼ାଇବାରେ ସାହାଯ୍ୟ କରିବ ବୋଲି ଆଶା କରାଯାଉଛି。

ମୁମ୍ବାଇ: ବିବାହ ବନ୍ଧନରେ ବାନ୍ଧି ହେଲେ ଅର୍ଜୁନ ତେନ୍ଦୁଲକର । ମୁମ୍ବାଇରେ କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକରଙ୍କ ପୁଅ ଅର୍ଜୁନ ତେନ୍ଦୁଲକର ଏବଂ ସାନିଆ ଚାନ୍ଦୋକଙ୍କ ବିବାହ ବେଶ୍ ଧୁମଧାମରେ ସମ୍ପନ୍ନ ହୋଇଛି। ମାର୍ଚ୍ଚ ୫ ତାରିଖ (ଗୁରୁବାର) ଦିନ ଦକ୍ଷିଣ ମୁମ୍ବାଇର ଏକ ଘରୋଇ ସ୍ଥାନରେ ଆୟୋଜିତ ଏହି ଭବ୍ୟ ସମାରୋହରେ କ୍ରିକେଟ, ବ୍ୟବସାୟ ଏବଂ ମନୋରଞ୍ଜନ ଜଗତର ବହୁ ବିଶିଷ୍ଟ ବ୍ୟକ୍ତି ଯୋଗ ଦେଇ ନବଦମ୍ପତିଙ୍କୁ ଆଶୀର୍ବାଦ ପ୍ରଦାନ କରିଛନ୍ତି। ଗତ ବର୍ଷ ଅଗଷ୍ଟ ୨୫ରେ ଏହି ଯୋଡିଙ୍କ ନିର୍ବନ୍ଧ ହୋଇଥିଲା ଏବଂ ବିବାହ ପୂର୍ବରୁ ଜାମନଗର ଓ ମୁମ୍ବାଇରେ ବିଭିନ୍ନ ଉତ୍ସବର ଆୟୋଜନ କରାଯାଇଥିଲା।

ତେନ୍ଦୁଲକର ପରିବାରର ଏହି ଖୁସିରେ ସାମିଲ ହେବା ପାଇଁ କ୍ରିକେଟ ଜଗତର ବହୁ ମହାରଥୀ ଏକାଠି ହୋଇଥିଲେ। ପୂର୍ବତନ ଅଧିନାୟକ ମହେନ୍ଦ୍ର ସିଂ ଧୋନି ନିଜ ପତ୍ନୀ ସାକ୍ଷୀଙ୍କ ସହ ଏବଂ ଭାରତୀୟ ଦଳର ମୁଖ୍ୟ କୋଚ୍ ଗୌତମ ଗମ୍ଭୀର ପତ୍ନୀ ନତାଶାଙ୍କ ସହ ବିବାହ ଉତ୍ସବରେ ପହଞ୍ଚିଥିଲେ। ଟି-୨୦ ବିଶ୍ୱକପ୍ ସେମିଫାଇନାଲ ପୂର୍ବରୁ ଗମ୍ଭୀର ଏହି ସମାରୋହରେ ଯୋଗ ଦେଇଥିଲେ। ଏହା ବ୍ୟତୀତ ସୁନୀଲ ଗାଭାସ୍କର, ରାହୁଲ ଦ୍ରାବିଡ, ଅନିଲ କୁମ୍ବଲେ, ରବି ଶାସ୍ତ୍ରୀ, ଯୁବରାଜ ସିଂ, ବୀରେନ୍ଦ୍ର ସେହ୍ୱାଗ, ସୁରେଶ ରାଇନା, ଜାହିର ଖାନ୍‌ ଏବଂ ହରଭଜନ ସିଂଙ୍କ ଭଳି ବହୁ କିମ୍ବଦନ୍ତୀ ଖେଳାଳି ଉପସ୍ଥିତ ଥିଲେ। ଆଇସିସି ଅଧ୍ୟକ୍ଷ ଜୟ ଶାହ ଏବଂ ମୁଖ୍ୟ ଚୟନକର୍ତ୍ତା ଅଜିତ ଅଗରକର ମଧ୍ୟ ଏହି ଅବସରରେ ଉପସ୍ଥିତ ରହିଥିଲେ।

କେବଳ କ୍ରିକେଟର ନୁହଁନ୍ତି, ବଲିଉଡ ଏବଂ ବ୍ୟବସାୟ ଜଗତର ବହୁ ନାମୀଦାମୀ ବ୍ୟକ୍ତିତ୍ୱ ମଧ୍ୟ ଏହି ବିବାହରେ ସାମିଲ ହୋଇଥିଲେ। ଅଭିନେତା ଅଭିଷେକ ବଚ୍ଚନ ଏବଂ ଐଶ୍ୱର୍ଯ୍ୟା ରାୟ ବଚ୍ଚନ ପରିବାର ସହ ଏହି ଉତ୍ସବରେ ଯୋଗ ଦେଇଥିଲେ। ବିଶିଷ୍ଟ ଶିଳ୍ପପତି ମୁକେଶ ଅମ୍ବାନୀ ଏବଂ ନୀତା ଅମ୍ବାନୀ ମଧ୍ୟ ତେନ୍ଦୁଲକର ପରିବାରର ଏହି ଉତ୍ସବରେ ପ୍ରମୁଖ ଭୂମିକା ଗ୍ରହଣ କରିଥିଲେ। ଉଲ୍ଲେଖଯୋଗ୍ୟ ଯେ, ବିବାହ ପୂର୍ବରୁ ଅମ୍ବାନୀ ପରିବାର ପକ୍ଷରୁ ଜାମନଗରରେ ଏକ ସ୍ୱତନ୍ତ୍ର ସମାରୋହର ଆୟୋଜନ କରାଯାଇଥିଲା।

ସାନିଆ ଚାନ୍ଦୋକ ମୁମ୍ବାଇର ପ୍ରତିଷ୍ଠିତ 'ଘାଇ' ପରିବାର ସହ ଜଡିତ । ସାନିଆ ଚାନ୍ଦୋକ୍ ହେଉଛନ୍ତି ମୁମ୍ବାଇର ଜଣାଶୁଣା ବ୍ୟବସାୟୀ ତଥା ଗ୍ରାଭିସ୍ ଗ୍ରୁପର ଅଧ୍ୟକ୍ଷ ରବି ଚାନ୍ଦୋକ୍‌ଙ୍କ ନାତୁଣୀ । ଗ୍ରାଭିସ୍ ଗ୍ରୁପ ହୋଟେଲ, ଆଇସକ୍ରିମ୍‌ ଓ ଅନ୍ୟ କେତେକ ଖାଦ୍ୟ ବ୍ୟବସାୟରେ ଏକ ଜଣାଶୁଣା ନାମ । ନିଜେ ସାନିଆ ଲଣ୍ଡନ ସ୍କୁଲ ଅଫ ଇକୋନୋମିକ୍ସରେ ପାଠ ପଢିବା ସହ ଭେଟନାରି ଟେକନିସିଆନ୍ ଡିପ୍ଲୋମା ମଧ୍ୟ ହାସଲ କରିଛନ୍ତି । ସାନିଆ ମୁମ୍ବାଇରେ 'ମିଷ୍ଟର ପାଜ୍' (Mr Paws) ନାମକ ଏକ ପେଟ୍ ସ୍ପା (Pet Spa) ପରିଚାଳନା କରନ୍ତି। 

