ହାର୍ଟଫର୍ଡ: ପୁଅକୁ ଉସୁକାଇଲା ଚାଟ୍‌ଜିପିଟି, ମା’ ତଣ୍ଟିଚିପି ମାରିଦେଲା ପୁଅ । ଆମେରିକାର ପୂର୍ବ ଉପକୂଳରେ ଥିବା କନେକ୍ଟିକଟ୍‌‌ ରାଜ୍ୟରେ ଜଣେ ବ୍ୟକ୍ତି ଏଭଳି ଏକ ଅଜବ କାଣ୍ଡ ଘଟାଇଛନ୍ତି। ସେ ନିଜ ମାଙ୍କୁ ଗଳାକାଟି ହତ୍ୟା କରିବା ପରେ ଆତ୍ମହତ୍ୟା କରି ଜୀବନ ହାରିଛନ୍ତି। ଜଣାଶୁଣା ଓପନ ଆର୍ଟିଫିସିଆଲ ଇଣ୍ଟେଲିଜେନ୍ସ ଚାଟଜିପିଟି କହିବା ଅନୁସାରେ, ୫୬ ବର୍ଷର ପୂର୍ବତନ ଟେକ୍‌‌ କମ୍ପାନୀ ଅଧିକାରୀ ଷ୍ଟିଭ-ଏରିକ ସୋଲବର୍ଗ ଏହି କାଣ୍ଡ ଘଟାଇଛନ୍ତି। ଚାଟ୍‌‌ଜପିଟି କାରଣରୁ ତାଙ୍କ ମନ ଭିତରେ ଭୟ ବୃଦ୍ଧି ପାଇଥିଲା। ଏଥିପାଇଁ ଶେଷରେ ସେ ନିଜର ମାଙ୍କୁ ହତ୍ୟା କରିଥିଲେ । 

ସୋଲବର୍ଗ ଚାଟ୍‌‌ଜିପିଟ୍‌‌ର ନୂଆ ସଂସ୍କରଣ ଜିପିଟି-୪ଓ’ର ବ୍ୟବହାର କରୁଥିଲେ। ଏହି ଏଆଇ କହିବା ଅନୁସାରେ ସେ ତାଙ୍କ ମା’ଙ୍କୁ ତାଙ୍କର ସବୁଠାରୁ ବଡ଼ ଶତ୍ରୁ ବୋଲି ବିଚାର କରି ନେଇଥିଲେ। ଏଆଇ ତାଙ୍କ ମାଙ୍କୁ ଜଣେ ଗୁଇନ୍ଦା ଏଜେଣ୍ଟ ଓ ତାଙ୍କର ବଡ଼ ଶତ୍ରୁ ବୋଲି କହିଥିଲା। ଫଳରେ ଅଗଷ୍ଟ ୩ରେ ସେ ନିଜ ମାଙ୍କୁ ହତ୍ୟା କରିଥିଲେ। ଏହାପରେ ତାଙ୍କ ମା’ଙ୍କ ପରବାର ଲୋକେ ଚାଟ୍‌‌ଜିପିଟି ତିଆରି କରିଥିବା କମ୍ପାନୀ ଓପନଏଆଇ ବିରୋଧରେ ଏତଲା ଦାଏର କରିଛନ୍ତି। ଏହି ଘଟଣା ପାଇଁ ଚାଟଜିପିଟିକୁ ଦାୟୀ କରାଯାଇଛି। ତେବେ ଏହି ଘଟଣାରେ ଆମେ ମର୍ମାହତ ଓ ଚାଟଜିପିଟିକୁ ଆହୁରି ଅଧିକ ଉନ୍ନତ କରିବାକୁ ଆମେ ପ୍ରୟାସ କରୁଛୁ ବୋଲି କମ୍ପାନୀ ତରଫରୁ କୁହାଯାଇଛି।

