ଦକ୍ଷିଣ ଭାରତୀୟ ଚଳଚ୍ଚିତ୍ର ଜଗତର ଲୋକପ୍ରିୟ ଅଭିନେତ୍ରୀ ଶ୍ରୀଲୀଲା ନିଜ କ୍ୟାରିୟରରେ ଏକ ନୂଆ ମାଇଲଖୁଣ୍ଟ ଅତିକ୍ରମ କରିଛନ୍ତି। ସେ କେବଳ ଜଣେ ଦକ୍ଷ ଅଭିନେତ୍ରୀ ନୁହଁନ୍ତି, ବର୍ତ୍ତମାନ ଜଣେ ଯୋଗ୍ୟ ଡାକ୍ତର ମଧ୍ୟ ହୋଇପାରିଛନ୍ତି। ମଙ୍ଗଳବାର ଦିନ ମୁମ୍ବାଇର ଡି.ୱାଇ ପାଟିଲ ବିଶ୍ୱବିଦ୍ୟାଳୟରେ ଆୟୋଜିତ ସମାବର୍ତ୍ତନ ଉତ୍ସବରେ ଶ୍ରୀଲୀଲାଙ୍କୁ ଏମ୍‌ବିବିଏସ୍‌ (MBBS) ଡିଗ୍ରୀ ପ୍ରଦାନ କରାଯାଇଛି। ମାତ୍ର ୨୪ ବର୍ଷ ବୟସରେ ସେ ଏହି ସଫଳତା ହାସଲ କରିଛନ୍ତି।

ଭାଇରାଲ ହେଉଛି କନଭୋକେସନ ଭିଡିଓ

ସୋସିଆଲ ମିଡିଆରେ ଶ୍ରୀଲୀଲାଙ୍କ ସମାବର୍ତ୍ତନ ଉତ୍ସବର ଅନେକ ଫଟୋ ଏବଂ ଭିଡିଓ ଭାଇରାଲ ହେବାରେ ଲାଗିଛି। ଏହି ଭିଡିଓରେ ସେ ଏକ ମରୁନ୍ ରଙ୍ଗର ଗାଉନ୍ ପିନ୍ଧି ଡିଗ୍ରୀ ଗ୍ରହଣ କରୁଥିବା ଦେଖିବାକୁ ମିଳିଛି। ଡିଗ୍ରୀ ହାସଲ କରିବା ପରେ ସେ ଖୁସିରେ ଆତ୍ମହରା ହୋଇ ନିଜ ପରିବାର ଲୋକଙ୍କୁ ଆଲିଙ୍ଗନ କରୁଥିବା ଦୃଶ୍ୟ ପ୍ରଶଂସକଙ୍କ ମନ ଜିଣିନେଇଛି। ତାଙ୍କ ମା’ ସ୍ୱର୍ଣ୍ଣଲତା ମଧ୍ୟ ଜଣେ ଡାକ୍ତର, ତେଣୁ ଶ୍ରୀଲୀଲା ତାଙ୍କ ପାଦାନୁସରଣ କରି ଏହି ସଫଳତା ପାଇଛନ୍ତି।

ଅଭିନୟ ସହ ପାଠପଢ଼ାର ତାଳମେଳ

ଗତ ୬ ବର୍ଷ ଧରି ଶ୍ରୀଲୀଲା ଏକାସାଙ୍ଗରେ ନିଜର ଅଭିନୟ ଏବଂ ଡାକ୍ତରୀ ପାଠପଢ଼ା ଜାରି ରଖିଥିଲେ। ‘ଧମାକା’, ‘ଗୁଣ୍ଟୁର କାରମ’ ଏବଂ ବହୁ ପ୍ରତୀକ୍ଷିତ ‘ପୁଷ୍ପା-୨’ ଭଳି ବଡ଼ ବଡ଼ ଫିଲ୍ମରେ କାମ କରିବା ସହିତ ସେ କଠିନ ପରିଶ୍ରମ କରି ପାଠପଢ଼ାରେ ମଧ୍ୟ ସଫଳ ହୋଇଛନ୍ତି। ତାଙ୍କର ଏହି ନିଷ୍ଠା ଓ ଶୃଙ୍ଖଳାକୁ ଦେଖି ପ୍ରଶଂସକମାନେ ତାଙ୍କୁ ‘ବ୍ୟୁଟି ୱିଥ୍ ବ୍ରେନ୍’ (Beauty with Brain) ବୋଲି ସମ୍ବୋଧନ କରୁଛନ୍ତି। ବର୍ତ୍ତମାନ ସୋସିଆଲ ମିଡିଆରେ ତାଙ୍କୁ ‘ଡାକ୍ତର ଶ୍ରୀଲୀଲା’ ନାମରେ ଶୁଭେଚ୍ଛାର ସୁଅ ଛୁଟୁଛି।

ହାଇଦ୍ରାବାଦ/ମୁମ୍ବାଇ: ଦକ୍ଷିଣ ସିନେମା ଜଗତର ଚର୍ଚ୍ଚିତ ଯୋଡି ବିଜୟ ଦେବରକୋଣ୍ଡା ଏବଂ ରଶ୍ମିକା ମନ୍ଦାନାଙ୍କ ପ୍ରେମ କାହାଣୀକୁ ନେଇ ଚାଲିଥିବା କଳ୍ପନାଜଳ୍ପନାରେ ପୂର୍ଣ୍ଣଛେଦ ପଡିଛି। ଜାତୀୟ ଗଣମାଧ୍ୟମ ରିପୋର୍ଟ ଅନୁଯାୟୀ, ଉଭୟ ଲୁଚାଛପାରେ ନିର୍ବନ୍ଧ କରିସାରିଛନ୍ତି ଏବଂ ଖୁବ୍ ଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି।

ସୂଚନା ମିଳିଛି ଯେ ଅଭିନେତା ବିଜୟ ଦେବରକୋଣ୍ଡା ଓ ଅଭିନେତ୍ରୀ ରଶ୍ମିକା ମନ୍ଦାନା ପରିବାର ଏବଂ ନିକଟତମ ବନ୍ଧୁମାନଙ୍କ ଉପସ୍ଥିତିରେ ଏକ ବ୍ୟକ୍ତିଗତ ଉତ୍ସବରେ ନିର୍ବନ୍ଧ ସାରିଛନ୍ତି। ଏହି ଖବରକୁ ଉଭୟ ଗୋପନୀୟତା କାରଣରୁ ଏପର୍ଯ୍ୟନ୍ତ ଘୋଷଣା କରିନାହାଁନ୍ତି।