ରାଜକୋଟ: ଟିମ୍ ଇଣ୍ଡିଆର ତାରକା ବ୍ୟାଟର ବିରାଟ କୋହଲି ପୁଣି ଏକ ବଡ଼ ରେକର୍ଡ ନିଜ ନାମରେ କରିଛନ୍ତି। ବୁଧବାର ନ୍ୟୁଜିଲ୍ୟାଣ୍ଡ ବିପକ୍ଷ ଦ୍ୱିତୀୟ ଦିନିକିଆ ମ୍ୟାଚ୍‌ରେ ସେ କିମ୍ବଦନ୍ତୀ କ୍ରିକେଟର ସଚିନ ତେନ୍ଦୁଲକରଙ୍କ ଏକ ପୁରୁଣା ରେକର୍ଡ ଭାଙ୍ଗିଛନ୍ତି। ନ୍ୟୁଜିଲ୍ୟାଣ୍ଡ ବିପକ୍ଷ ଦିନିକିଆ (ODI) ଫର୍ମାଟରେ ଭାରତ ପକ୍ଷରୁ ସର୍ବାଧିକ ରନ୍ ସଂଗ୍ରହକାରୀ ହେବାର ଗୌରବ ହାସଲ କରିଛନ୍ତି କୋହଲି।

ଭଦୋଦରାରେ ଖେଳାଯାଇଥିବା ସିରିଜ୍‌ର ପ୍ରଥମ ମ୍ୟାଚ୍‌ରେ ୯୩ ରନ୍ ସ୍କୋର କରି କୋହଲି ସଚିନଙ୍କ ରନ୍ ସଂଖ୍ୟା ସହ ସମକକ୍ଷ ହୋଇଥିଲେ। ଦ୍ୱିତୀୟ ମ୍ୟାଚ୍‌ରେ ସାମ୍ନା କରିଥିବା ପ୍ରଥମ ବଲ୍‌ରେ ହିଁ ଏକ ଚୌକା ମାରି ସେ ସଚିନଙ୍କୁ ପଛରେ ପକାଇଥିଲେ। ବର୍ତ୍ତମାନ ନ୍ୟୁଜିଲ୍ୟାଣ୍ଡ ବିପକ୍ଷରେ କୋହଲିଙ୍କ ମୋଟ ରନ୍ ସଂଖ୍ୟା ୧,୭୭୩ରେ ପହଞ୍ଚିଛି, ଯେଉଁଠାରେ ସଚିନଙ୍କ ନାମରେ ୧,୭୫୦ ରନ୍ ରହିଥିଲା। ତେବେ ସାମଗ୍ରିକ ଭାବେ ଏହି ତାଲିକାରେ ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ୧,୯୭୧ ରନ୍ ସହ ଶୀର୍ଷ ସ୍ଥାନରେ ରହିଛନ୍ତି।

ଏହି ମ୍ୟାଚ୍‌ରେ କୋହଲି ୨୩ ରନ୍ ସଂଗ୍ରହ କରିଥିଲେ। ନ୍ୟୁଜିଲ୍ୟାଣ୍ଡର ଦ୍ରୁତ ବୋଲର କ୍ରିଷ୍ଟିଆନ୍ କ୍ଲାର୍କଙ୍କ ବଲ୍‌କୁ ଖେଳିବାକୁ ଯାଇ ସେ ବୋଲ୍ଡ ହୋଇଥିଲେ। ମ୍ୟାଚ୍ ଆରମ୍ଭରେ ନ୍ୟୁଜିଲ୍ୟାଣ୍ଡ ଅଧିନାୟକ ମାଇକେଲ ବ୍ରାସୱେଲ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲେ। ସୂଚନାଯୋଗ୍ୟ ଯେ, ଭାରତ ପ୍ରଥମ ମ୍ୟାଚ୍ ଜିତି ତିନି ମ୍ୟାଚ୍ ବିଶିଷ୍ଟ ଏହି ସିରିଜ୍‌ରେ ୧-୦ ରେ ଆଗୁଆ ରହିଛି। ସିରିଜ୍‌ର ଅନ୍ତିମ ମ୍ୟାଚ୍ ରବିବାର ଇନ୍ଦୋରରେ ଖେଳାଯିବ।

ମୁମ୍ବାଇ : ବର୍ତ୍ତମାନ ବିଶ୍ୱ କ୍ରିକେଟରେ ଜଣେ ବିପଦଜନକ ବ୍ୟାଟର ଅଛନ୍ତି ଯିଏ ଟେଷ୍ଟ କ୍ରିକେଟରେ ସଚିନ ତେନ୍ଦୁଲକରଙ୍କ ୫୧ ଶତକର ବିଶ୍ୱ ରେକର୍ଡ ଭାଙ୍ଗିବାର ସବୁଠାରୁ ବଡ଼ ଦାବିଦାର। ସାରା ବିଶ୍ୱର ବୋଲରମାନେ ଏହି ବ୍ୟାଟସମ୍ୟାନଙ୍କୁ ଭୟ କରନ୍ତି। ଏହି ବ୍ୟାଟସମ୍ୟାନଙ୍କୁ ଟେଷ୍ଟ କ୍ରିକେଟରେ ସଚିନ ତେନ୍ଦୁଲକରଙ୍କ ୫୧ ଶତକର ରେକର୍ଡ ପାଇଁ ବିପଦ ବୋଲି ବିବେଚନା କରାଯାଏ। ଏହି କ୍ରିକେଟର ଆଉ କେହି ନୁହଁନ୍ତି ବରଂ ଜୋ ରୁଟ୍, ଯିଏ ଟେଷ୍ଟ କ୍ରିକେଟର ସବୁଠାରୁ ଦକ୍ଷ ବ୍ୟାଟରଙ୍କ ମଧ୍ୟରୁ ଜଣେ। ସଚିନ ତେନ୍ଦୁଲକରଙ୍କ ନାମରେ କ୍ରିକେଟର ସମସ୍ତ ଫର୍ମାଟରେ ୧୦୦ଟି ଅନ୍ତର୍ଜାତୀୟ ଶତକ ରହିଛି।

କ୍ରିକେଟ ବିଶେଷଜ୍ଞମାନେ ଇଂଲଣ୍ଡର ଡ୍ୟାସିଂ ବ୍ୟାଟସମ୍ୟାନ ଜୋ ରୁଟଙ୍କୁ ସଚିନ ତେନ୍ଦୁଲକରଙ୍କ ଟେଷ୍ଟ ଶତକର ରେକର୍ଡ ଭାଙ୍ଗିବାର ଦାବିଦାର ବୋଲି ବିବେଚନା କରନ୍ତି। ଭାରତର ମହାନ ବ୍ୟାଟସମ୍ୟାନ୍ ସଚିନ ତେନ୍ଦୁଲକରଙ୍କୁ କ୍ରିକେଟର ଭଗବାନ କୁହାଯାଏ। ତାଙ୍କ କ୍ୟାରିୟରରେ, ସଚିନ ତେନ୍ଦୁଲକର ଦିନିକିଆରେ ୧୮,୪୨୬ ରନ ଏବଂ ଟେଷ୍ଟରେ ୧୫,୯୨୧ ରନ କରିଛନ୍ତି। ସଚିନ ତେନ୍ଦୁଲକରଙ୍କ ନାମରେ ଦିନିକିଆରେ ୪୯ଟି ଏବଂ ଟେଷ୍ଟରେ ୫୧ଟି ଶତକ ମାରିବାର ରେକର୍ଡ ଅଛି। ସେହିପରି, ଯଦି ଆମେ ଜୋ ରୁଟଙ୍କ ବିଷୟରେ କଥା ହେବା, ତେବେ ସେ ୩୪ବର୍ଷ ବୟସରେ ୩୬ଟି ଟେଷ୍ଟ ଶତକ ହାସଲ କରିଛନ୍ତି। ଅଷ୍ଟ୍ରେଲିୟ ବ୍ୟାଟସମ୍ୟାନ୍ ଷ୍ଟିଭ୍ ସ୍ମିଥ୍ ୩୬ଟି ଟେଷ୍ଟ ଶତକ ଏବଂ ନ୍ୟୁଜିଲାଣ୍ଡ ବ୍ୟାଟସମ୍ୟାନ୍ କେନ୍ ୱିଲିୟମ୍ସନ୍ ୩୩ଟି ଟେଷ୍ଟ ଶତକ ହାସଲ କରିଛନ୍ତି, କିନ୍ତୁ ସ୍ଥିରତା ଦୃଷ୍ଟିରୁ ଜୋ ରୁଟ୍ ସେମାନଙ୍କ ଉଭୟଙ୍କଠାରୁ ଆଗରେ ଅଛନ୍ତି।