ସାଧାରଣତଃ ମହିଳାଙ୍କ ତୁଳନାରେ ପୁରୁଷମାନେ ଟେକ୍ନୋଲୋଜି କ୍ଷେତ୍ରରେ ଆଗୁଆ ଥାନ୍ତି। ଓପନ ଏଆଇର ରିପୋର୍ଟ ଅନୁସାରେ, ଚାଟ୍‌ଜିପିଟି ବ୍ୟବହାର କରିବାରେ ପୁରୁଷଙ୍କ ତୁଳନାରେ ମହିଳାମାନେ ଆଗରେ ଅଛନ୍ତି। ଓପନ ଏଆଇ ନାଁକୁ ବିଶ୍ଲେଷଣ କରି ଲିଙ୍ଗ ଆଧାରରେ ଏକଥା ଜାଣିଛି। ଜୁନ୍ ତଥ୍ୟରୁ ଜଣାପଡ଼ିଛି, ଚାଟ୍‌ଜିପିଟି ବ୍ୟବହାର କରିବାରେ ମହିଳାମାନେ ପୁରୁଷଙ୍କୁ ପଛରେ ପକାଇ ଦେଇଛନ୍ତି। ଏଥିରୁ ଏଆଇ ବ୍ୟବହାର କରିବା ଏବେ ସମସ୍ତେ ଆରମ୍ଭ କରିଦେଲେଣି ବୋଲି ଏକପ୍ରକାର ସ୍ପଷ୍ଟ ହୋଇଛି।  ତା’ସହ ଏହା ଶିକ୍ଷା, ସ୍ବାସ୍ଥ୍ୟ ଏବଂ ମ୍ୟାନେଜମେଣ୍ଟରେ ଲୋକଙ୍କ କାର୍ଯ୍ୟଦକ୍ଷତା ମଧ୍ୟ ବୃଦ୍ଧି  କରିଛି ବୋଲି ଜଣାପଡ଼ିଛି।  ୨୦୨୨ ମସିହା ନଭେମ୍ବରରୁ ଚାଟ୍‌ଜିପିଟି ଲଞ୍ଚ ହେବା ପରଠୁ ଏହାକୁ ୭୦ରୁ କୋଟିରୁ ଅଧିକ ଲୋକ ବ୍ୟବହାର କରୁଛନ୍ତି। 

ବିଶ୍ବରେ ପ୍ରତି ୧୦ ଜଣରେ ଜଣେ ବୟସ୍କ ଏଆଇ ବ୍ୟବହାର କରୁଛନ୍ତି। ଓପନ ଏଆଇ, ହାଭାର୍ଡ ବିଶ୍ୱବିଦ୍ୟାଳୟ ଏବଂ ଡ୍ୟୁକ୍ ବିଶ୍ୱବିଦ୍ୟାଳୟର ଗବେଷଣା ଅନୁଯାୟୀ, ପ୍ରତି ସେକେଣ୍ଡରେ ପ୍ରାୟ ୨୯ ହଜାର ମେସେଜ ଚାଟ୍‌ଜିପିଟିକୁ ପ୍ରେରଣ କରାଯାଏ। ଏହା ଏଆଇର ଲୋକପ୍ରିୟତାକୁ ଦେଖାଉଛି।  ତେବେ ଲୋକେ  ଇ-ମେଲ୍‌ ଏବଂ ଆର୍ଟିକିଲ ଲେଖିବା ପାଇଁ ୪୦% ଚାଟ୍‌ଜିପିଟିର ବ୍ୟବହାର କରିଥାନ୍ତି। ଏହାସହ ପରାମର୍ଶ ଓ ମାର୍ଗଦର୍ଶନ ଲାଗି ୨୯ ପ୍ରତିଶତ ଏବଂ ତଥ୍ୟ ସନ୍ଧାନ ପାଇଁ ୨୪ ପ୍ରତିଶତ ଲୋକ ଏହାକୁ ବ୍ୟବହାର କରୁଛନ୍ତି। ଏହାବାଦ୍ ଟେକ୍ନିକାଲ ଏବଂ ପୋଗ୍ରାମିଂ ମେସେଜ୍‌ କେବଳ ୪.୨ ପ୍ରତିଶତ ଅଛି। ୧.