ସବୁଠାରୁ ବଡ ଖବର ହେଉଛି, ଉଭୟଙ୍କ ବିବାହ ତାରିଖ ମଧ୍ୟ ଫାଇନାଲ୍ ହୋଇସାରିଛି। ରିପୋର୍ଟ ମୁତାବକ, ଏହି ଲୋକପ୍ରିୟ ଯୋଡ଼ି ଫେବୃଆରୀ ୨୦୨୬ ରେ ବିବାହ ବନ୍ଧନରେ ବାନ୍ଧି ହେବେ। ଯଦିଓ ଉଭୟ କଳାକାରଙ୍କ ପକ୍ଷରୁ ଏହି ଖବରକୁ ଆନୁଷ୍ଠାନିକ ଭାବେ ନିଶ୍ଚିତ କରାଯାଇ ନାହିଁ।

ବିଜୟ ଓ ରଶ୍ମିକାଙ୍କ ନିର୍ବନ୍ଧ ଖବର ଏପରି ଏକ ସମୟରେ ଆସିଛି, ଯେତେବେଳେ କିଛି ଦିନ ତଳେ ରଶ୍ମିକା ମନ୍ଦାନାଙ୍କର ଶାଢ଼ୀ ପିନ୍ଧା ଏକ ପୋଷ୍ଟ ସୋସିଆଲ ମିଡିଆରେ ଭାଇରାଲ ହୋଇଥିଲା। ଫ୍ୟାନ୍‌ମାନେ ଅନୁମାନ କରିଥିଲେ ଯେ ଏହି ଫଟୋଗୁଡ଼ିକ ହୁଏତ ଉଭୟଙ୍କ ନିର୍ବନ୍ଧ ସମୟର ହୋଇପାରେ। ତେବେ ଏହି ପୋଷ୍ଟରେ ରଶ୍ମିକା ଦଶହରା ଅଭିନନ୍ଦନ ଜଣାଇବା ସହ ତାଙ୍କ ଆଗାମୀ ଫିଲ୍ମ 'ଥାମା'ର ଟ୍ରେଲର ଏବଂ ଗୀତକୁ ମିଳିଥିବା ଭଲ ପାଇଁ ପ୍ରଶଂସକଙ୍କୁ କୃତଜ୍ଞତା ଜଣାଇଥିଲେ।

ଉଭୟ ଷ୍ଟାର୍ ଏପର୍ଯ୍ୟନ୍ତ ନିଜ ସମ୍ପର୍କକୁ ଆନୁଷ୍ଠାନିକ ଭାବେ ସ୍ୱୀକାର କରିନଥିଲେ ମଧ୍ୟ ସେମାନଙ୍କ ଛୁଟିଦିନର ଫଟୋ ଅନେକ ଥର ଭାଇରାଲ ହୋଇଛି। ବର୍ତ୍ତମାନ ନିର୍ବନ୍ଧ ଓ ବିବାହ ଖବର ପରେ ଉଭୟଙ୍କ ପ୍ରଶଂସକମାନେ ଅଭିନନ୍ଦନ ଜଣାଇବା ଆରମ୍ଭ କରିଦେଇଛନ୍ତି।

ଅଭିନେତ୍ରୀ ରଶ୍ମିକା ମନ୍ଦାନାଙ୍କ କାର୍ଯ୍ୟ କ୍ଷେତ୍ର ବିଷୟରେ କହିବାକୁ ଗଲେ, ସେ ଖୁବ୍ ଶୀଘ୍ର ହରର-କମେଡି ଫିଲ୍ମ 'ଥାମା'ରେ ନଜର ଆସିବେ। ଏହି ଫିଲ୍ମର ନିର୍ଦ୍ଦେଶନା ଆଦିତ୍ୟ ସରପୋତଦାର ଦେଇଛନ୍ତି ଏବଂ ଏଥିରେ ଆୟୁଷ୍ମାନ ଖୁରାନା, ନୱାଜୁଦ୍ଦିନ ସିଦ୍ଦିକି ଓ ପରେଶ ରାୱଲଙ୍କ ଭଳି ଅଭିନେତା ରହିଛନ୍ତି। ଏହି ଫିଲ୍ମଟି ଅକ୍ଟୋବର ୨୧, ୨୦୨୫ ରେ ମୁକ୍ତିଲାଭ କରିବ।

ନୂଆଦିଲ୍ଲୀ : ଗତ ୪ ତାରିଖରେ ଫିଲ୍ମ ପୁଷ୍ପା-୨ର ସ୍କ୍ରନିଙ୍ଗ ସମୟରେ ହାଇଦ୍ରାବାଦ ସନ୍ଧ୍ୟା ଥିଏଟର ନିକଟରେ ଘଟିଥିବା ଦଳାଚକଟାରେ ମହିଳାଙ୍କ ମୃତ୍ୟୁ ଘଟଣାକୁ ନେଇ ସୁପରଷ୍ଟାର ଅଲ୍ଲୁ ଅର୍ଜୁନଙ୍କୁ ଆଜି ଗିରଫ କରାଯାଇଥିଲା। ହାଇଦ୍ରାବାଦ ପୁଲିସ ଅଲ୍ଲୁ ଅର୍ଜୁନଙ୍କୁ ଗିରଫ କରିବା ସହ ନାମପଲ୍ଲୀ କୋର୍ଟରେ ହାଜର କରିଥିଲା, ଯାହା ପରେ କୋର୍ଟ ତାଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇଥିଲେ। କିନ୍ତୁ ଏହାପରେ ଅଲ୍ଲୁ ଅର୍ଜୁନ ତେଲେଙ୍ଗାନା ହାଇକୋର୍ଟର ଦ୍ବାରସ୍ଥ ହୋଇ ଜରୁରୀ ଶୁଣାଣି ପାଇଁ ଆବେଦନ କରିଥିଲେ। ତେଲେଙ୍ଗାନା ହାଇକୋର୍ଟ ଏହି ମାମଲାର ଶୁଣାଣି କରି ଅଲ୍ଲୁ ଅର୍ଜୁନଙ୍କୁ ଅନ୍ତରୀଣ ଜାମିନ୍ ପ୍ରଦାନ କରିଛନ୍ତି। କିନ୍ତୁ ଏହି ଘଟଣାରେ ଅଲ୍ଲୁ ଅର୍ଜୁନଙ୍କର କଣ ଭୁଲ ଥିଲା? ତାଙ୍କୁ କଣ ପାଇଁ ଗିରଫ କରାଗଲା? ତାକୁ ନେଇ ଅଲ୍ଲୁ ଅର୍ଜୁନଙ୍କ ପ୍ରଶଂସକମାନେ ପ୍ରଶ୍ନ ଉଠାଇଛନ୍ତି। ଏପରିକି ଅଲୁ ଅର୍ଜୁନ ପୁଲିସ ଦ୍ବାରା ଗିରଫ ହେବା ପରେ କହିଥିଲେ ଯେ ପୁଲିସ ତାଙ୍କ ଶୋଇବା ଘରେ ପଶି ତାଙ୍କୁ ଗିରଫ କରିଛି। ଯାହକୁ ନେଇ ସୋସିଆଲ ମିଡିଆରେ ଆଲୋଡ଼ନ ସୃଷ୍ଟି ହୋଇଛି।