ବିରାଟ ଏହି ଦୌଡ଼ରେ ବହୁତ ପଛରେ ଅଛନ୍ତି

ବିରାଟ କୋହଲିଙ୍କ ବୟସ ୩୬ ବର୍ଷ ଏବଂ ବର୍ତ୍ତମାନ ଟେଷ୍ଟ କ୍ରିକେଟରେ ତାଙ୍କର ୩୦ଟି ଶତକ ଅଛି। ଏବେ ବିରାଟ କୋହଲିଙ୍କ ପାଇଁ ଅନ୍ତର୍ଜାତୀୟ କ୍ରିକେଟରେ ସଚିନ ତେନ୍ଦୁଲକରଙ୍କ ୧୦୦ ଶତକର ବିଶ୍ୱ ରେକର୍ଡ ଭାଙ୍ଗିବା ସମ୍ଭବ ମନେ ହେଉନାହିଁ। ଇଂଲିଶ ବ୍ୟାଟସମ୍ୟାନ ଜୋ ରୁଟ୍ ବର୍ତ୍ତମାନ ଟେଷ୍ଟ କ୍ରିକେଟରେ ୩୬ ଶତକ ହାସଲ କରିଛନ୍ତି ଏବଂ ସଚିନ ତେନ୍ଦୁଲକରଙ୍କ ବିଶ୍ୱ ରେକର୍ଡ ଭାଙ୍ଗିବା ଠାରୁ ୧୬ ଶତକ ଦୂରରେ ଅଛନ୍ତି। ଜୋ ରୁଟ୍ ଏପର୍ଯ୍ୟନ୍ତ ୧୫୨ ଟେଷ୍ଟ ମ୍ୟାଚ୍ ଖେଳି ୫୦.୮୭ ହାରରେ ୧୨୯୭୨ ରନ୍ କରିଛନ୍ତି। ଜୋ ରୁଟ୍ ଏହି ସମୟ ମଧ୍ୟରେ ୩୬ ଶତକ ଏବଂ ୬୫ ଅର୍ଦ୍ଧଶତକ ହାସଲ କରିଛନ୍ତି। ବର୍ତ୍ତମାନ କ୍ରିକେଟ ଖେଳୁଥିବା କ୍ରିକେଟରମାନଙ୍କ ମଧ୍ୟରେ ଜୋ ରୁଟ୍ ସଚିନ ତେନ୍ଦୁଲକରଙ୍କ ରେକର୍ଡ ସହଜରେ ଭାଙ୍ଗି ପାରିବେ।

ଜୋ ରୁଟ୍‌ଙ୍କ ପାଖରେ ଏକ ଭଲ ସୁଯୋଗ ଅଛି

ଜୋ ରୁଟ୍‌ଙ୍କ ବୟସ ମାତ୍ର ୩୪ ବର୍ଷ ଏବଂ ଇଂଲଣ୍ଡ ଦଳ ମଧ୍ୟ ବହୁତ ଟେଷ୍ଟ କ୍ରିକେଟ୍ ଖେଳେ, ଯାହା ଫଳରେ ସେ ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିବା ପାଇଁ ଅଧିକରୁ ଅଧିକ ସୁଯୋଗ ପାଇବେ। ଜୋ ରୁଟ୍ ଟେଷ୍ଟ କ୍ରିକେଟରେ ଯେଉଁ ଗତିରେ ଶତକ ହାସଲ କରୁଛନ୍ତି ତାହାକୁ ବିଚାରକୁ ନେଲେ, ଏହି ବ୍ୟାଟସମ୍ୟାନ୍ ଆଗାମୀ ୪ ବର୍ଷ ମଧ୍ୟରେ ସଚିନ ତେନ୍ଦୁଲକରଙ୍କ ୫୧ ଶତକର ରେକର୍ଡ ଭାଙ୍ଗି ପାରିବେ। ଜୋ ରୁଟ୍ ୨୦୧୨ ମସିହାରେ ନାଗପୁରରେ ଭାରତ ବିପକ୍ଷରେ ତାଙ୍କର ଟେଷ୍ଟ କ୍ରିକେଟରେ ଡେବ୍ୟୁ କରିଥିଲେ। ସେତେବେଳେ କେହି ଭାବି ନ ଥିବେ ଯେ ଏହି ବ୍ୟାଟସମ୍ୟାନ୍ ସଚିନ ତେନ୍ଦୁଲକରଙ୍କ ଟେଷ୍ଟ ଶତକର ରେକର୍ଡ ଭାଙ୍ଗିବାର ଦାବିଦାର ହେବେ।