୯ ପ୍ରତିଶତ ବ୍ୟବହାରକାରୀ ଚାଟ୍‌ଜିପିଟିରେ ସମ୍ପର୍କ ଏବଂ ଭାବନା ବିଷୟରେ ଆଲୋଚନା କରନ୍ତି  ଏବଂ ୦.୪ ପ୍ରତିଶତ  ବ୍ୟବହାରକାରୀ ଗେମିଂ ବିଷୟଗୁଡ଼ିକୁ ପସନ୍ଦ କରନ୍ତି। ଜୁଲାଇ ୨୦୨୫ ସୁଦ୍ଧା ମହିଳାମାନେ ଚାଟ୍‌ଜିପିଟି ଅଧିକ ବ୍ୟବହାର କରିଥିବା ଜଣାପଡ଼ିଛି। ଚାଟ୍‌ଜିପିଟିର ସର୍ବାଧିକ ସକ୍ରିୟ ବ୍ୟବହାରକାରୀଙ୍କ ମଧ୍ୟରୁ କେବଳ ୪୬ ପ୍ରତିଶତ ୧୮ ରୁ ୨୫ ବର୍ଷ ବୟସର ଅଛନ୍ତି। ସେହିପରି ଏଆଇର ଲୋକପ୍ରିୟତା ନିମ୍ନ ଧରଣର ଆୟ ଏବଂ ମଧ୍ୟମ ଧରଣର ଆୟ ଦେଶଗୁଡ଼ିକରେ ଦ୍ରୁତ ଗତିରେ ବୃଦ୍ଧି ପାଇଛି।

ନୂଆଦିଲ୍ଲୀ: ଚାଟ୍ ଜିପିଟି ଆସିବା ଦିନଠାରୁ, ଏହା ବିଷୟରେ କ୍ରମାଗତ ଖବର ଆସିବାରେ ଲାଗିଛି। କେହି କେହି ଏହାକୁ ଭବିଷ୍ୟତ ବୋଲି କହୁଥିବା ବେଳେ କେହି କେହି ଭବିଷ୍ୟତକୁ ନଷ୍ଟ କରିବାକୁ ଯାଉଥିବା କହୁଛନ୍ତି। ଭାରତର ମୁଖ୍ୟ ଆର୍ଥିକ ପରାମର୍ଶଦାତା ଭି ଅନନ୍ତ ନାଗେଶ୍ୱରନ୍ ଚାଟ୍ ଜିପିଟିକୁ ନେଇ ଏକ ବଡ଼ ଖୁଲାସା କରିଛନ୍ତି। ନିକଟରେ କଲକାତାର ଇଣ୍ଡିଆ ଚାମ୍ବରସ ଅଫ୍ କମର୍ସରେ ଏକ କାର୍ଯ୍ୟକ୍ରମରେ ଯୋଗଦେବା ଅବସରରେ ଶ୍ରୀ ନାଗେଶ୍ୱରନ୍ କହିଛନ୍ତି ଯେ, ଚାଟ୍ ଜିପିଟି ଦେଶ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ସେ କହିଛନ୍ତି ଯେ ଏହା ଦେଶରେ ଅନେକ ନିଯୁକ୍ତି ସୁଯୋଗ ସୃଷ୍ଟି କରିପାରିବ। ଏଥିଯୋଗୁ ଦେଶରେ ବେକାରୀ ସମସ୍ୟାର ସମାଧାନ ହୋଇପାରିବ। ଓପନ୍‌ ଏଆଇ ଚାଟ୍ ଜିପିଟି ଦେଶର ଆଇଟି କ୍ଷେତ୍ରରେ ନିଯୁକ୍ତି ସୁଯୋଗରେ ଅହେତୁକ ବୃଦ୍ଧି ଘଟାଇବ। ଏହା ରୋଜଗାର ବୃଦ୍ଧି କରିବ। ଏଭଳି