ଅଲ୍ଲୁ ଅର୍ଜୁନଙ୍କୁ ଗିରଫ ହେବା ପରେ ସୋସିଆଲ ମିଡିଆରେ ତାଙ୍କ ପ୍ରଶଂସକମାନେ ହାଥରସ୍‌ ଦଳାଚକଟା ଘଟଣାକୁ ଦର୍ଶାଇ ସମସ୍ତଙ୍କ ପାଇଁ ଆଇନ କାହିଁକି ସମାନ ନୁହେଁ ବୋଲି ପ୍ରଶ୍ନ କରିଛନ୍ତି। ଗତ ଜୁଲାଇ ମାସରେ ଉତ୍ତରପ୍ରଦେଶ ହାଥରସରେ ଏକ ବଡ଼ ଅଘଟଣ ଘଟି ୧୨୧ ଲୋକଙ୍କ ଜୀବନ ଯାଇଥିଲା। ହାଥରସ ଜିଲ୍ଲାର ସିକନ୍ଦରା ରାଓ ଥାନା ପୁଲରାଇ ଗାଁରେ ଚାଲିଥିବା ଏକ ସତ୍‌ସଙ୍ଗରେ ହୋଇଥିବା ଦଳାଚକଟାରେ ୧୨୧ ଲୋକଙ୍କ ଜୀବନ ଚାଲିଯାଇଥିବା ବେଳେ ବହୁ ଲୋକ ଆହତ ହୋଇଥିଲେ। ମୃତକଙ୍କ ମଧ୍ୟରେ ଅନେକ ମହିଳା ଓ ଶିଶୁ ରହିଥିଲେ। ସେତେବେଳେ ଏହି ଘଟଣା ସାରା ଦେଶରେ ଆଲୋଡନ ସୃଷ୍ଟି କରିଥିଲା।

ସେଠାରେ ସାକାର ହରି ବାବା(ଭୋଲ୍ ବାବା)ଙ୍କର ଏକ ଦିନିଆ ସତସଙ୍ଗ ଚାଲିଥିଲା ​​। ସେଠାରେ ପିଲାମାନଙ୍କ ସହିତ ପୁରୁଷ ଏବଂ ମହିଳାମାନେ ବାବାଙ୍କ ଉପଦେଶ ଶୁଣୁଥିଲେ। ସତ୍‌ସଙ୍ଗ ଶେଷ ହେବା ପରେ ଲୋକମାନଙ୍କ ସେହି ପେଣ୍ଡାଲ ଭିତରେ ଅଟକାଇ ରଖିଦିଆଯାଇଥିଲା। କୁହାଗଲା କି ବାବା ଯିବା ପରେ ଅନ୍ୟମାନଙ୍କୁ ଯିବାକୁ ଅନୁମତି ମିଳିବ। ଯେତେବେଳେ ଭୋଲେ ବାବା ସତସଙ୍ଗ ପରେ ଚାଲିଗଲେ, ଶହ ଶହ ଭକ୍ତ ତାଙ୍କ ପାଦରୁ ଧୂଳି ସଂଗ୍ରହ କରିବାକୁ ଦଉଡିବାକୁ ଲାଗିଲେ। ତେବେ ପ୍ରବଳ ଭିଡ ସହ ବର୍ଷା ହୋଇଥିବା କାରଣରୁ ପେଣ୍ଡାଲ ଭିତରେ କିଛି ସ୍ଥାନରେ ପାଣି ମଧ୍ୟ ଜମି ରହିଥିଲା। ଯାହା ଫଳରେ ସତ୍‌ସଙ୍ଗ ଶେଷ ହେବା ବାବା ବାହାରିବା ବେଳେ ସେଠାରେ ଜମା ହୋଇଥିବା ଲୋକମାନେ ବାହାରିବା ସମୟରେ ଦଳାଚକଟା ଆରମ୍ଭ ହୋଇଯାଇଥିଲା। ଯେଉଁଥିରେ ୧୨୧ ଲୋକଙ୍କ ଜୀବନ ଯାଇଥିଲା। କିନ୍ତୁ ଏହି ଘଟଣାରେ ସଂପୃକ୍ତ ଭୋଲ୍ ବାବାଙ୍କ ନାମରେ ମଧ୍ୟ ଏଫଆଇଆର ପଞ୍ଜୀକୃତ ହୋଇନଥିଲା।

ସବୁଠୁ ବଡ଼ କଥା ହେଉଛି ଏହି ସତସଙ୍ଗ ନିମନ୍ତେ ୮୦ ହଜାର ଲୋକଙ୍କ ସମାଗମ ନିମନ୍ତେ ଆୟୋଜକଙ୍କୁ ଅନୁମତି ମିଳିଥିଲା। ମାତ୍ର ଏଥିରେ ପ୍ରାୟ ୨ ଲକ୍ଷରୁ ଅଧିକ ଲୋକ ଏକତ୍ରିତ ହୋଇଥିଲେ। ଆୟୋଜକ କମିଟି ଏଥିନିମନ୍ତେ ପୂର୍ବ ପ୍ରସ୍ତୁତି କରି ନ ଥିବା ବେଳେ ଅତ୍ୟଧିକ ଭିଡ଼ ହେତୁ ପରିସ୍ଥିତି ଅସମ୍ଭାଳ ହୋଇଥିଲା। ଯାହା ପରେ ଦଳାଚକଟାରେ ୧୨୧ ଜଣଙ୍କ ଜୀବନ ଚାଲିଯାଇଥିଲା। ଘଟଣା ଘଟିବା ପରେ ଉତ୍ତରପ୍ରଦେଶ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନିର୍ଦ୍ଦେଶକ୍ରମେ ଏସଆଇଟି ଗଠନ କରାଯାଇ ଘଟଣାର ତଦନ୍ତ କରି ଏବେ ସରକାରଙ୍କୁ ରିପୋର୍ଟ ପଠାଯାଇଥିଲା। ଯେଉଁଥିରେ ୩୨୦୦ ପୃଷ୍ଟାର ରିପୋର୍ଟ ଦିଆଯାଇଥିଲା। ଏଥିରେ ସତସଙ୍ଗର ଆୟୋଜନ କରିଥିବା ବ୍ୟକ୍ତିଙ୍କ ସମେତ ୧୧ ଜଣଙ୍କୁ ଅଭିଯୁକ୍ତ କରାଯାଇଛି, କିନ୍ତୁ ଭୋଲ୍ ବାବାଙ୍କୁ ଅଭିଯୁକ୍ତ ତାଲିକାରେ ମଧ୍ୟ ରଖାଯାଇନଥିଲା।

