କଟକ: ସମ୍ପ୍ରତି କରୋନା ମହାମାରୀକୁ ଦୃଷ୍ଟିରେ ରଖି କେନ୍ଦ୍ର ସରକାର ବିଭିନ୍ନ ରାଜ୍ୟକୁ ଗାଡି କାଗଜପତ୍ର ଗୁଡିକର ବୈଧତାକୁ ବୃଦ୍ଧି କରିବା ପାଇଁ ଅନୁରୋଧ କରିଥିଲା ବେଳେ ଓଡିଶା ପରିବହନ ପ୍ରାଧିକରଣ ପକ୍ଷରୁ ଏହି ସବୁ କାଗଜ ପତ୍ରର ଅବଧି ବୃଦ୍ଧି କରାଯାଇଛି। ଗାଡି ଗୁଡିକର ପଞ୍ଜିକରଣ ସାର୍ଟିଫିକେଟ, ପିଟନେସ ସାର୍ଟିଫିକେଟ, ପରମିଟ ଓ ଡିଏଲର ବୈଧତା ଅବଧି ଅତିକ୍ରାନ୍ତ କରିଥିଲେ ବି ଏଗୁଡିକ ଜୁନ ୩୦ ତାରିଖ ପର୍ଯ୍ୟନ୍ତ ବୈଧ ରହିବ ବୋଲି କୁହାଯାଇଛି। ଏସଂକ୍ରାନ୍ତରେ ଆଜି ଏକ ବିଜ୍ଞପ୍ତି ପ୍ରକାଶ ପାଇଛି। ସବୁ ପ୍ରକାର ଗାଡି ଗୁଡିକର ଫିଟନେସ ସାର୍ଟିଫିକେଟ ବୈଧତା ଅବଧି ଯଦି ଫେବୃଆରୀ ୧ତାରିଖରୁ ସରିଥିବ ଅବା ଜୁନ ୩୦ ତାରିଖ ସୁଦ୍ଧା ସରିବ ସେଗୁଡିକର ଅବଧି ଜୁନ ୩୦ ପର୍ଯ୍ୟନ୍ତ ବୈଧ ରହିବ। ସେହିପରି ଆର୍‌ସି, ଡିଏଲ, ପରମିଟ,ଫାନସି ନମ୍ବର ପଞ୍ଜିକରଣର ବୈଧତା ଅବଧି ତାରିଖ ଅତିକ୍ରାନ୍ତ ଗତ ଫେବୃଆରୀ ୧ରୁ ହୋଇଥିଲେ ବି ଏଗୁଡିକ ଜୁନ ୩୦ ପର୍ଯ୍ୟନ୍ତ ବୈଧ ରହିବ। ଅନ୍ୟପଟରେ ଲର୍ଣ୍ଣର ଲାଇସେନ୍ସ ଅବଧି ଗତ ମାର୍ଚ୍ଚ ୧୮ରୁ ସରିଥିଲେ ବି ଏଗୁଡିକ ଜୁନ ୩୦ ପର୍ଯ୍ୟନ୍ତ କାଏମ ରହିବ ବୋଲି ବିଜ୍ଞପ୍ତି ପ୍ରକାଶ ପାଇଛି। ତେବେ ବୀମା ଓ ପ୍ରଦୂଷଣ ପ୍ରମାଣପତ୍ର କ୍ଷେତ୍ରରେ ଏହା ଲାଗୁ ହେବ ନାହିଁ ବୋଲି କୁହାଯାଇଛି।