ଟେଷ୍ଟ କ୍ରିକେଟରେ ସର୍ବାଧିକ ଶତକ

୧. ସଚିନ ତେନ୍ଦୁଲକର (ଭାରତ) – ୫୧ ଶତକ

୨. ଜ୍ୟାକ୍ କାଲିସ୍ (ଦକ୍ଷିଣ ଆଫ୍ରିକା) – ୪୫ ଶତକ

୩. ରିକି ପଣ୍ଟିଂ (ଅଷ୍ଟ୍ରେଲିଆ) – ୪୧ ଶତକ

୪. କୁମାର ସାଙ୍ଗାକାରା (ଶ୍ରୀଲଙ୍କା) – ୩୮ ଶତକ

୫. ଜୋ ରୁଟ୍ (ଇଂଲଣ୍ଡ) – ୩୬ ଶତକ

୬. ଷ୍ଟିଭ୍ ସ୍ମିଥ୍ (ଅଷ୍ଟ୍ରେଲିଆ) – ୩୬ ଶତକ

୭. ରାହୁଲ ଦ୍ରାବିଡ (ଭାରତ) – ୩୬ ଶତକ

୮. ୟୁନିସ ଖାନ (ପାକିସ୍ତାନ) – ୩୪ ଶତକ

୯. ସୁନୀଲ ଗାଭାସ୍କର (ଭାରତ) – ୩୪ ଶତକ

୧୦. ବ୍ରାଏନ୍ ଲାରା (ୱେଷ୍ଟଇଣ୍ଡିଜ୍) – ୩୪ ଶତକ

୧୧. ମାହେଲା ଜୟବର୍ଦ୍ଧନେ (ଶ୍ରୀଲଙ୍କା) – ୩୪ ଶତକ

୧୨. କେନ୍ ୱିଲିୟମ୍ସନ୍ (ନ୍ୟୁଜିଲାଣ୍ଡ) – ୩୩ ଶତକ

୧୩. ଆଲାଷ୍ଟର କୁକ୍ (ଇଂଲଣ୍ଡ) – ୩୩ ଶତକ

୧୪. ଷ୍ଟିଭ୍ ୱା (ଅଷ୍ଟ୍ରେଲିଆ) – ୩୨ ଶତକ

୧୫. ମାଥ୍ୟୁ ହେଡେନ୍ (ଅଷ୍ଟ୍ରେଲିଆ) – ୩୦ ଶତକ

୧୬. ବିରାଟ କୋହଲି (ଭାରତ) – ୩୦ ଶତକ

ଲଣ୍ଡନ:  ଇଂଲଣ୍ଡର ମହାନ ବୋଲର ଜେମ୍ସ ଆଣ୍ଡରସନଙ୍କ ସ୍ୱର୍ଣ୍ଣିମ କ୍ୟାରିୟର ଶେଷ ହୋଇଛି । କ୍ୟାରିୟରର ଅନ୍ତିମ ଟେଷ୍ଟରେ ଏହି ମହାନ ବୋଲର ୪ଟି ୱିକେଟ ହାସଲ କରିଥିଲେ। ଓଭରାଲ ୭୦୪ ୱିକେଟ ସହ ସେ ତାଙ୍କ କ୍ୟାରିୟର ଶେଷ କରିଛନ୍ତି। ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କଠାରୁ ଆରମ୍ଭ କରି ଅନ୍ୟ ପ୍ରତିଷ୍ଠିତ ଖେଳାଳିମାନେ ତାଙ୍କ କ୍ରିକେଟ କ୍ୟାରିୟରକୁ ପ୍ରଶଂସା କରିଛନ୍ତି।

Hey Jimmy!

You've bowled the fans over with that incredible 22-year spell. Here's a little wish as you bid goodbye.

It has been a joy to watch you bowl – with that action, speed, accuracy, swing and fitness. You've inspired generations with your game.

Wish you a wonderful life… pic.twitter.com/ETp2e6qIQ1

— Sachin Tendulkar (@sachin_rt) July 12, 2024

ସଚିନ ଲେଖିଛନ୍ତି, ଜିମ୍ମି ୨୨ ବର୍ଷର କ୍ୟାରିୟରରେ ତୁମେ ସମସ୍ତଙ୍କୁ ଆଶ୍ଚର୍ଯ୍ୟଚକିତ କରିଛ । ଆକ୍ସନ, ଗତି, ସ୍ୱିଙ୍ଗ ଓ ଫିଟନେସ ସହ ତୁମକୁ ବୋଲିଂ କରୁଥିବା ଦେଖିବା ବେଳେ ଆତ୍ମ ସନ୍ତୁଷ୍ଟି ମିଳୁଥିଲା । ଆଣ୍ଡରସନ ମଧ୍ୟ ପୂର୍ବରୁ ସଚିନଙ୍କ ସର୍ବଶ୍ରେଷ୍ଠ ବ୍ୟାଟ୍ସମ୍ୟାନ ବୋଲି କହିଥିଲେ। ଆଣ୍ଡରସନ ୧୮୮ ଟେଷ୍ଟରେ ୭୦୪ ୱିକେଟ ଅକ୍ତିଆର କରିଛନ୍ତି । ୪୨ ରନରେ ୭ୱିକେଟ ତାଙ୍କର ଶ୍ରେଷ୍ଠ ପ୍ରଦର୍ଶନ । ସେ ୩୨ ଥର ୪ଟି ଏବଂ ୩୨ ଥର ୫ଟି ୱିକେଟ ହାସଲ କରିବା ଗୌରବ ଅର୍ଜନ କରିଛନ୍ତି ।

ସେହିପରି ଦିନିକିଆରେ ୧୯୪ ମ୍ୟାଚ ଖେଳି ୨୬୯ ୱିକେଟ ନେଇଛନ୍ତି । ଆନ୍ତର୍ଜାତୀୟ ଟି୨୦ରେ ୧୯ ମ୍ୟାଚରୁ ୧୮ ଏବଂ ପ୍ରଥମ ଶ୍ରେଣୀ କ୍ରିଟେରେ ୨୯୭ ମ୍ୟାଚରୁ ୧୧୨୨ ୱିକେଟ ନେଇଛନ୍ତି । ଲିଷ୍ଟ ଏରେ ୨୬୧ ମ୍ୟାଚରୁ ୩୫୮ ଓ ଟି୨୦ରେ ୪୪ ମ୍ୟାଚରୁ ୪୧ ୱିକେଟ ହାସଲ କରିଛନ୍ତି ।

ନୂଆଦିଲ୍ଲୀ: ଡିପ ଫେକ୍‌ ଭିଡିଓର ଶିକାର ହେଲେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର। ସୋସିଆଲ୍‌ ମିଡିଆରେ ଭାଇରାଲ ହେଉଥିବା ଫେକ୍‌ ଭିଡିଓକୁ ନେଇ ଚିନ୍ତା ପ୍ରକାଶ କରିଛନ୍ତି ସଚିନ ତେନ୍ଦୁଲକର।ସେଲିବ୍ରିଟିଙ୍କ ପିଛା ଛାଡ଼ୁନି ଡିପ ଫେକ୍‌ ସମସ୍ୟା। ଏଆଇ ସାହାଯ୍ୟରେ ଗତ କିଛି ମାସ ହେବ ବହୁ ସେଲିବ୍ରିଟି ଏହି ନକଲି ଭିଡିଓର ସାମ୍ନା କରିଥିବାବେଳେ ଏହି କ୍ରମରେ ଏବେ କ୍ରିକେଟର ଭଗବାନ କୁହାଯାଉଥିବା ସଚିନ ତେନ୍ଦୁଲକରଙ୍କ ଏକ ଭିଡିଓ ଭାଇରାଲ ହେବାରେ ଲାଗିଛି।

ଭାଇରାଲ୍‌ ହେଉଥିବା ଏହି ଭିଡିଓରେ ଦେଖିବାକୁ ମିଳିଛି ଯେ, ସଚିନ୍‌ ଏକ ଗେମିଂ ଆପ୍‌ ସ୍କାଏୱାର୍ଡ ଆଭିଏଟର କ୍ୱେଷ୍ଟର ପ୍ରମୋସନ କରୁଛନ୍ତି। ଆଉ ତାଙ୍କ ଝିଅ ସାରା ତେନ୍ଦୁଲକର ପ୍ରତିଦିନ କିଭଳି ଏହି ଗେମିଂ ଆପ୍‌ ଜରିଆରେ ଆର୍ଥିକ ଲାଭ ଉଠାଉଛନ୍ତି ସେନେଇ ମଧ୍ୟ କହୁଥିବା ଦେଖିବାକୁ ମିଳିଛି। ଏଆଇ ଜରିଆରେ ସଚିନଙ୍କ ଭିଡିଓକୁ ବ୍ୟବହାର କରାଯାଇ ଭିଡିଓ ଡବିଂ କରି ଏଡିଟ୍‌ କରାଯାଇଥିବା ଜଣାପଡ଼ିଛି। ଏହି ଭିଡିଓରେ ଲୋକେ ବିଭିନ୍ନ କମେଣ୍ଟ ମାନ ଦେଇଥିବା ଦେଖିବାକୁ ମିଳିଛି।