ଅନ୍ୟପଟେ ସେହି ସମୟରେ ଦୁର୍ଘଟଣାର ପ୍ରତ୍ୟକ୍ଷଦର୍ଶୀମାନେ କହିଥିଲେ ଯେ ଦୁର୍ଘଟଣା ସମୟରେ ଭୋଲେ ବାବା ଓ ତାଙ୍କ ସେବକମାନେ ପରିସ୍ଥିତିକୁ ନିୟନ୍ତ୍ରଣ କରିବା ପରିବର୍ତ୍ତେ ସେହି ସ୍ଥାନରୁ ପଳାୟନ କରିଥିଲେ। ଏପରିକି ଘଟଣା ପରେ ଶହ ଶହ ଲୋକ ମେଡିକାଲରେ ପଡିଥିଲେ ମଧ୍ୟ ମାନବିକତା ଦେଖାଇ ସେହି ଭୋଲେ ବାବା ମଧ୍ୟ ଲୋକଙ୍କ ପାଖକୁ ଆସିନଥିଲେ। ଗଣମାଧ୍ୟମରେ ଏନେଇ ବହୁ ବାର ଚର୍ଚ୍ଚା ହେବା ପରେ ଲୋକଲଜ୍ଜାକୁ ଡରି ଘଟଣାର ଦୁଇ ଦିନ ପରେ ଏକ ସମବେଦନା ପତ୍ର ଜାରି କରିଥିଲେ ଉକ୍ତ ବାବା।

ଏପଟେ ସୁପରଷ୍ଟାର ଅଲ୍ଲୁ ଅର୍ଜୁନଙ୍କୁ କ୍ଷେତ୍ରରେ ଘଟଣାଟି ହେଉଛି ଡିସେମ୍ବର ୪ ତାରିଖରେ ପୁଷ୍ପା-୨ର ସ୍କ୍ରିନିଂ ପାଇଁ ହାଇଦ୍ରାବାଦର ସନ୍ଧ୍ୟା ଥିଏଟରକୁ ଅଲ୍ଲୁ ଅର୍ଜୁନ ଆସୁଥିବା ନେଇ ତେଲଙ୍ଗାନା ପୁଲିସକୁ ଅବଗତ କରାଯାଇ ନଥିଲା ।ଥିଏଟର ମ୍ୟାନେଜମେଣ୍ଟ ସୁପରଷ୍ଟାର ଅଲ୍ଲୁ ଅର୍ଜୁନ ଆସୁଥିବା ନେଇ ଅବଗତ ଥିଲେ ମଧ୍ୟ ପୁଲିସକୁ ସୂଚନା ଦେଇନଥିଲେ। ଯାହା ଫଳରେ ଅଭିନେତାଙ୍କ ଟିକିଏ ଝଲକ ଦେଖିବାକୁ ସନ୍ଧ୍ୟା ଥିଏଟରରେ ବହୁ ଜନସମାଗମ ହୋଇଥିଲା । ଏଠାରେ ରେବଥି ନାମକ ଜଣେ ୩୯ ବର୍ଷ ବୟସ୍କା ମହିଳା ଶ୍ୱାସରୁଦ୍ଧ ହୋଇ ଜୀବନ ହରାଇଥିବାବେଳେ ତାଙ୍କର ଆଠ ବର୍ଷର ପୁଅ ଡାକ୍ତରଖାନାରେ ଭର୍ତ୍ତି ହୋଇଥିଲେ । ମହିଳାଙ୍କ ପରିବାରର ଅଭିଯୋଗ ପରେ ପୁଲିସ ଡିସେମ୍ବର ୫ ରେ ଅର୍ଜୁନ, ତାଙ୍କ ସୁରକ୍ଷା ଦଳ ଏବଂ ଥିଏଟର ମ୍ୟାନେଜମେଣ୍ଟ ବିରୋଧରେ ମାମଲା ଦାୟର କରିଥିଲା । ଯେଉଁ ମାମଲରେ ଆଜି ଅଲ୍ଲୁ ଅର୍ଜୁନଙ୍କୁ ଗିରଫ କରାଯାଇଥିଲା।

ଅଲ୍ଲୁ ଅର୍ଜୁନ ଗିରଫକୁ ନେଇ ବଢିଲା ବିବାଦ

ଯେପରିଫିଲ୍ମ ପୁଷ୍ପା-୨ ବକ୍ସ ଅଫିସରେ ଆଲୋଡ଼ନ ସୃଷ୍ଟି କରୁଛି, ଏହାର ମୁଖ୍ୟ ଚରିତ୍ର ଅଲ୍ଲୁ ଅର୍ଜୁନଙ୍କୁ ଗିରଫ କରିବା ପରେ ସମାନ ପ୍ରତିକ୍ରିୟା ସୃଷ୍ଟି ହୋଇଛି। ହାଇଦ୍ରାବାଦରେ ଦଳାଚକଟାରେ ମୃତ୍ୟୁ ବରଣ କରିଥିବା ମହିଳାଙ୍କ ସ୍ବାମୀ କହିଛନ୍ତି ‘ମୋ ପୁଅ ମୋତେ ସେହି ଦିନ ସାନ୍ଧ୍ୟା ଥିଏଟରରେ ଫିଲ୍ମ ଦେଖାଇବାକୁ କହିଥିଲେ। ଏହି ଦୁର୍ଘଟଣା ପାଇଁ ଅଲୁ ଅର୍ଜୁନଙ୍କର କୌଣସି ଦୋଷ ନାହିଁ । ଆବଶ୍ୟକ ହେଲେ ମୁଁ ମାମଲା ପ୍ରତ୍ୟାହାର କରିବି। ମୁଁ ଅଲ୍ଲୁ ଅର୍ଜୁନଙ୍କ ଗିରଫ ବିଷୟରେ ପୁଲିସଠାରୁ ନୁହେଁ ମୋ ମୋବାଇଲରୁ ନ୍ୟୁଜ୍‌ ଦେଖି ଜାଣିଲି।