ପରିସ୍ଥିତିରେ ଏହି ଏଆଇ ଉପକରଣ ଦେଶ ପାଇଁ ଅତ୍ୟନ୍ତ ଲାଭଦାୟକ ସାବ୍ୟସ୍ତ ହେବ। ଏହି କାରଣରୁ ଦେଶରେ ଅନେକ ପ୍ରକଳ୍ପ ଆସିପାରେ। ଭାରତର ମୁଖ୍ୟ ଆର୍ଥିକ ପରାମର୍ଶଦାତା ଭି. ଅନନ୍ତ ନାଗେଶ୍ୱରନ୍ କଲକାତାଠାରେ କହିଛନ୍ତି ଯେ ଚାଟ୍ ଜିପିଟି ଚାକିରି ଉପରେ ପ୍ରଭାବ ପକାଇପାରେ। ଏହା ଆଇଟି କ୍ଷେତ୍ରରେ ଅନେକ ଚାକିରି ସୁଯୋଗ ଖୋଲିବ। ଦେଶ ପ୍ରଗତି ଏବଂ ବିକାଶର ପଥରେ ଅଛି। ଏଭଳି ପରିସ୍ଥିତିରେ ଦେଶ ପାଇଁ ଖୋଲା ଏଆଇ ପ୍ଲାଟଫର୍ମ ଚାଟ୍ ଜିପିଟି ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।

ଯଦି ଚାଟ୍ ଜିପିଟି କାରଣରୁ ଦେଶରେ ନିଯୁକ୍ତି ସୁଯୋଗ ଖୋଲିଯାଏ, ତେବେ ଏହା ଦେଶର ପ୍ରଗତିରେ ସହାୟକ ହେବ। ଚାଟ୍ ଜିପିଟିର ଆଗମନ ସହିତ ବିଦେଶୀ କମ୍ପାନୀମାନେ ଭାରତ ଆସିବେ ଏବଂ ନୂତନ ଚାକିରିର ସୁଯୋଗ ଖୋଲିବ ଅଧିକ ନିଯୁକ୍ତି ସୁଯୋଗ ଦେଉଥିବା କମ୍ପାନୀ ଏହାର ପ୍ରକଳ୍ପଗୁଡ଼ିକୁ ଭାରତକୁ ଆଣିପାରିବେ। ଚାଟ୍ ଜିପିଟିର ଆଗମନ ସହିତ, ଚାକିରିର ଅନ୍ୟାନ୍ୟ ଉପାୟ ମଧ୍ୟ ଖୋଲିବ। ସେ କହିଛନ୍ତି ଯେ ଚାଟ୍ ଜିପିଟିର ପରିଚୟ ସହିତ ଲୋକଙ୍କ ବେତନରେ ଯଥେଷ୍ଟ ବୃଦ୍ଧି ହୋଇପାରେ। ଚାଟ୍ ଜିପିଟି ଆଇଟି କ୍ଷେତ୍ରରେ ଚାକିରିର ଏକ ବୃଦ୍ଧି ଆଣିପାରେ। ତଥାପି, ଏଆଇ ବିଷୟରେ ଲୋକଙ୍କ ମନରେ ଏକ ଭୟ ମଧ୍ୟ ରହିଛି ଯେ ଏହା ଲୋକଙ୍କ ଚାକିରି ଖାଇଯିବ, କିନ୍ତୁ, ଏଆଇର ଆଗମନ ସହିତ ଦେଶରେ ଅନେକ ଚାକିରି ଆସିପାରେ।

