ବାଲେଶ୍ବର: ଡିଆରଡିଓର ଚାନ୍ଦିପୁରସ୍ଥିତ କ୍ଷେପଣାସ୍ତ୍ର ଘାଟି(ଆଇଟିଆର୍‌)ରୁ ଅତି ସ୍ବଳ୍ପ ଦୂରଗାମୀ ଏୟାର ଡିଫେନ୍ସ ସିଷ୍ଟମ (ଭିଏସ୍‌ଆର୍‌ଏଡିଏସ୍‌) ମିସାଇଲର କ୍ରମାଗତ ୨ଟି ପରୀକ୍ଷଣ ସଫଳ ହୋଇଛି। ଭିଏସ୍‌ଆର୍‌ଏଡିଏସ୍‌ ହେଉଛି ଏକ ମ୍ୟାନ୍ ପୋର୍ଟେବଲ୍ ଏୟାର ଡିଫେନ୍ସ ସିଷ୍ଟମ୍ ଯାହା ସ୍ୱଳ୍ପ ଦୂରତାରେ ସ୍ୱଳ୍ପ ଉଚ୍ଚତା ବିଶିଷ୍ଟ ଆକାଶମାର୍ଗରେ ଆସୁଥିବା ବିପଦକୁ ସାମ୍‌ନା କରିବା ପାଇଁ ଉଦ୍ଦିଷ୍ଟ ହୋଇଛି।

#WATCH | Flight test of DRDO-developed ‘Very Short Range Air Defence System’ conducted off the coast of Odisha. pic.twitter.com/mtnDoMaw2O

— ANI (@ANI) March 14, 2023

ହାଇଦ୍ରାବାଦର ଅନୁସନ୍ଧାନ କେନ୍ଦ୍ର ଇମାରତ ଦ୍ବାରା ଡିଆରଡିଓର ଲାବେରେଟୋରି ଏବଂ ଭାରତୀୟ ଶିଳ୍ପ ସହଭାଗୀମାନଙ୍କ ସହଯୋଗ‌ରେ ଏହାର ଡିଜାଇନ୍‌ ବିକଶିତ କରାଯାଇଛି। ତେବେ ପରୀକ୍ଷଣ ବେଳେ ଏହି ମିସାଇଲ ସମସ୍ତ ଲକ୍ଷ୍ୟ ହାସଲ କରିଥିବା ଡିଆରଡିଓ ପକ୍ଷରୁ ସୂଚନା ଦିଆଯାଇଛି। ସଫଳ ପରୀକ୍ଷଣ ପାଇଁ ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଡିଆରଡିଓ ତଥା ପ୍ରତିରକ୍ଷା ବିଭାଗର ଆର ଆଣ୍ଡ ଡି ଚେୟାରମେନ୍‌ ଡକ୍ଟର ସମୀର ଭି କମାଟ ଏହି ମିଶନରେ ଜଡ଼ିତ ସମସ୍ତ ବୈଜ୍ଞାନିକମାନଙ୍କୁ ଶୁଭେଚ୍ଛା ଓ ଧନ୍ୟବାଦ ଜଣାଇଛନ୍ତି।