ସେପଟେ ଅଲ୍ଲୁ ଅର୍ଜୁନଙ୍କ ଗିରଫ ହେବାକୁ ନେଇ ରାଜନୈତିକ ବିବାଦ ମଧ୍ୟ ଦେଖାଦେଇଛି। ଆନ୍ଧ୍ରପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ଜଗନ୍ ମୋହନ ରେଡ୍ଡୀଙ୍କ ପାର୍ଟି YSRCP ଏବଂ କେ.ଚନ୍ଦ୍ରଶେଖରଙ୍କ ପାର୍ଟି ବିଆରଏସ ଅଅଲ୍ଲୁ ଅର୍ଜୁନଙ୍କ ଗିରଫଦାରୀକୁ ଭୁଲ ବୋଲି କହିଛନ୍ତି।

ମୃତ ମହିଳାଙ୍କ ପରିବାରକୁ ୨୫ ଲକ୍ଷ ଦେବାକୁ ଘୋଷଣା କରିଛନ୍ତି ଅଲ୍ଲୁ ଅର୍ଜୁନ

ପୁଷ୍ପା ୨: ଦି ରୁଲ୍’ର ପ୍ରିମିୟର୍ ସୋ’ରେ ଜଣେ ମହିଳାଙ୍କ ମୃତ୍ୟୁ ଘଟିବା ସହ ତାଙ୍କ ପୁଅ ଗୁରୁତର ଆହତ ଘଟଣା ନେଇ ଅଲ୍ଲୁ ଅର୍ଜୁନ ଜାଣିବା ପରେ ଗତ ୭ ତାରିଖରେ ନିଜ ଏକ୍ସ ଆକାଉଣ୍ଟରେ ଏକ ଭିଡିଓ ପୋଷ୍ଟ କରି ଏହି ଘଟଣାକୁ ନେଇ ଦୁଃଖି ପ୍ରକାଶ କରିବା ସହ ମୃତ ମହିଳାଙ୍କ ପରିବାରକୁ ସେ ୨୫ଲକ୍ଷ ଟଙ୍କାର ସହାୟତା ରାଶି ଦେବାକୁ ଘୋଷଣା କରିଥିଲେ ଅଲ୍ଲୁ ଅର୍ଜୁନ। ଏଥି ସହିତ ଗୁରୁତର ହୋଇ ଚିକିତ୍ସିତ ହେଉଥିବା ବାଳକର ସମସ୍ତ ଚିକିତ୍ସା ଖର୍ଚ୍ଚ ସେ ଉଠାଇବେ ବୋଲି ମଧ୍ୟ ଘୋଷଣା କରିଥିଲେ।

ମୁମ୍ବଇ: ସୁପରଷ୍ଟାର ଅଲ୍ଲୁ ଅର୍ଜୁନ ଗିରଫ। ହାଇଦ୍ରାବାଦରେ ଅଲ୍ଲୁ ଅର୍ଜୁନଙ୍କ ପୁଷ୍ପା-୨ ପ୍ରିମିୟର ଶୋ’ରେ ସନ୍ଧ୍ୟା ହଲ୍‌ ବାହାରେ ଦଳାଚକଟା ଘଟିଥିଲା। ଦଳାଚକଟାରେ ଜଣେ ମହିଳାଙ୍କର ମୃତ୍ୟୁ ଘଟିଥିଲା। ଏହି ଘଟଣାରେ ଆଜି ଅଲ୍ଲୁ ଅର୍ଜୁନଙ୍କୁ ଗିରଫ କରିଛି ପୁଲିସ।

ସୂଚନା ଅନୁଯାୟୀ,  ଅଲ୍ଲୁ ଅର୍ଜୁନଙ୍କ ବହୁ ପ୍ରତୀକ୍ଷିତ ଫିଲ୍ମ ‘ପୁଷ୍ପା-୨’ ଡିସେମ୍ବର ୪ରେ ରିଲିଜ୍ ହୋଇଥିଲା । ଫିଲ୍ମ ରିଲିଜ ବେଳେ ଅଭିନେତା ଓ ଫିଲ୍ମର ଅନ୍ୟ ସଦସ୍ୟ ପହଞ୍ଚିବା ବେଳେ ଘଟିଥିଲା ଭୟଙ୍କର ଦଲାଚକଟା ସ୍ଥିତି । ଭିଡ ଏତେ ମାତ୍ରାରେ ବଢିଥିଲା ଯେ ଦଳାଚକଟାରେ ଅନେକ ଲୋକ ଆହତ ହୋଇଥିବା ବେଳେ ଜଣେ ମହିଳା ତାଙ୍କ ପୁଅ ସହ ତଳେ ପଡିଯାଇଥିଲେ । ଗୁରୁତର ଅବସ୍ଥାରେ ଉଭୟଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିବା ବେଳେ ଡାକ୍ତରଖାନାରେ ମହିଳାଙ୍କର ମୃତ୍ୟୁ ଘଟିଥିଲା।  ଅନ୍ୟପଟେ ପୀଡିତଙ୍କ ପରିବାରକୁ ୨୫ ଲକ୍ଷ ଟଙ୍କାର ସହାୟତା ଦେଇଥିବା ଦାବି କରିଥିଲେ ଅଭିନେତା ଅଲ୍ଲୁ ଅର୍ଜୁନ।

ଖବର ଅନୁଯାୟୀ, ଦଳାଚକଟା ଘଟଣାରେ ପୁଲିସ ପୂର୍ବରୁ ସନ୍ଧ୍ୟା ଥିଏଟରର ୩ ଜଣ ସଦସ୍ୟଙ୍କୁ ଗିରଫ କରିଛି ।

ମାଲକାନଗିରି: ମାଲକାନଗିରି ଜିଲ୍ଲାର ପୋଲେରୁ ଠାରେ ସାଉଥ ସୁପର ହିଟ ଚଳଚିତ୍ର ପୁଷ୍ପାର ଦ୍ଵିତୀୟ ଭାଗ ସୁଟିଂ ନିମନ୍ତେ ଆଜି ସିନେମା ସେଟ ଆସି ପହଞ୍ଚିଛି । ସିନେମା ସୁଟିଂ ପାଇଁ ଟିମ ପକ୍ଷରୁ ନକଲି ଚନ୍ଦନ କାଠ, ଗଛ, ଷ୍ଟେଜ ପରି ବିଭିନ୍ନ ସାମଗ୍ରୀ ଆସିଥିବା ବେଳେ ଏହି ସାମଗ୍ରୀ ଗୁଡିକୁ ସିନେମା ସୁଟିଂ ପାଇଁ ବ୍ୟବହାର କରାଯିବ ବୋଲି ଜଣା ପଡିଛି । ପୂର୍ବରୁ ମାଲକାନଗିରି ଜିଲ୍ଲାରେ ଏହି ଚଳଚିତ୍ର ସୁଟିଂ କରିବା ପାଇଁ ନିର୍ଦ୍ଦେଶକ ଓ ଟିମ ସ୍ଥାନ ନିରୂପଣ କରିଥିବା ବେଳେ ଆଜି ଏହି ସାମଗ୍ରୀ ଗୁଡିକ ପହଞ୍ଚିବା ପରେ ସ୍ଥାନୀୟ ଅଞ୍ଚଳର ଲୋକଙ୍କ ମଧ୍ୟରେ ବେଶ ଉତ୍ସାହ ଦେଖିବାକୁ ମିଳିଛି । ଏହି ସାମଗ୍ରୀ ଗୁଡିକ ସେଟ କରିବା ପରେ ଖୁବ ଶୀଘ୍ର ଚଳଚିତ୍ର ସୁଟିଂ ଆରମ୍ଭ କରାଯିବ ବୋଲି ସୂଚନା ମିଳିଛି ।