ଏହି ଡିପ ଫେକ୍‌ ଭିଡିଓ ଭାଇରାଲ ହେବା ପରେ ଏହାକୁ ନେଇ ନିଜର ପ୍ରତିକ୍ରିୟା ରଖିଛନ୍ତି ସଚିନ ତେନ୍ଦୁଲକର। ସଚିନ ନିଜର ସୋସିଆଲ ମିଡିଆ ସାଇଟ୍‌ ଏକ୍ସରେ ଲେଖିଛନ୍ତି- ଭାଇରାଲ ହେଉଥିବା ଏହି ଭିଡିଓ ଫେକ୍‌ ଅଟେ। ଟେକ୍ନୋଲୋଜିର ଅପବ୍ୟବହାର କରାଯାଉଛି। ଭାଇରାଲ ହେଉଥିବା ଏହି ଭିଡିଓ ସମ୍ପୂର୍ଣ୍ଣ ଭାବେ ଭୁଲ ଅଟେ। ତେଣୁ ସମସ୍ତଙ୍କୁ ଅନୁରୋଧ ଏହି ଆପ ଏବଂ ଏହି ଭିଡିଓର ପ୍ରଚାରକୁ ରିପୋର୍ଟ କରନ୍ତୁ। ଏବଂ ଯିଏ ଏଭଳି ଭିଡିଓ କରିଛନ୍ତି ତାଙ୍କ ବିରୋଧରେ କଡ଼ା କାର୍ଯ୍ୟାନୁଷ୍ଠାନ ନେବା ଉଚିତ୍‌।

ତେବେ ଏହା ପୂର୍ବରୁ ବଡ଼ ବଡ଼ ସେଲିବ୍ରିଟି ମାନେ ମଧ୍ୟ ଏହି ଡିପ ଫେକ୍‌ ର ଶିକାର ହୋଇଥିବା ଦେଖିବାକୁ ମିଳିଥିଲା। ନିକଟରେ ଅଭିନେତ୍ରୀ ରଶ୍ମିକା ମାନ୍ଦନାଙ୍କ ଭିଡିଓ ଭାଇରାଲ ହୋଇଥିବାବେଳେ ଏହାକୁ ନେଇ ଖୁବ୍‌ ଚର୍ଚ୍ଚା ମଧ୍ୟ ହୋଇଥିଲା। ଟିମ୍‌ ଇଣ୍ଡିଆର କ୍ରିକେଟର ଶୁଭମନ ଗିଲ୍‌, ଅଭିନେତ୍ରୀ କାଜଲ,ଆଲିଆ ଭଟ୍ଟ, କ୍ୟାଟ୍ରିନା କ୍ୟାଫ୍‌, ସାରା ତେନ୍ଦୁଲକର ଙ୍କର ମଧ୍ୟ ଡିପ ଫେକ୍‌ ଭିଡିଓ ସାମ୍ନାକୁ ଆସିଥିଲା।

ମୁମ୍ବାଇ: କ୍ରିକେଟର ଭଗବାନ ତଥା ମାଷ୍ଟରବ୍ଲାଷ୍ଟର ସଚିନ ତେନ୍ଦୁଲକରଙ୍କୁ ମିଳିଲା ଗୋଲଡେନ ଟିକେଟ୍ । କ୍ରିକେଟ ବିଶ୍ୱକପର ମ୍ୟାଚ୍ ପାଇଁ ସଚିନଙ୍କୁ ଭେଟି ଏହି ଗୋଲଡେନ ଟିକେଟ ଦେଇଛନ୍ତି ବିସିସିଆଇ ସମ୍ପାଦକ ଜୟ ଶାହା । ଭାରତରେ ବିଶ୍ୱକପ ହେଉଥିବାରୁ ଜଣାଶୁଣା ବ୍ୟକ୍ତିତ୍ୱଙ୍କୁ ଗୋଲଡେନ ଟିକେଟ ପ୍ରଦାନ କରୁଛି ବିସିସିଆଇ ।

🏏🇮🇳 An iconic moment for cricket and the nation!

As part of our “Golden Ticket for India Icons” programme, BCCI Honorary Secretary @JayShah presented the golden ticket to Bharat Ratna Shri @sachin_rt.

A symbol of cricketing excellence and national pride, Sachin Tendulkar’s… pic.twitter.com/qDdN3S1t9q

— BCCI (@BCCI) September 8, 2023

କ୍ରିକେଟ ବିଶ୍ୱକପ ପାଇଁ ବିସିସିଆଇ ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରିଛି। ଏହି ଅଭିଯାନର ନାମ ରହିଛି ‘ଗୋଲଡେନ୍ ଟିକେଟ୍ ଫର୍ ଇଣ୍ଡିଆ ଆଇକନ୍ସ ’। ପ୍ରଥମ ଗୋଲଡେନ ଟିକେଟ୍ ଶତାବ୍ଦୀର ନାୟକ ତଥା ମେଗାଷ୍ଟାର ଅମିତାଭ ବଚ୍ଚନଙ୍କୁ ପ୍ରଦାନ କରିଥିଲା ଭାରତୀୟ କ୍ରିକେଟ ବୋର୍ଡ। ଏବେ ବ୍ୟାଟିଂ କିମ୍ବଦନ୍ତୀ ତଥା ଭାରତ ରତ୍ନ ସଚିନ ତେନ୍ଦୁଲକରଙ୍କୁ ଏହି ସ୍ଵତନ୍ତ୍ର ଟିକେଟ୍ ଦିଆଯାଇଛି । ବିସିସିଆଇ ସମ୍ପାଦକ ଜୟ ଶାହା ସଚିନଙ୍କୁ ଗୋଲଡେନ ଟିକେଟ ପ୍ରଦାନ କରୁଥିବାର ଫଟୋ ଟ୍ୱିଟ୍ କରିଛି ବିସିସିଆଇ । ବିିସିସିଆଇ ଏହି ଟ୍ୱିଟ୍ କରି ଲେଖିଛି, ଦେଶ ଓ କ୍ରିକେଟ ପାଇଁ ଏହା ସ୍ମରଣୀୟ ମୁହୂର୍ତ୍ତ ।

ଅକ୍ଟୋବର ୫ ରୁ ନଭେମ୍ବର ୧୯ ପର୍ଯ୍ୟନ୍ତ ଭାରତରେ ହେବାକୁ ଥିବା ଦିନିକିଆ ବିଶ୍ୱକପ ନେଇ କ୍ରିକେଟପ୍ରେମୀଙ୍କ ମଧ୍ୟରେ ଉତ୍ସାହ ବଢ଼ିବାରେ ଲାଗିଛି । ବିଶ୍ୱକପ ପାଇଁ ବିସିସିଆଇ ଏପରି ଏକ ସ୍ୱତନ୍ତ୍ର ଅଭିଯାନ ଆରମ୍ଭ କରିଛି।