ନୂଆଦିଲ୍ଲୀ: ଆଗକୁ ଆସୁଛି ‘ଆର୍ଟିଫିସିଆଲ ଇଣ୍ଟେଲିଜେନ୍ସ’ ବା ‘କୃତ୍ରିମ ବୁଦ୍ଧିମତା’ ର ଯୁଗ । ଏବେ ସାରା ବିଶ୍ୱରେ ଆର୍ଟିଫିସିଆଲ ଇଣ୍ଟେଲିଜେନ୍ସ ବା ଏଆଇ କୁ ନେଇ ବଢୁଛି ଚର୍ଚ୍ଚା । ବର୍ତ୍ତମାନ ଏହାର ଉନ୍ନତିକରଣ ଚାଲିଥିବାବେଳେ ଭବିଷ୍ୟତରେ ଏହାର ବ୍ୟବହାରକୁ ନେଇ ସୃଷ୍ଟି ହୋଇଛି ଆଶଙ୍କା । ଏହାର ପରୀକ୍ଷା ନୀରିକ୍ଷା ବନ୍ଦ କରାନଗଲେ ଭବିଷ୍ୟତରେ ଏହା ମାନବ ସମାଜ ପ୍ରତି ଆଣିପାରେ ବଡ ବିପଦ । ଯଦି ବାସ୍ତବରେ ଆର୍ଟିଫିସିଆଲ ଇଣ୍ଟେଲିଜେନସ କାର୍ଯ୍ୟକାରୀ ହୁଏ ତେବେ ୩୦ କୋଟି ଚାକିରି ବିପନ୍ନ ହେବା ଆଶଙ୍କା ସୃଷ୍ଟି ହୋଇଛି ।

ଏଆଇ ବା ଆର୍ଟିଫିସିଆଲ ଇଣ୍ଟେଲିଜେନ୍ସର ପ୍ରଶିକ୍ଷଣକୁ ବନ୍ଦ କରିବା ଲାଗି ଦାବି କରିଛନ୍ତି ଟୁଇଟର ମୁଖ୍ୟ ଏଲନ ମସ୍କ ଓ ଆପଲ୍ ସହପ୍ରତିଷ୍ଠାତା ଷ୍ଟିଭ ଓ୍ବଜନାକଙ୍କ ସମେତ ଶିକ୍ଷା ଓ ପ୍ରଯୁକ୍ତି ଜଗତର ଅନେକ ବିଶେଷଜ୍ଞ । ଆର୍ଟିଫିସିଆଲ ଇଣ୍ଟେଲିଜେନସ କ୍ରମଶଃ ନିୟନ୍ତ୍ରଣ ବାହାରକୁ ଚାଲିଯିବ ବୋଲି ସେମାନେ ଏକ ଖୋଲା ପତ୍ରରେ ଦର୍ଶାଇଛନ୍ତି ।

ଆର୍ଟିଫିସିଅ ଇଣ୍ଟେଲିଜେନ୍ସକୁ ନେଇ ଆଜି ଯେଉଁ ଝଡ ସୃଷ୍ଟି ହୋଇଛି ଏହା ପଛରେ ରହିଛି ‘ଚାଟ୍ ଜିପିଟି’ । ମଣିଷର ମସ୍ତିଷ୍କ ପରି କାମ କରୁଛି ‘ଏଆଇ’ ର ଚାଟ୍ ଜିପିଟି । ଯେ କୌଣସି ପ୍ରଶ୍ନର ଉତ୍ତର ମଣିଷ ପରି ତତକ୍ଷଣାତ ଦେଇପାରୁଥିବା ଟେକ୍ନୋଲୋଜିର ନାମ ଆର୍ଟିଫିସିଅ ଇଣ୍ଟେଲିଜେନ୍ସ । ଏବେ ଏହା କେବଳ ଡେଭଲପିଂ ଷ୍ଟେଜରେ ଅଛି । ଏହାକୁ ନେଇ ଆହୁରି ଅନୁଧ୍ୟାନ ଜାରି ରହିଛି । ମାତ୍ର ଯେବେ ଏହା ସମ୍ପୂର୍ଣ୍ଣ ପ୍ରସ୍ତୁତ ହୋଇଯିବ, କେତେ ଭୟଙ୍କର ହେବ ତାହା ଚିନ୍ତା ବାହାରେ ।