ସାଉଥ୍ ସୁପରଷ୍ଟାର୍‌ ଅଲ୍ଲୁ ଅର୍ଜୁନଙ୍କ ଆଗାମୀ ଫିଲ୍ମ ‘ପୁଷ୍ପା ୨: ଦ ରୁଲ୍‌’କୁ ନେଇ ଚର୍ଚ୍ଚା ଲାଗି ରହିଥିବା ବେଳେ ଦିନକୁ ଦିନ ନୂଆ ନୂଆ ଖବର ବି ସାମ୍ନାକୁ ଆସୁଛି। ଏହି କ୍ରମରେ ଏବେ ଏହି ସିନେମାରେ ଅଲ୍ଲୁଙ୍କ ସହ ଜୁନିଅର୍‌ ଏନ୍‌ଟିଆର୍‌ଙ୍କ ଯୋଡ଼ି ଦେଖୀବାକୁ ମିଳିବ ବୋଲି ଚର୍ଚ୍ଚା ଜୋର୍‌ ଧରିଛି। ଏହି ଖବର ସାମ୍ନାକୁ ଆସିବା ପରେ ‘ପୁଷ୍ପା’ ପ୍ରଶଂସକଙ୍କ ଉତ୍ସାହ ଦ୍ବିଗୁଣିତ ହୋଇଯାଇଛି। ସାମାଜିକ ଗଣମାଧ୍ୟମରେ ‘ପୁଷ୍ପା ୨’ର ସୁଟିଂ ସେଟ୍‌େର ଜୁନିଅର ଏନ୍‌ଟିଆର୍‌ଙ୍କ ଫଟୋ ସେୟାର୍‌ କରାଯାଇଛି। ଏଥିରେ ଜୁନିୟର ଏନଟିଆର୍‌ ଏକଦମ୍ କୁଲ୍‌ ଅନ୍ଦାଜ୍‌ରେ ଦେଖାଯାଇଛନ୍ତି ଏବଂ ସେ ଧଳା ସାର୍ଟ ଓ ଟ୍ରାଉଜର ପିଦ୍ଧିଛନ୍ତି। ହାଇଦ୍ରାବାଦର ରାମୋଜି ଫିଲ୍ମ ସିଟିରେ ‘ପୁଷ୍ପା ୨’ର ସୁଟିଂ ଚାଲିଛି। ତେେବ ଜୁନିୟର ଏନ୍‌ଟିଆର୍ ଅଲ୍ଲୁ ଓ ଫିଲ୍ମର ନିର୍ଦ୍ଦେଶକ ସୁକୁମାରଙ୍କୁ ଦେଖା କରିବାକୁ ସୁଟିଂ ସେଟ୍‌ରେ ପହଞ୍ଚିଥିଲେ।

ତାଙ୍କର ଏହି ସାକ୍ଷାତ ପଛରେ କାରଣ କ’ଣ, ସେ କଥା ଏବେ ଜଣାପଡ଼ି ନାହିଁ। କୁହାଯାଉଛି, ଏଥିରେ ଜୁନିୟର ଏନ୍‌ଟିଆର୍ ଅତିଥି କଳାକାର ଭାବେ ନଜର ଆସିପାରନ୍ତି। ଅବଶ୍ୟ ବିଧିବଦ୍ଧ ଭାବେ ଏ ନେଇ କୌଣସି ତଥ୍ୟ ମିଳି ନାହିଁ। ସେହିପରି କେଉଁ ଉଦ୍ଦେଶ୍ୟରେ ସେ ସେଟ୍‌ରେ ପହଞ୍ଚିଛନ୍ତି, ତାହା ଶୀଘ୍ର ଜଣାପଡ଼ିବ ବୋଲି ଆଶା କରାଯାଉଛି। ଅନ୍ୟପଟେ ଜୁନିଅର୍‌ ଏନ୍‌ଟିଆର୍‌ ଏବେ ‘ଏନ୍‌ଟିଆର୍‌୩୦’ର ସୁଟିଂରେ ବ୍ୟସ୍ତ ଅଛନ୍ତି। ଏଥିରେ ତାଙ୍କ ବିପକ୍ଷରେ ଜାହ୍ନବୀ କପୁର ଅଭିନୟ କରୁଛନ୍ତି। ଏଠାରେ ପ୍ରକାଶ ଥାଉ କି, ପ୍ରାୟ ୩୫୦ କୋଟି ଟଙ୍କା ବଜେଟରେ ଏହି ଫିଲ୍ମ ନିର୍ମାଣ ହେଉଛି। ଫିଲ୍ମ ପାଇଁ ଅଲ୍ଲୁ ଶହେ କୋଟି ଟଙ୍କା ନେଇଥିବା ଜଣାପଡ଼ିଛି।