ନୂଆଦିଲ୍ଲୀ : ଚଳିତ ବର୍ଷର କ୍ରିକେଟ୍‌‌ର ସବୁଠାରୁ ବଡ଼ ଇଭେଣ୍ଟ ଆଇସିସି ଟି-୨୦ ବିଶ୍ୱକପ୍‌‌ର ୮ମ ସଂସ୍କରଣ ଗତ ରବିବାରଠାରୁ ଅଷ୍ଟ୍ରେଲିଆରେ ଆରମ୍ଭ ହୋଇଛି। ବିଶ୍ୱକପ୍‌‌ର ଚଳିତ ସଂସ୍କରଣରେ ମୋଟ୍‌‌ ୧୬ ଦଳ ଅଂଶଗ୍ରହଣ କରିଥିବା ବେଳେ ପ୍ରଥମ ଦୁଇ ଦିନରେ ବଡ଼ ବିପର୍ଯ୍ୟୟ ଦେଖିବାକୁ ମିଳୁଛି। ନୂଆ ଟିମ୍‌ ଗୁଡିକ ପୁରୁଣା ତଥା ପୂର୍ବରୁ ବିଶ୍ବକପ୍‌ ବିଜେତା ଟିମ୍‌ ଗୁଡିକୁ ଅତି ସହଜର ହରାଉଛନ୍ତି। ପ୍ରଥମ ରାଉଣ୍ଡର ଉଦଘାଟନୀ ମ୍ୟାଚରେ ନାମ୍ବିଆ ଏସିଆ କପ୍ ଚାମ୍ପିଅନ୍ ଶ୍ରୀଲଙ୍କାକୁ ୫୫ ରନରେ ହରାଇ ଦେଇଥିବା ବେଳେ ଗତକାଲି ବିଶ୍ୱକପ୍‌‌ର ୩ୟ ମ୍ୟାଚରେ ୨ଥର ଟି-୨୦ ବିଶ୍ୱକପ୍ ବିଜେତା ୱେଷ୍ଟଇଣ୍ଡିଜ୍କୁ  ୪୨ ରନରେ ମାତ ଦେଇଛି ସ୍କଟଲ୍ୟାଣ୍ଡ। ବିଶ୍ବକପ୍‌ର ଆରମ୍ଭରୁ ଏପରି ବିପର୍ଯ୍ୟୟ ଦେଖିବାକୁ ମିଳୁଥିବା ବେଳେ ପୂର୍ବତନ ଭାରତୀୟ କ୍ରିକେଟର ସଚିନ ତେନ୍ଦୁଲକର ଟି-୨୦ ବିଶ୍ୱକପ୍‌କୁ ନେଇ ବଡ଼ ଭବିଷ୍ୟବାଣୀ କରିଛନ୍ତି। ସଚିତ ଚଳିତ ବିଶ୍ୱକପ୍‌ରେ କେଉଁ ୪ଟି ଟିମ୍‌ ସେମିଫାଇନାଲ ଖେଳିବେ ତାହାକୁ ନେଇ ଭବିଷ୍ୟବାଣୀ କରିଛନ୍ତି।

ମହାନ କ୍ରିକେଟର ସଚିତ ତେନ୍ଦୁଲକର ଟି-୨୦ ବିଶ୍ୱକପ୍‌ରେ ଭାରତ-ପାକିସ୍ତାନ ମ୍ୟାଚକୁ ଟେଲିଗ୍ରାଫକୁ ଦେଇଥିବା ଏକ ସାକ୍ଷାତକାରରେ କହିଛନ୍ତି ଯେ ଭାରତ ହେଉଛି ମୋର ପ୍ରିୟ ଟିମ୍‌। ମୋର ହୃଦୟ ଭାରତ ସହିତ ଅଛି ଏବଂ ମୁଁ ସର୍ବଦା ଭାରତ ଜିତିବାକୁ ଚାହେଁ। ମୁଁ ବିଶ୍ୱାସ କରେ ଯେ ଭାରତ ଟିମ୍‌ ବର୍ତ୍ତମାନ ପରିସ୍ଥିତିରେ ବହୂତ ଭଲ ସ୍ଥିତିରେରହିଛି। ଆମ ପାଖରେ ପ୍ରତିଭାବାନ୍‌ ବ୍ୟାଟ୍‌ର ଓ ବୋଲର ରହିଛନ୍ତି। ଆମର କ୍ଷମତା ରହିଛି ଆଉ ଆମେ ଏହି କ୍ଷମତାର ସଠିକ ବିନିଯୋଗ କରିବା ମଧ୍ୟ ଉଚିତ। ସଚିନ ଆହୁରି ମଧ୍ୟ କହିଛନ୍ତି ଭାରତ ପାକିସ୍ତାନ ମଧ୍ୟରେ ଟି-୨୦ ବିଶ୍ୱକପ୍‌ ହେଉଥିବା ମ୍ୟାଚରେ ଭାରତ ବିଜୟୀ ହେବ ବୋଲି ମୁଁ ନିଶ୍ଚିତ।

ଟି-୨୦ ବିଶ୍ୱକପ୍‌ର ୪ ସେମିଫାଇନାଲିଷ୍ଟ

୪୯ ବର୍ଷୀୟ ସଚିନ୍ ତେନ୍ଦୁଲକର କହିଛନ୍ତି, ‘ମୁଁ ନିଶ୍ଚିତ ଭାବେ ଭାରତ ଚାମ୍ପିୟନ ହେବାକୁ ଚାହେଁ କିନ୍ତୁ ମୋ ପାଇଁ ସେମିଫାଇନାଲରେ ପହଞ୍ଚିବାକୁ ଥିବା ୪ ଶ୍ରେଷ୍ଠ ଟିମ୍‌ ମଧ୍ୟରେ ଯେଉଁମାନେ ରହିବେ ସେମାନେ ହେଲେ ଭାରତ, ପାକିସ୍ତାନ, ଅଷ୍ଟ୍ରେଲିଆ ଏବଂ ଇଂଲଣ୍ଡ। ଦକ୍ଷିଣ ଆଫ୍ରିକା ଓ ନ୍ୟୁଜିଲ୍ୟାଣ୍ଡ ମଧ୍ୟ ଭଲ ପ୍ରଦର୍ଶନ କରିପାରିବେ ବୋଲି ଆଶା ରହିଛି। ଚଳିତ ଟି-୨୦ ବିଶ୍ବକପ୍‌ରେ ଭାରତ ପାଖରେ ବହୁତ ଭଲ ସୁଯୋଗ ଅଛି। ଯଦି ଟିମ୍‌ ଇଣ୍ଡିଆ ସନ୍ତୁଳିତ ପଦର୍ଶନ କରିବ ତେବେ ନିଶ୍ଚିତ ଚାମ୍ପିୟନ ହେବ। ମୁଁ ଟିମ୍‌ ଇଣ୍ଡିଆ ପାଇଁ ବହୁତ ଆଶାବାଦୀ ବୋଲି ସଚିନ୍ ତେନ୍ଦୁଲକର କହିଛନ୍ତି।

ବିଶ୍ୱକପ୍‌‌ର ଚଳିତ ସଂସ୍କରଣରେ ମୋଟ୍‌‌ ୧୬ ଦଳ ଅଂଶଗ୍ରହଣ କରିଛନ୍ତି । ରବିବାରଠାରୁ ଯୋଗ୍ୟତା ପର୍ଯ୍ୟାୟ ତଥା ପ୍ରଥମ ରାଉଣ୍ଡ ଆରମ୍ଭ ହୋଇଛି।  ଏଥିରେ ବିଶ୍ୱକପ୍‌‌ର ମୁଖ୍ୟ ପର୍ଯ୍ୟାୟ ତଥା ସୁପର୍‌‌-୧୨’କୁ ସିଧାସଳଖ ଯୋଗ୍ୟତା ଅର୍ଜନ କରିପାରି ନ ଥିବା ୮ ଗୋଟି ଦଳ ରହିଛନ୍ତି। ଗ୍ରୁପ୍‌‌-ଏ’ରେ ପୂର୍ବତନ ଚାମ୍ପିଅନ୍‌‌ ଶ୍ରୀଲଙ୍କା ସହ ନାମ୍ବିଆ, ନେଦରଲାଣ୍ଡ୍‌‌ସ ଓ ୟୁଏଇ ରହିଛି। ସେହିଭଳି ଗ୍ରୁପ୍‌‌-ବି’ରେ ଜିମ୍ବାୱେ, ସ୍କଟଲାଣ୍ଡ, ଆୟର୍ଲାଣ୍ଡ ସହ ୨ଥରର ଚାମ୍ପିଅନ ୱେଷ୍ଟଇଣ୍ଡିଜ ସ୍ଥାନ ପାଇଛି। ଅକ୍ଟୋବର ୨୧ ପର୍ଯ୍ୟନ୍ତ ଯୋଗ୍ୟତା ପର୍ଯ୍ୟାୟ ମ୍ୟାଚ୍‌‌ ଖେଳାଯିବ।