ମାଲକାନଗିରି: ମାଲକାନଗିରି ସ୍ଵାଭିମାନ ଅଞ୍ଚଳରେ ସୁଟିଂ ହେବ ସୁପର ହିଟ ଚଳଚ୍ଚିତ୍ର ପୁଷ୍ପାର ପାର୍ଟ୍ -୨। ଏ ନେଇ ଜିଲ୍ଲାପାଳ ଓ ଏସ୍‌.ପି.ଙ୍କ ଠାରୁ ଅନୁମତି ଲୋଡିଛନ୍ତି ପ୍ରଯୋଜକ। ପୁଷ୍ପାର ଦ୍ଵିତୀୟ ଭାଗ କେବେ ଆସିବ ସେ ନେଇ ଦର୍ଶକ ଅପେକ୍ଷା କରିଥିବା ବେଳେ ଏହି ଚଳଚ୍ଚିତ୍ରର ସୁଟିଂ ପାଇଁ ମାଲକାନଗିରି ଜିଲ୍ଲାକୁ ମନୋନୀତ କରିଛନ୍ତି ଏହାର ପ୍ରଯୋଜକ ଟିମ। ପ୍ରଜୋଜକ ସଂସ୍ଥା ମୈତ୍ରୀ ମୁଭି ମେକର ପକ୍ଷରୁ ପୁଷ୍ପା -୧ ଅପୂର୍ବ ସଫଳତା ହାସଲ କରିଥିବା ବେଳେ ପୁଷ୍ପା -୨ ଚଳଚ୍ଚିତ୍ର ନିମନ୍ତେ ଏହି ପ୍ରଯୋଜନା ସଂସ୍ଥା ପକ୍ଷରୁ ସୁଟିଂ କାର୍ଯ୍ୟ ଜାରିଥିବା ବେଳେ ଏହି ସଂସ୍ଥା ମାଲକାନଗିରି ଜିଲ୍ଲାର ସ୍ୱାଭିମାନ ଅଞ୍ଚଳ ଓ ସପ୍ତଧାରା ନଦୀର ବିଭିନ୍ନ ଜାଗାରେ ସୁଟିଂ କରିବା ନିମନ୍ତେ ଆଗ୍ରହ ପ୍ରକାଶ କରିଛନ୍ତି ।

ମାଲକାନଗିରି ଭଳି ଜିଲ୍ଲାରେ ଏପରି ସୁପର ହିଟ ଚଳଚ୍ଚିତ୍ରର ଦ୍ଵିତୀୟ ଭାଗ ସୁଟିଂ ହେବା ଜିଲ୍ଲାପାଇଁ ଗର୍ବର ବିଷୟ ହୋଇଥିବା ବେଳେ ଏନେଇ ଆଜି ଏହି ପ୍ରଯୋଜକ ଟିମ ମାଲକାନଗିରି ଜିଲ୍ଲାପାଲ ବିଶାଳ ସିଂ ଓ ଆରକ୍ଷୀ ଅଧିକ୍ଷକ ନିତେଶ ୱାଧ୍ୱାନୀଙ୍କୁ ଲିଖିତ ଭାବେ ସୁଟିଙ୍ଗ ଅନୁମତି ପାଇଁ ଆବେଦନ କରିଛନ୍ତିା ଚଳଚିତ୍ର ନିର୍ମାଣ ସଂସ୍ଥାର ଏକ ଟିମ୍ ଗତ ଏକମାସ ଧରି ମାଲକାନଗିରି ଜିଲ୍ଲାର ବିଭିନ୍ନ ସ୍ଥାନ ବୁଲିଥିବା ବେଳେ ଶେଷରେ ସ୍ୱାଭିମାନ ଅଞ୍ଚଳର ଝୁଲା ପୋଲ, ହନ୍ତାଳଗୁଡା ଘାଟି ଓ ଚିତ୍ରକୋଣ୍ଡା ସ୍ପିଲବେରେ ନିର୍ମାଣାଧୀନ ପୋଲ ନିକଟରେ ସୁଟିଂ କରିବା ନିମନ୍ତେ ଯୋଜନା କରିଛନ୍ତିା ଏଥିନେଇ ମୈତ୍ରି ମୁଭି ମେକର ସଂସ୍ଥା ପକ୍ଷରୁ ଫାଇଟ୍ ମାଷ୍ଟର ପିଟର ହାଇନସ୍‌, କଳା ନିର୍ଦେଶକ ରାମକ୍ରିଷ୍ଣା, ଫାଇଟ ମାଷ୍ଟର ଡ୍ରାଗନ ପ୍ରକାଶ, ସହକାରୀ ପ୍ରଯୋଜକ ସୁଭ୍ରମଣ୍ୟମ୍‌, ସହ ନିର୍ଦେଶକ ପ୍ରସାଦ ମାରିସେଟି, କ୍ୟାମେରା ମେନ ଦେବରାଜ ପ୍ରମୁଖ ଗତକାଲି ଓ ଆଜି ସ୍ୱାଭିମାନ ଅଞ୍ଚଳର ବିଭିନ୍ନ ସ୍ଥାନ ବୁଲି ଦେଖିଥିଲୋ ତେବେ ଆସନ୍ତା ମେ’ ମାସ ପ୍ରଥମ ସପ୍ତାହରେ ଏହି ସୁଟିଂ କରିବା ନିମନ୍ତେ ଦିନ ଧାର୍ଯ୍ୟ କରିଥିବା ଜଣାପଡିଛିା ଚଳଚ୍ଚିତ୍ର ସୁଟିଂ ବିଷୟରେ ସ୍ଥାନୀୟ ଲୋକେ ଜାଣିବା ପରେ ବେସ ଖୁସିବ୍ୟକ୍ତ କରିବା ସହ ଉତ୍ସାହର ସହ ଏହାକୁ ଅପେକ୍ଷା କରି ରହିଛନ୍ତି ।

ମୁମ୍ବଇ : ଆସିଲା ବହୁ ପ୍ରତୀକ୍ଷିତ ଦକ୍ଷିଣ ଭାରତୀୟ ଅଭିନେତା ଅଲ୍ଲୁ ଅର୍ଜୁନ୍‌ଙ୍କ ଫିଲ୍ମ ‘ପୁଷ୍ପା’ର ପାର୍ଟ ୨ର ଟିଜର। ଅଲ୍ଲୁ ଅର୍ଜୁନ୍‌ଙ୍କ ଫିଲ୍ମ ‘ପୁଷ୍ପା-ଦ ରାଇଜ୍’ ବକ୍ସ ଅଫିସ୍‌ରେ ସୁପରହିଟ୍‌ ସାବ୍ୟସ୍ତ ହୋଇଥିଲା। ଏହି ଚଳଚ୍ଚିତ୍ରକୁ ସମସ୍ତ ଭାଷାରେ ଦର୍ଶକ ପସନ୍ଦ କରିଥିଲେ। ଫିଲ୍ମର ପ୍ରଥମ ଭାଗ ସୁପର ହିଟ୍ ହେବା ମାତ୍ରେ ନିର୍ମାତାମାନେ ଏହାର ଦ୍ୱିତୀୟ ଭାଗ ଘୋଷଣା କରିଥିଲେ। ଏଥି ସହିତ, ଖବର ଆସିଥିଲା ​​ଯେ ଫିଲ୍ମର ଟିଜର ଅଲୁ ଅର୍ଜୁନଙ୍କ ଜନ୍ମଦିନ ଅର୍ଥାତ୍ ଏପ୍ରିଲ୍ ୮ ରେ ରିଲିଜ୍ ହୋଇପାରେ, କିନ୍ତୁ ନିର୍ମାତାମାନେ ଆଜି ଫିଲ୍ମର ଟିଜର ଅର୍ଥାତ୍ ଏପ୍ରିଲ୍ ୭ ରେ ଅଭିନେତାଙ୍କ ଜନ୍ମଦିନ ପୂର୍ବରୁ ରିଲିଜ୍ କରିଛନ୍ତି।

ଫିଲ୍ମର ଟିଜର ଭିଡିଓ ଦର୍ଶକ ପସନ୍ଦ କରୁଛନ୍ତି। ଅଲୁ ଅର୍ଜୁନ ଏବଂ ସୁକୁମାରଙ୍କ ବହୁ ପ୍ରତୀକ୍ଷିତ ପ୍ୟାନ୍ ଇଣ୍ଡିଆ ଆକ୍ସନ୍ ଡ୍ରାମା ଚଳଚ୍ଚିତ୍ର ‘ପୁଷ୍ପା-ଦି ରୁଲ’ର ଟିଜର ଦେଖି ଦର୍ଶକ ଚଳିଚିତ୍ରକୁ ଅପେକ୍ଷା କରିଛନ୍ତି। ଏହି ଟିଜରରରେ ପୁଷ୍ପା କେଉଁଠି? ତାକୁ ନେଇ କାହାଣୀ ଆଗକୁ ବଢୁଛି । ଅଲ୍ଲୁ ଅର୍ଜୁନ ଷ୍ଟାରର ଏହି ମୁଭିରେ ଅନେକ ସସପେନ୍ସ ରହିଛି । ଟିଜରରୁ ହିଁ ଫିଲ୍ମରେ ଅନେକ ରୋମାଞ୍ଚ ଥିବା ଜଣାପଡୁଛି । ସାମାଜିକ ଗଣମାଧ୍ୟମରେ ପୁଷ୍ପାର ଟ୍ରେଲରକୁ ଲୋକଙ୍କ ଭଲ ପାଇବା ମିଳୁଥିବା ଦେଖିବାକୁ ମିଳୁଛି । ଟ୍ୱିଟରରେ ମଧ୍ୟ ପୁଷ୍ପା-୨ରେ ଟିଜର ଟ୍ରେଣ୍ଡ କରୁଛି । ଅନ୍ୟପଟେ ୟୁଟ୍ୟୁବ୍‌ରେ ମଧ୍ୟ ମାତ୍ର ୨ ଘଣ୍ଟା ଭିତରେ ତେଲୁଗୁ ଓ ହିନ୍ଦୀର ଟିଜରକୁ ୨୫ ଲକ୍ଷ ଲୋକ ଦେଖିସାରିଲେଣି।

‘ପୁୂଷ୍ପା’ ପାର୍ଟ ୧ ର ସଫଳତାକୁ ଆଖିଆଗରେ ରଖି ଫିଲ୍ମର ନିର୍ମାତା ଏହାର ଦ୍ବିତୀୟ ଭାଗ ‘ପୁଷ୍ପା-ଦ ରୁଲ୍‌’କୁ ୨୦୨୩ରେ ରିଲିଜ୍‌ କରିବା ପାଇଁ ଯୋଜନା କରିଥିଲେ। ଅନ୍ରପଟେ ‘ପୁଷ୍ପା-୨’ରେ ଅଲ୍ଲୁ ଅର୍ଜୁନଙ୍କ ପାରିଶ୍ରମିକକୁ ନେଇ ବଲିଉଡ୍‌ଠାରୁ ଆରମ୍ଭ କରି ହଲିଉଡ୍‌ ପର୍ଯ୍ୟନ୍ତ ଚର୍ଚ୍ଚା ହୋଉଛି। ‘ପୁଷ୍ପା: ଦ ରାଇଜ୍‌’ର ପ୍ରଥମ ଭାଗର ବଜେଟ୍‌ ଥିଲା ୨୦୦ କୋଟି। ଏହାର ସିକ୍ବେଲ୍ ‘ପୁଷ୍ପା- ଦ ରୁଲ୍‌’ର ବଜେଟ୍‌ ରହିଛି ୪୦୦ କୋଟି। ଦ୍ବିତୀୟ ଭାଗ, ପ୍ରଥମ ଭାଗଠାରୁ ଆହୁରି ଭଲ କାହାଣୀ ନେଇ ଆସିବ ବୋଲି ଏହାର ନିର୍ମାତା କହିଛନ୍ତି। ଇତିମଧ୍ୟରେ ସବୁଠୁ ବଡ଼ କଥା ହେଉଛି, ଫିଲ୍ମ ପାଇଁ ଅଲ୍ଲୁ ୧୫୦ କୋଟି ଟଙ୍କା ଦାବି କରିଥିଲେ। ଶେଷରେ ଏହା ୧୨୫ କୋଟି ଟଙ୍କାରେ ସ୍ଥିର ହୋଇଛି।

ତାଙ୍କର ଏଭଳି ପାରିଶ୍ରମିକ ଯୋଗୁଁ ସେ ଅଭିନେତା ଅକ୍ଷୟ କୁମାର ଓ ପ୍ରଭାସଙ୍କ ପରେ ତୃତୀୟ ଦାମୀ ଭାରତୀୟ ଅଭିନେତାର ପରିଚୟ ହାସଲ କରିଛନ୍ତି। ଏପରିକି ସେ ପାରିଶ୍ରମିକ ମାମଲାରେ ଶାହରୁଖ ଖାନ୍‌ଙ୍କୁ ମଧ୍ୟ ପଛରେ ପକାଇଛନ୍ତି। ତେେବ ପୂର୍ବରୁ ଅଲ୍ଲୁ ଗୋଟିଏ ଫିଲ୍ମ ପାଇଁ ୧୦୦ କୋଟି ଟଙ୍କା ନେଉଥିଲେ। ଏହା ପରେ ସେ କିଛି ସିନେମା ଲାଗି ୧୧୮ କୋଟି ଟଙ୍କା ନେଲେ। ମାତ୍ର ‘ପୁଷ୍ପା’ ଫିଲ୍ମର ସଫଳତା ପରେ ସେ ନିଜର ପାରିଶ୍ରମିକ ବଢ଼ାଇବା ନିଷ୍ପତ୍ତି ନେଇଛନ୍ତି। ଅଲ୍ଲୁଙ୍କ ପ୍ରଶଂକମାନେ ଏବେ ତାଙ୍କ ଫିଲ୍ମ ‘ପୁଷ୍ପା-୨’କୁ ଅପେକ୍ଷା କରିଛନ୍ତି।