ଏଥିରେ ଉଭୟ ଗ୍ରୁପ୍‌‌ର ଦୁଇଟି ଲେଖାଏ ଶ୍ରେଷ୍ଠ ଦଳ ଟୁର୍ଣ୍ଣାମେଣ୍ଟର ମୁଖ୍ୟ ପର୍ଯ୍ୟାୟ ତଥା ସୁପର୍‌‌-୧୨’କୁ ଯୋଗ୍ୟତା ଅର୍ଜନ କରିବେ। ପୂର୍ବରୁ ୮ ଗୋଟି ଦଳ ସିଧାସଳଖ ସୁପର୍‌‌-୧୨କୁ ଯୋଗ୍ୟତା ଅର୍ଜନ କରିଛନ୍ତି। ଗ୍ରୁପ୍‌‌-୧’ରେ ଅଷ୍ଟ୍ରେଲିଆ, ନ୍ୟୁଜିଲାଣ୍ଡ, ଇଂଲଣ୍ଡ ଓ ଆଫଗାନିସ୍ତାନ ଏବଂ ଗ୍ରୁପ୍‌‌-୨’ରେ ଭାରତ, ପାକିସ୍ତାନ, ଦକ୍ଷିଣ ଆଫ୍ରିକା ଓ ବାଂଲାଦେଶ ସ୍ଥାନ ପାଇଛନ୍ତି। ଅକ୍ଟୋବର ୨୨ରୁ ସୁପର୍‌‌-୧୨ ଆରମ୍ଭ ହେବ। ଗତ ସଂସ୍କରଣର ଦୁଇ ଫାଇନାଲିଷ୍ଟ ଚାମ୍ପିଅନ୍‌‌ ଅଷ୍ଟ୍ରେଲିଆ ଓ ନ୍ୟୁଜିଲାଣ୍ଡ ପ୍ରଥମ ମ୍ୟାଚରେ ସାମ୍ନାସାମ୍ନି ହେବ।ସେହିଦିନ ଅନ୍ୟ ଏକ ମ୍ୟାଚରେ ଆଫଗାନିସ୍ତାନକୁ ଭେଟିବ ଇଂଲଣ୍ଡ। ସେହିଭଳି ଏହାପରଦିନ ଚିରପ୍ରତିଦ୍ୱନ୍ଦ୍ୱୀ ପାକିସ୍ତାନ ବିପକ୍ଷରେ ଖେଳି ରୋହିତ୍‌‌ ଶର୍ମାଙ୍କ ନେତୃତ୍ୱାଧିନ ଭାରତ ବିଶ୍ୱକପ୍‌‌ରେ ଅଭିଯାନ ଆରମ୍ଭ କରିବ। ନଭେମ୍ବର ୯ ଓ ୧୦ରେ ଦୁଇଟି ଯାକ ସେମିଫାଇନାଲ ଏବଂ ୧୩ରେ ମେଲବୋର୍ଣ୍ଣରେ ଗ୍ରାଣ୍ଡଫାଇନାଲ ଖେଳାଯିବ।

ୱାର୍ମ ଅପ୍ ମ୍ୟାଛ୍‌ରେ ଭାରତର ଦମ୍‌ଦାର ପଦର୍ଶନ 

ଗତକାଲି ବ୍ରିସବେନରେ ଖେଳାଯାଇଥିବା ୱାର୍ମ ଅପ୍ ମ୍ୟାଚରେ ଭାରତୀୟ ଦଳ ଅଷ୍ଟ୍ରେଲିଆକୁ ପରାସ୍ତ କରିଛି। ମହମ୍ମଦ୍‌‌ ସାମିଙ୍କ ଚମତ୍କାର ଶେଷ ଓଭର ବୋଲିଂ ବଳରେ ଅଷ୍ଟ୍ରେଲିଆ ବିପକ୍ଷ ଟି-୨୦ ବିଶ୍ୱକପ୍‌‌ ଅଭ୍ୟାସ ମ୍ୟାଚ୍‌‌ରେ ଭାରତ ୬ ରନ୍‌ରେ ନାଟକୀୟ ବିଜୟ ହାସଲ କରିଛି। ଏହି ବିଜୟ ପରେ ସାମିଙ୍କ ଫିଟନେସ୍‌‌ ଓ ଫର୍ମକୁ ନେଇ ଯେଉଁ ଆଶଙ୍କା ରହିଥିଲା ତାହା ଦୂରୀଭୂତ ହୋଇଛି। ଏହି ବିଜୟ ଫଳରେ ବିଶ୍ୱକପ୍‌‌ ଲଢ଼େଇ ଲାଗି ଭାରତ ପ୍ରସ୍ତୁତ ହୋଇଯାଇଛି। ବିଜୟୀ ଦଳ ତାହାର ଦ୍ୱିତୀୟ ତଥା ଶେଷ ଅଭ୍ୟାସ ମ୍ୟାଚ୍‌‌ ନ୍ୟୁଜିଲାଣ୍ଡ ସହ ବୁଧବାର ଖେଳିବ।

କରିଥିଲା। ଦଳ ପକ୍ଷରୁ ଓପନର ଲୋକେଶ ରାହୁଲ ୩୩ ବଲ୍‌‌ରେ ୫୭ ଓ ମିଡଲ ଅର୍ଡର ବ୍ୟାଟର ସୂର୍ଯ୍ୟକୁମାର ଯାଦବ ୩୩ ବଲ୍‌‌ରେ ୫୦ ରନ୍‌‌ କରିବା ଫଳରେ ଭାରତ ୭ ୱିକେଟରେ ୧୮୬ ରନ୍‌‌ର ବଡ଼ ସ୍କୋର କରିଥିଲା। ଜବାବରେ ଅଧିନାୟକ ଆରୋନ ଫିଞ୍ଚ୍‌‌ ୫୪ ବଲ୍‌‌ରେ ୭୬ ରନ୍‌‌ କରିବା ଫଳରେ ଅଷ୍ଟ୍ରେଲିଆ ସହଜରେ ବିଜୟ ଅମିମୁଖେ ଅଗ୍ରସର ହୋଇଥିଲା। ଫିଞ୍ଚ୍‌‌ ୭୬ ଓ ଟିମ୍‌‌ ଡେଭିଡ୍‌‌ ୫ ରନ୍‌‌ରେ ବ୍ୟାଟିଂ କରୁଥିଲାବେଳେ ୧୮ ଓଭର ଖେଳ ଶେଷ ବେଳକୁ ଅଷ୍ଟ୍ରେଲିଆ ୪ ୱିକେଟରେ ୧୭୧ ରନ୍‌‌ କରି ସହଜ ସ୍ଥିତିରେ ରହିଥିଲା। ଦଳକୁ ମ୍ୟାଚ୍‌‌ ଜିତିବାକୁ ବାକିଥିବା ଦୁଇ ଓଭର ଅର୍ଥାତ ଶେଷ ୧୨ଟି ବଲ୍‌‌ରେ ୧୬ ରନ୍‌‌ ଆବଶ୍ୟକ ଥିଲା। ଏହି ସମୟରେ ୧୯ତମ ଓଭର ବୋଲିଂ କରିବାକୁ ଆସିଥିଲେ ହର୍ଷଲ ପଟେଲ। ପୂର୍ବରୁ ଅଧିକ ରନ୍‌‌ ବ୍ୟୟ କରିଥିବା ହର୍ଷଲ ୧୯ତମ ଓଭରର ପ୍ରଥମ ବଲ୍‌‌ରେ ଫିଞ୍ଚ୍‌‌ଙ୍କୁ ବୋଲ୍ଡ କରି ବଡ଼ ସଫଳତା ପାଇଥିଲେ। ଦ୍ୱିତୀୟ ବଲରେ ଡେଭିଡ ରନ୍‌‌ ଆଉଟ ହୋଇଯାଇଥିଲେ। ଏହି ଓଭରର ଶେଷ ୪ଟି ବଲ୍‌‌ରେ ପ୍ୟାଟ କମିନ୍ସ ଓ ଜୋଶ ଇଂଲିଶ ୫ ରନ୍‌‌ ନେଇଥିଲେ। ହର୍ଷଲଙ୍କୁ ଆଶ୍ୱସ୍ତି ମିଳିଥିଲାବେଳେ ଶେଷ ଓଭରରେ ମ୍ୟାଚ୍‌‌ ଜିତିବାକୁ ୧୧ ରନ୍‌‌ ଦରକାର ଥିଲା।

ଅଭ୍ୟାସ ମ୍ୟାଚ୍‌‌ ହୋଇଥିବାରୁ ୨୦ତମ ଓଭରକୁ ବୋଲିଂ କରିବା ଲାଗି ମହମ୍ମଦ୍‌‌ ସାମିଙ୍କୁ ସୁଯୋଗ ଦିଆଯାଇଥିଲା। ଗତ ଜୁଲାଇରେ ଶେଷ ପ୍ରତିଯୋଗିତାମୂଳକ ମ୍ୟାଚ୍‌‌ ଖେଳିଥିବା ଏବଂ ବିଶ୍ୱକପ୍‌‌ ଲାଗି ଷ୍ଟାଣ୍ଡବାଇ ଖେଳାଳି ଭାବେ ମନୋନୀତ ହେବା ପରେ କୋଭିଡ୍‌‌ରେ ଆକ୍ରାନ୍ତ ହୋଇ ସାମି ଦୁର୍ବଳ ହୋଇ ପଡ଼ିଥିଲେ। ଏଠାରେ ତାଙ୍କୁ ଟେଷ୍ଟ କରିବାକୁ ସୁଯୋଗ ମିଳିଲା। ପ୍ରଥମ ଦୁଇଟି ବଲ୍‌‌ରେ କମିନ୍ସ ତାଙ୍କୁ ୨ ରନ୍‌‌ ଲେଖାଏଁ ୪ ରନ୍‌‌ ନେଇଥିଲେ। ଏହା ପରେ ଆରମ୍ଭ ହୋଇଥିଲା ସାମିଙ୍କ ଯାଦୁ। ତୃତୀୟ ବଲ୍‌‌ରେ ସେ ପ୍ୟାଟ କମିନ୍ସଙ୍କୁ କ୍ୟାଚ୍‌‌ ଆଉଟ କରାଇଥିଲେ। କମିନ୍ସ ଲଙ୍ଗ ଅନ୍‌‌ ଅଞ୍ଚଳକୁ ବିରାଟ ସଟ୍‌‌ ମାରିଥିଲେ ମଧ୍ୟ ଠିକ୍‌‌ ବାଉଣ୍ଡରୀ ଲାଇନ୍‌‌ରେ ଫିଲ୍ଡିଂ କରୁଥିବା ବିରାଟ କୋହଲି ଗୋଟିଏ ହାତରେ କ୍ୟାଚ୍‌‌ ଧରି ନେଇଥିଲେ। ଏହାର ପୂର୍ବ ଓଭରରେ କୋହଲିଙ୍କ ଡାଇରେକ୍ଟ ଥ୍ରୋ’ରେ ଡେଭିଡ୍‌‌ ରନ୍‌‌ ଆଉଟ ହୋଇଥିଲେ। ତାଙ୍କ ଫିଲ୍ଡିଂ ବେଶ ଉଚ୍ଚକୋଟୀର ହୋଇଥିଲା। ଶେଷ ଓଭରର ଚତୁର୍ଥ ବଲ୍‌‌ରେ ବ୍ୟାଟର ଆଷ୍ଟନ ଅଗର ସଟ୍‌‌ ମିସ୍‌‌ କରିଥିଲେ ମଧ୍ୟ ରନ୍‌‌ ନେବାକୁ ଦୌଡ଼ିଥିଲେ। ୱିକେଟ କିପର ଦିନେଶ କାର୍ତ୍ତିକଙ୍କ ସ୍ମାର୍ଟ ଥ୍ରୋ’କୁ ସଂଗ୍ରହ କରି ସାମି ଅଗରଙ୍କୁ ରନ୍‌‌ ଆଉଟ କରିବାରେ କୌଣସି ତ୍ରୁଟି କରି ନଥିଲେ।ଏହି ସମୟରେ ଭାରତ ବିଜୟ ବାସ୍ନା ପାଇଥିଲା। ସାମି ଗୋଟିକ ପରେ ଗୋଟିଏ ୟର୍କର ଲେଙ୍ଗ୍‌‌ଥ ବଲ ପକାଇ ଅଷ୍ଟ୍ରେଲିଆ ବ୍ୟାଟରଙ୍କୁ ଘାଇଲା କରିଦେଇଥିଲେ। ଏହାର ଫଳ ସ୍ୱରୂପ ୫ମ ବଲ୍‌‌ରେ ଜୋଶ ଇଂଲିଶ ଓ ଷଷ୍ଠ ବଲ୍‌‌ରେ କେନ ରିଚାର୍ଡସନଙ୍କୁ ବୋଲ୍ଡ କରି ସେ ଭାରତକୁ ଅପ୍ରାତ୍ୟସିତ ଭାବେ ବିଜୟୀ କରାଇଥିଲେ।

ନୂଆଦିଲ୍ଲୀ: କ୍ରିକେଟର ସଚିନ ତେନ୍ଦୁଲକର କରୋନା ଭୂତାଣୁରେ ସଂକ୍ରମିତ ହୋଇଛନ୍ତି। ଶନିବାର ସେ ନିଜେ ଟ୍ବିଟ୍‌ କରି ସୂଚନା ଦେଇଛନ୍ତି। କରୋନାରେ ଆକ୍ରାନ୍ତ ହୋଇଥିବା ଜାଣିବା ପରେ ସେ ନିଜକୁ ଆଇସୋଲେଟ୍‌ କରିଥିବା ସଚିନ କହିଛନ୍ତି। ସେ ନିଜ ଘରେ କ୍ବାରେଣ୍ଟାଇନରେ ରହିଥିବା ଟ୍ବିଟ୍‌ରେ ଉଲ୍ଲେଖ କରିଛନ୍ତି।

pic.twitter.com/dOlq7KkM3G

— Sachin Tendulkar (@sachin_rt) March 27, 2021